2 Samweri 17:28 - Kifuliiru

^28-29 Yabo bandu, mbu babone Dahudi, kuguma na bo baliriinwi, banadeta: «Yaba bo muliriinwi, ulugeezi lwa mwiꞌshamba keera lwabajagabula, banakoli nyotiirwi.» Kwokwo, banabaleetera ingingo, neꞌnyibo, neꞌbindi íbikabumbwa mwiꞌbumba. Neꞌri bakabona kwo bakoli shalisiri, banabaleetera ingano, noꞌbulo, noꞌmushyano, neꞌbigooje bikalange, neꞌngoole, naꞌmajeeri, noꞌbuuki, naꞌmashaaza, naꞌmakaavwe geꞌngaavu na geꞌbibuzi.

2 Samweri 17:28 ပူးပေါင်းရင်းမြစ်များ

Ndondeko 25:34

Ha nyuma, Yakobo anaheereza Hesahu ku mukate, na ku zirya ngoole. Neꞌri Hesahu akayusa ukubilya noꞌkunywa, anayigendera. Kwokwo, kwo âli gayiriziizi ubungulwe bwage.

Migani 11:25

Ikyanya abandu bali mu haana ku shagayo, bali mu genduukirwa. Neꞌkyanya bali mu tabaala abandi, lyo nabo bali mu tabaalwa.

Hisaaya 32:8

Si abandu biija boohe, bali mu tabaalana, kinatume bakiri mu sikama.

Hobadiya 1:3

E Bahedoomu, si mwayibona, mbu bwo mutuuziri mu maala ga mu migazi, na bwo muyubasiri inyumba ziinyu áhayinamusiri bweneene. Mugweti mugayikangaata, ti: “Nyandagi úwangatushungulula hano?” Kundu mugweti mugaadeta kwokwo, si mutebesiri!

Mataayo 5:7

Bahiriirwi, ábagweti bagakejererana! Boohe, Rurema agabakejeerera.

1 Samweri 25:18

Ulya Habigahiri anayami yabiira imikate magana gabiri, neꞌndaha zibiri zeꞌdivaayi. Anayabiira neꞌbibuzi bitaanu, banabideeka bwija, banayabiira neꞌbilo bitaanu byeꞌngano ngalange, neꞌmihuli igana yeꞌmizabibu myumu, neꞌmikate magana gabiri íkagirwa mu mitiini myumu. Yibyo byokulya byoshi, anabiboha-boha, anabishoneza ku bapunda.