2 Samweri 15:25 - Kifuliiru

²⁵ Ha nyuma, mwami Dahudi anabwiraga Saadoki: «Kano Kajumba ka Rurema, ukagalulire mu kaaya. Neꞌri Nahano anganyuvwirwa indengeerwa, angashubi ngalula, halinde na njubi bona Akajumba kaage. Mukuba, haaho, ho ayamiri atuuziri.

2 Samweri 15:25 ပူးပေါင်းရင်းမြစ်များ

2 Samweri 6:17

Kalya Kajumba, banakayingiza mwiꞌheema lyo Dahudi âli shiiziri, banakatereka ahandu haako. Dahudi anayami tanga amatuulo goꞌkusiriiza lwoshi, na goꞌkuyerekana ingoome imbere lya Nahano.

2 Samweri 7:2

Lusiku luguma, Dahudi anatumira umuleevi Natani, anamúbwira: «Niehe, nduuziri mu kajumiro kayubake neꞌbiti byeꞌmyerezi, kanalimbiri bweneene. Haliko, Akajumba ka Rurema, koohe kaki singwirwi mwiꞌheema.»

Zaburi 122:1

Izaburi ya Dahudi. Luli mu yimbwa na ábali mu zamuukira i Yerusaleemu. Ikyanya nꞌgabwirwa kwo tugendage ha nyumba ya Nahano, nanashambaala ngana-ngana.

Zaburi 122:9

E Yerusaleemu, mu mwawe, mwo muli inyumba ya Rurema Nahamwitu. Kwokwo, ndoziizi kwo ukizi genduukirwa.»

Zaburi 26:8

E Nahano, nguuziri inyumba yawe, bwo wenyene utuuziri mwo. Munali mwoꞌbulangashane bwawe buli.

Zaburi 84:10

E Rurema, keera ukatoola mwami witu, ye na siribo yitu. Aaho! Ukizi múlola kwo, unakizi múgashaanira.

Kulyoka 15:13

«Urukundo lwawe, lutahiiti imbeka. Na ku njira yalwo, ugarongoora abandu baawe. Keera wabaguluula. Na ku bushobozi bwawe, ugabahisa ahandu haawe heeru.

Kulyoka 33:12

Musa anabwira Nahano: «Lolaga! Uli mu mbwira kwo ngizi rongoora yaba bandu. Haliko utazi nyereka umundu ye watuma kwo andabaale. Wanadeta kwo uyiji-yiji iziina lyani, na kwo unyemeriiri.

Kulyoka 33:13

Aaho! Iri wangaba unyemeriiri, ummenyeese injira zaawe, gira ndonge ukukumenya, na ngusimiise. E waliha, ukengeere kwo yaba bandu bali beꞌmwawe.»

Yeremiya 25:30

«Ku yukwo, e Yeremiya! Yibyo byoshi, ugendi bimenyeesa abandu, unababwire kwokuno: “Nahano mwiꞌgulu, agalunduma mu kulwisa abandu baage. Ee! Agayamiza, ngoꞌmundu úgweti úgakanda imizabibu. Agateera akaluulu hiꞌgulu lya booshi ábatuuziri mu kihugo.

Yeremiya 7:4

Mutanahendwe naꞌmagambo gaꞌbandu bagweti bagakizi deta, mbu: Ino Nyumba ya Nahano, iri yeꞌmwage yenyene! Iri yeꞌmwage. Ee! Iryagagi ya Nahano!