2 Samweri 19:29 - Kifuliiru

²⁹ «E mwami, nahamwitu, imbaga yoshi ya shokulu, yâli kwaniini ukuyitirwa imbere lyawe. Kundu kwokwo, wanambanguula kwo tukizi shangiira kuguma na ábali mu lya ku kashasha kaawe. Aaho! Kuti kwo nangaki luha ukukuyigonga?»

2 Samweri 19:29 ပူးပေါင်းရင်းမြစ်များ

2 Samweri 19:28

E mwami, nahamwitu, uyo mukozi wani, akambeeshera. Kundu kwokwo, uli nga muganda wa Rurema. Kwokwo, ngiisi byo ubwini kwo biri biija, bibe byo ugangirira.

2 Samweri 19:30

Mwami anamúbwira: «Utali niꞌgoorwa, mbu ushubi deta-deta. Si keera nashungika kweꞌkihugo kya Sahuli, mwe na Siiba, mwe mugakigabaana.»

2 Samweri 9:2

Hâli riiri umukozi wa Sahuli, iziina lyage Siiba. Uyo Siiba, banamútumira kwo ayije imunda mwami Dahudi. Iri akahika, Dahudi anamúbuuza: «Ka we Siiba?» Naye, ti: «Ee waliha! Ndi mukozi wawe.»

2 Samweri 9:7

Uyo Dahudi anamúbwira: «Utayobohe! Ku kasiisa, ngakugirira amiija, hiꞌgulu lya yisho Yonataani. Kiri neꞌndalo ízikasigwa na shokulu wawe wa Sahuli, ngakugalulira zo. Isiku zooshi, tugakizi shangiira ku kashasha kaani.»

2 Samweri 9:9

Mwami anatumira Siiba, umukozi wa Sahuli, anamúbwira kwokuno: «Birya bindu byoshi bya nahamwinyu Sahuli neꞌmbaga yage, nabiheereza mwijukulu wage.

Zaburi 101:5

Ikyanya abandu bagakizi gamba abatuulani baabo, ngakizi yami bahulisa. Neꞌkyanya bagakizi yikangaata, banabe bali mu kyokolana, ndagabalekeerera.

Zaburi 82:2

«Si muli mu kundirira banangora-mabi! Aaho! Mugakizi babulanira halinde mangoki?

Migani 18:13

Ikyanya umundu ali mu yitalukiza mu kushuvya, iri keera ayifunda mu buhwija, anateezibwe ishoni.

Mikolezi 18:15

Haliko, bwo mugweti mugahambanwa ku magambo naaho, na ku maziina, na ku byeꞌmaaja ziinyu, mugendi bimala mwenyene! Niehe, mwene yibi, ndagaatwa ulubaaja lwabyo!»