2 Samweri 15:31 - Kifuliiru

³¹ Ku yikyo kyanya, Dahudi anabwirwa kwo kiri na Ahitofeeri akahuna, mu kuyibiika ku Habusalumu. Haaho, Dahudi anahuuna, ti: «E Nahano, ubwitegeereze bwa Ahitofeeri, ukizi buhindula, bube buhwija.»

2 Samweri 15:31 ပူးပေါင်းရင်းမြစ်များ

2 Samweri 15:12

Uyo Habusalumu, ikyanya âli kola mu tanga ituulo, anatuma indumwa imwa Ahitofeeri, wa mu kaaya keꞌGilo. Uyo mundu, ye wâli mugingi woꞌkukizi hanuula mwami Dahudi. Na bwo Ahitofeeri akahika, Habusalumu anatondeera ukusikama mu buhuni bwage. Abandu banakizi genda bamúshoshiiri ku bwingi.

2 Samweri 16:23

Mu yizo siku, ihano lya Ahitofeeri, lyâli kizi ba nga lyalyoka imwa Rurema yenyene. Dahudi na Habusalumu, batâli kizi libambala.

2 Samweri 17:14

Habusalumu, kuguma naꞌbaabo Bahisiraheeri, banadeta kwokuno: «Ihano lya Hushayi, lyo liija kwiꞌhano lya Ahitofeeri.» Yiryo ihano lya Ahitofeeri, íbikatuma Abahisiraheeri bagaligaya, bwo Nahano âli mali shungika kwo agalishobania, halinde Habusalumu ashereezibwe.

2 Samweri 17:23

Uyo Ahitofeeri, iri akabona kwo bataki twaziizi ihano lyage, anashonera ku punda wage, anagalukira imwage. Neꞌri akahikaga yo, anatee tegeka amagambo gooshi ga mu nyumba yage. Iri akayusa, anayami yimanika. Kwokwo, kwo akafwa, banamúziika mu shinda ya yishe.

2 Samweri 17:5

Haaho, Habusalumu anadeta: «Mutumire na Hushayi, Umuhariki, gira tuyuvwe ngiisi kwo naye agaadeta.»

2 Samweri 17:7

Ulya Hushayi anashuvya Habusalumu, ti: «Yiryo ihano lya Ahitofeeri, leero litali liija.

Hayubu 5:12

Ikyanya abandu babi bali mu gira ishungi, ali mu zihongola, gira imikolezi yabo, itakengeere yabagenduukira.

Zaburi 109:3

Yabo banangora-mabi bali mu ndeta-ndeta ku bushombani naaho, banali mu kizi ndeera ku kimaama.

Zaburi 3:1

Izaburi ya Dahudi, ku kyanya akatibita mugala wage Habusalumu.

Zaburi 41:9

Bagweti bagakizi deta: «Si keera ubulwazi bwamúkayira bweneene! Ngiisi ho alambamiri, atâye ki havyuke.»

Zaburi 55:10

E Nahano, balya banangora-mabi, ubabuliisagye ubulyo, maashi, halinde batakizi yuvwanwa mu ndeto zaabo. Buno, mbwinagi ngiisi kwo bakola mu langama, banali mu longoozania mu kaaya.

Zaburi 55:12

Si bali mu shereeza-shereeza hooshi mu kaaya. Banagweti bagakizi biikirana ibikando, iri banakizi beesha-beesha.

Hisaaya 19:3

Balya Bamiisiri, kwokwo, kwo ngabavuniisa imitima. Bagakizi laguza, iri banaganuuza imizimu, kiri naꞌbalozi, naꞌbanamaleere. Kundu kwokwo, ngiisi byo bagaaba bashungisiri, ngabishereeza ngana.

Hisaaya 44:25

Abaleevi beꞌkinyoma, ndi mu babuligania. Naꞌbalaguza, ndi mu bakubika. Abenge, kundu bangagiraga mbu badete, haliko ndi mu bahubiisa. Kundu basomiragi, si ngayerekana ngiisi kwo balyagagi bahwija.

Yohana 13:18

«Ikyanya ndi mu deta yaga magambo, gatali hiꞌgulu liinyu mweshi. Nyiji bwija ngiisi bo nꞌgatoola. Si lirya igambo likwiriiri likoleke, íriyandisirwi mu Mandiko Meeru kwokuno: “Ulya ye twashangiira umukate, keera anyihindulira.”

1 Bakorindo 1:20

Aaho! Kutagi kwo bigaaba imwoꞌmunabwenge, neꞌmwoꞌmunamasomo, neꞌmweꞌndesi ya mu kino kihugo? Si amenge gooshi ga mu kihugo, keera Rurema akagagira bube buhwija!

Yakobo 3:15

Ubwitegeereze mwene yubwo, butalyosiri mwiꞌgulu. Si buli bweꞌkihugo! Bunali bwaꞌmagala. Bunalyosiri imwa Shetaani yenyene.