2 Samweri 17:23 - Kifuliiru

²³ Uyo Ahitofeeri, iri akabona kwo bataki twaziizi ihano lyage, anashonera ku punda wage, anagalukira imwage. Neꞌri akahikaga yo, anatee tegeka amagambo gooshi ga mu nyumba yage. Iri akayusa, anayami yimanika. Kwokwo, kwo akafwa, banamúziika mu shinda ya yishe.

2 Samweri 17:23 ပူးပေါင်းရင်းမြစ်များ

2 Samweri 15:12

Uyo Habusalumu, ikyanya âli kola mu tanga ituulo, anatuma indumwa imwa Ahitofeeri, wa mu kaaya keꞌGilo. Uyo mundu, ye wâli mugingi woꞌkukizi hanuula mwami Dahudi. Na bwo Ahitofeeri akahika, Habusalumu anatondeera ukusikama mu buhuni bwage. Abandu banakizi genda bamúshoshiiri ku bwingi.

2 Samweri 15:31

Ku yikyo kyanya, Dahudi anabwirwa kwo kiri na Ahitofeeri akahuna, mu kuyibiika ku Habusalumu. Haaho, Dahudi anahuuna, ti: «E Nahano, ubwitegeereze bwa Ahitofeeri, ukizi buhindula, bube buhwija.»

2 Samweri 16:23

Mu yizo siku, ihano lya Ahitofeeri, lyâli kizi ba nga lyalyoka imwa Rurema yenyene. Dahudi na Habusalumu, batâli kizi libambala.

2 Samweri 17:22

Kwokwo, Dahudi na bo bâli ririinwi, banajabuka ulwiji Yorodaani. Neꞌri bukaba bukola mu tejuukana, ndaaye mundu úwâli ki sigiiri i kajabo koꞌlwiji.

1 Baami 16:18

Ikyanya Zimuri akabona kwaꞌkaaya kaage keera kagwatwa imbira, anayami yityombeeza mu kajumiro, anakaduulika kwoꞌmuliro, anasingookera mwo.

2 Baami 20:1

Ku yikyo kyanya, mwami Hezekiya analwala bweneene, anahambiri fwa. Kwokwo, umuleevi Hisaaya mugala Hamoozi, anayiji mútanduula, anamúbwira: «Nahano adetaga kwokuno: “Ulingaanie bwija amagambo ga mu nyumba yawe. Utagaki kira, si ukola ugaafwa.”»

Hayubu 31:3

Abandu babi, si agweti agabahaniiriza, mu kubaleeza mwoꞌbuhanya! Ikyanya bali mu kola amabi, bali mu yikululira umwama.

Zaburi 109:20

Ngiisi ábagweti bagandega, kwokwo kwo Nahano agakizi bahemba. Mukuba, bali mu kizi ndeta buligo.

Zaburi 5:10

Balya bagoma, mu byo bali mu deta, ndaakwo ukuli, kiri niꞌgambo liguma. Si mu mitima yabo, baloziizi naaho kwo bakizi yitana. Ngiisi íbiri mu lenga mu bikorokoro byabo, biri mu ba nga shinda íziyanuusiri. Ngiisi byo bali mu deta, biri mu ba naaho bya kulyalyania.

Zaburi 55:23

Ewe! Ikyanya uli mu longaga amakuba, ulekage Nahano abe ye gagalola. Yenyene agakizi kuhahala. Atagaaleka umundu mwija kwo atibukire haashi.

Migani 16:18

Ikyanya umundu ali mu yiheemya, iri akola agashereezibwa. Ee! Ikyanya ali mu yikangaata, iri akola agayihongoleka haashi.

Migani 19:3

Umuhwija, ubuhwija bwage bwo buli mu músherebeza. Kundu kwokwo, ali mu rakarira Nahano.

Hisaaya 38:1

Ku yikyo kyanya, mwami Hezekiya analwala bweneene, anahambiri fwa. Kwokwo, umuleevi Hisaaya mugala Hamoozi, anayiji mútanduula, anamúbwira kwo Nahano adetaga kwokuno: «Utagaki kira, si ukola ugaafwa. Aaho! Ulingaanie bwija amagambo ga mu nyumba yawe.»

Mataayo 27:5

Yuda anayami shahika birya bingorongoro mu nyumba ya Rurema, anakuuduka, anayami gendi yimanika.