2 Samweri 2:26 - Kifuliiru

²⁶ Ulya Habineeri anahamagala Yohabu, anamúbwira: «Ka tugayama tuli mu lwa? Ka utabwini kwo mu kuheza, bigatubiihira? Yiri izibo liitu, ligaamala mangoki? Uhanuulage beene wawe, kwo bajande ukubingiriza beene wabo.»

2 Samweri 2:26 ပူးပေါင်းရင်းမြစ်များ

2 Samweri 11:25

Dahudi, ti: «Ugendi bwira Yohabu kwo atabe noꞌluhahalizi. Ingooti itagweti amasu. Si ugenderere ukukizi kateera, halinde ukakajigiivye. Umúbwire kwokwo, gira akanie umutima.»

2 Samweri 2:14

Habineeri anadeta: «E Yohabu, iyi misore, tugishimye, gira ilwe imbere liitu.» Yohabu anayemeera, ti: «Ngahwe!»

2 Samweri 2:16

Lyeryo, ngiisi muguma anagugumira umugoma wage kwiꞌtwe, banayomekana ingooti mu mbavu. Kwo bali booshi, banayami yidikuula haashi, banafwa. Kwokwo, yaho i Gibyoni, hanabuuzibwa Ahandu heꞌNgooti halinde zeene.

2 Samweri 2:25

Lyeryo, beene Binyamiini banayibiika ku Habineeri, banamúzunguluka, banayimanga yaho ku mugazi.

2 Samweri 2:27

Yohabu anamúshuvya: «Yiri igambo, nga utangalidesiri, nga kwo Rurema ayamiri ho, bano beene wani bashuba bagagenderera ukubingiriza beene wabo halinde kusheezi shesheezi.»

Hayubu 18:2

«Ewe! Yuku kulomboojera kwawe, ugakutwikira kwo mangoki? Tee detage amagambo ágayuvwikiini, gira lyo tulonga ukuganuula bwija.

Hayubu 19:2

«Mugagendereraga ukundibuza halinde mangoki? Si yaga magambo giinyu, gagweti gaganvungula-nvungula!

Zaburi 4:2

E Rurema wani, ngiisi byo uli mu gira, biyamiri bikwaniini. Kwokwo, ikyanya ndi mu makuba, na mbe ndi mu kutabaaza, ukizi njuvya, unandabaale. Bwo we ndi mu huuna, ukizi nyitaba, iri unanyuvwirwa indengeerwa.

Migani 17:14

Ukushomboroza umulongwe, kuli nga kuhongola amabenga, amiiji ganagolombe. Kwokwo, ikyanya umulongwe gutazi tondeera, buli bwija ukizi guyiyeka.

Hisaaya 1:20

Halikago, iri mwangakizi mbindulira ingoto, munabe muli mu huna imbere lyani, haaho, lyaꞌbagoma biinyu bagamùminika ku ngooti. Yago magambo, nie Nahano nie gadesiri.»

Yeremiya 12:12

«Hooshi ku marango, abasirikaani bakola mu yiji shahula ibindu. Yabo basirikaani, nienyene nie kabatumira, gira bashereeze ikihugo kyoshi, ndaanaye mundu úgakituula mwo ku butoge.

Yeremiya 2:30

«Kundu nꞌgamùhaniiriza, ndaabyo bikamùgirira. Si ikyanya mukahanwa, mutanangalukira. Mwâli kizi minika abaleevi biinyu ku ngooti. Mwehe, mulyagagi nga ndare ndangi íshalisiri, inakola mu janganulana.

Yeremiya 4:21

Yago marembera goꞌkuyerekana kwo halyagagi ikiteero, ngagenderera ukukizi gabona-bona halinde mangoki? Kiri na yibyo bibuga biꞌzibo, ngakizi biyuvwa halinde mangoki?

Yeremiya 46:10

Kundu kwokwo, luno lusiku lulyagagi lweꞌmwa Nahano Rurema woꞌbushobozi bwoshi! Yabo booshi, mu siku ízigayija, agabayihoola. Agahaniiriza abagoma baage, halinde anabaminike ku ngooti. Abagoma baabo, bagabajiga, halinde abasirikaani bingi banayitwe. Abandu ábatuuziri uluhande lweꞌmbembe, hoofi noꞌlwiji Hefuraati, bagaaba ngiꞌtuulo íryatangwa imwa Nahano woꞌbushobozi bwoshi.

Yeremiya 46:14

«Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”

Hosheya 11:6

«Ingooti zikolaga zigalavya-lavya mu twaya twabo. Abagoma banakizi yifunda mu miryango yabo. Mwomwo, mweꞌshungi zaabo mbi zigahekera.

Mikolezi 7:26

«Neꞌri bukakya, anahulukira ku Bahisiraheeri babiri ábâli kola mu lwa, anagira mbu abafunge, ti: “E bashosi, maashi! Si mwe baguma! Aahago! Kituma kiki mugweti mugakomeresania?”