2 Samweri 18:18 - Kifuliiru

¹⁸ Ku kyanya Habusalumu âli ki riiri mugumaana, âli mali gwanwa ayishingira inguliro áhali mu buuzibwa Indekeera ya Mwami. Anadeta: «Bwo ndahiiti umwana mutabana, ndaaye úgasigala mwiꞌziina lyani, mbu ngizi kengeerwa.» Iyo nguliro, anagiyinika iziina lyage. Kwokwo, kwo iri mu buuzibwa, halinde zeene.

2 Samweri 18:18 ပူးပေါင်းရင်းမြစ်များ

Ndondeko 11:4

Ha nyuma, banashubi ganuuzania, ti: «Mugirage tuyubake akaaya, kanabe kali noꞌlwingo úlugaahika halinde kwiꞌgulu. Kwokwo, lyo nyiitu tukizi menyeekana, tutanaki shaabukire mu mahanga gooshi.»

Ndondeko 11:9

Kyo kikatuma yako kaaya kakabuuzibwa Babeeri. Mukuba, haaho ho Nahano akashobaniza indeto yaꞌbandu booshi, anabashabulira hooshi mu mahanga.

Ndondeko 14:17

Ikyanya Hiburamu akaba keera ahima umwami Kedorilahomeeri, naꞌbaabo baami ábakamútabaala, anagaluka. Mwami weꞌSoodoma anagendi músanganira mu ndekeera yeꞌSawe (kuli kudeta: mu ndekeera ya Mwami).

2 Samweri 14:27

Habusalumu akabuta abaana bashatu boꞌbutabana, noꞌmunyere muguma. Uyo munyere, iziina lyage ye Tamaari. Naye, âli nonosiri.

Zaburi 109:13

Imbaga yage ihere lwoshi-lwoshi. Ku kibusi kiguma naaho, iziina lyage lihotolwe.

Zaburi 49:11

Bibonekeriiri kwaꞌbitegeereza bali mu fwa. Kiri neꞌbizeeze naꞌbahwija, nabo bali mu fwa, banasigire abandi ubugale bwabo.

Hisaaya 22:16

«E Sebuna, maki gano? Biki byo ugweti ugaagira? Nyandagi úkakuhanguula kwo uyihumbire ishinda hano? Aahago! Kituma kiki ugweti ugagiyibaajira mu luno lwala?

Yeremiya 22:30

“Uyo Koniya, muyandike hiꞌgulu lyage kwo atahiiti ibuta, ataganagenduukirwa. Mukuba mu kihugo kyeꞌBuyuda, ndaaye wa mwiꞌkondo lyage úwâye yime mwo, mbu atwale ku kitumbi kya Dahudi.”»

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Muharuuro 32:42

Ku yikyo kyanya, mundu muguma iziina lyage Noba, anagendi gwata akaaya keꞌKenati, kuguma noꞌtwaya tuniini útwâli kazungulusiri. Naye anakayinika iziina lyage, Noba.

1 Samweri 15:12

Iri hakaba shesheezi kare-kare, Samweri anavyukaga, anagendi looza Sahuli. Haliko, anabwirwa, ti: «Mwami Sahuli agenda i Karimeeri, keera anayubaka yoꞌlwingo luhamu lwoꞌkuyikengeeza. Na buno amanukira i Girigaali.»