2 Samweri 12:16 - Kifuliiru

¹⁶ Uyo Dahudi anahuuna Rurema bweneene kwo amúkirize ye, anatondeera ukuyishalisa, anayingira mu mwage, anakizi lambama haashi, halinde shesheezi.

2 Samweri 12:16 ပူးပေါင်းရင်းမြစ်များ

2 Samweri 12:15

Natani, mbu ayuse ukudeta kwokwo, anagalukira i kaaya. Uyo Dahudi, ikyanya akabuta umwana ku Batisheeba, muka Huriya, Nahano analambika umwana kwoꞌbulwazi.

2 Samweri 12:22

Uyo Dahudi, ti: «Ikyanya umwana ashuba mulwazi, nanayishalisa, iri ninalira. Na íbyatuma njuba mu gira kwokwo, bwo nꞌgatona kwo hali ikyanya Nahano anganyuvwirwa indengeerwa, anamúngirize.

2 Samweri 13:31

Mwami anayami yimuka, anabera ibyambalwa byage, anagwejera mu luvu hiꞌgulu lyoꞌmwizingeerwe. Kiri naꞌbakozi baage ábâli riiri ho, nabo banabera ibyambalwa byabo.

1 Baami 21:27

Galya magambo, iri Ahabu akagayuvwa, anayami daatula ibyambalwa byage, anakizi yambala amasuuzu, iri anayishalisa. Yago masuuzu, atâli kizi gahogola, kiri mu kugwejera. Kiri na mu kugenda, âli jabati-jabati.

Nehemiya 1:4

Yiryo ishuvyo, iri nꞌgaliyuvwa, nanayami bwatala haashi, nanaliruuka bweneene. Nanahisa isiku nyingi ngweti ngaalira, iri ninayishalisa. Nanahuuna Rurema úli mwiꞌgulu, mu kumútakira, kwokuno:

Hesiteeri 4:16

«Ugendage mu kaaya keꞌSusaani, unakuumanie Abayahudi booshi ábali mwo, munayishalise hiꞌgulu lyani. Hatagire byo mugaalya, kandi iri byo mugaanywa ku siku zishatu, ubushigi niꞌzuuba. Naani, kuguma naꞌbakozi baani, nyiitu tugayishalisa. Ha nyuma, ngabulagi genda imunda mwami, kundu ulubaaja lutahangwiri kwo habe umundu úgagendi múbona átahangwirwi. Neꞌri kwangiba kuyitwa, kwoshi kwokwo.»

Zaburi 50:15

Ku kyanya uli mu makuba, undabaaze. Ngakukiza! Naawe unakizi ngingika.»

Zaburi 69:10

Umwete gwo mbiiti hiꞌgulu lyeꞌnyumba yawe, gugahambiri nzingoola. Kiri neꞌkyanya uli mu tukwa, na naani, na mbe ndusirwi.

Hisaaya 22:12

Ku yikyo kyanya, Nahano woꞌbushobozi bwoshi akamùbwira, kwo muliruuke, munabululuke ku kimombo. Munakunguulwe amatwe, munayambale amasuuzu, mu kuyerekana kwo mukoli jengiirwi.

Hisaaya 26:16

E Nahano, ikyanya twâli kizi gooka, twanakulooza. Ku kyanya tukahanwa, twanakutakira.

Danyeri 6:18

Banaleeta ibuye, banaliseeneka ha mulyango gweꞌkishimo. Mwami analibiika kwaꞌkamangu kaage, na kwaꞌkamangu ka balya batungwa baage. Kwokwo, lirya ibuye, ndaaye úkashobola ukulishaaza, mbu ashaaze mwo Danyeri.

Danyeri 9:3

Kwokwo, nanakebagana imunda Nahano Rurema, nanakizi múhuuna, mu kati koꞌkuyishalisa. Nâli kizi yambala ubusuuzu, iri ninayibwandalika mu munyota-kiiko.

Yona 3:9

Hali ikyanya Rurema angayishuhiza, analekage ukuturakarira, anatubonere ulukogo, tutanaki minikwe!”»

Mikolezi 9:9

Anahisa isiku zishatu átabona, átanalya, átananywa.

Yoshwa 7:6

Yoshwa, naꞌbashaaja baꞌBahisiraheeri, banayami daatula ibyambalwa byabo ku mwizingeerwe. Banakizi yifuka ulukungu mu matwe, iri banagwa buubi imbere lyaꞌKajumba ka Nahano, banabeera haaho, halinde kabigingwe.