2 Peturu 2:19 - Kifuliiru

¹⁹ Yabo bigiriza beꞌbibeesha, bali mu balagaania kwo bagaaba bashwekuule. Si na boonyene bakiri baja beꞌbitalaalwe! Iri umundu angaba keera ahimwa neꞌkindu kirebe, iri akola muja wakyo.

2 Peturu 2:19 ပူးပေါင်းရင်းမြစ်များ

Hisaaya 28:1

Yayewe imwaꞌkaaya keꞌSamariya! Si abatuulaga baamwo, Abahifurahimu, balyagagi balalwe! Banagweti bagayihaya, mbu kalimbiri ngoꞌlushembe, na mbu ho kayubasirwi, hayinamusiri mu ndekeera íri mweꞌnagiira. Kundu kwokwo, kakola ngoꞌtwaso útukoli yumagusiri. Yako kaaya koonyene, yubwo bulalwe bwo bugakatindimaza.

Yeremiya 23:9

Gano magambo, galyagagi hiꞌgulu lyaꞌbaleevi beꞌkinyoma. Umutima gwani gushengusiri, na ngola mu lenga mwoꞌmusisi. Ngolaga nga mulalwe, úkoli lalusiri. Mukuba yabo baleevi beꞌkinyoma, Nahano keera akabakanukira ku njira yaꞌmagambo gaage meeru.

Balaawi 13:8

«Umugingi agashubi múloleekeza. Neꞌri angabona kwo lulya luhere keera lwakwira amagala gooshi, lyoki umugingi agamúbwira kwo akoli yulubiiri, bwo akola noꞌmubembe.

Yohana 8:34

Yesu anabashuvya: «Namùbwira ukuli, iri umundu angaba agweti agayifunda mu byaha, iri ali muja wabyo.

Mikolezi 19:16

Lyeryo ngana, uyo mundu anayami bayaduka, anabahima imisi, anabahonda-honda. Ehee! Banapuumukira imbuga bakola bukondwe, banakola neꞌnguma!

Bagalatiya 5:1

Íbikatuma Kirisito akatushwekuula, gira tukizi yama tutuuziri mu bwobwo bushwekuule. Ku yukwo, mukizi yama musikamiri! Mutanaki yemeerage kwo mushubi shwekerwa mu buja.

Bagalatiya 5:13

E beene witu! Rurema keera akamùhamagala kwo mukizi yama mushwekwirwi. Kundu kwokwo, yukwo kushwekuulwa, kutali kudeta kwo mukoli hangwirwi ukukizi koleesa amifwije giinyu mabi. Si mukwiriiri mukizi kolerana mu kati koꞌrukundo.

2 Timoteyo 2:26

Neꞌkyanya bagaaba keera batumburukwa, lyo bagaaba bafuushuka mu mutego gwa Shetaani. Mukuba, yabo, keera Shetaani akabagwata imbohe, anakola mu bakoleesagya nga ngiisi kwo aloziizi.

Tiito 3:3

Mukuba, kiri na nyiitu, yaho keera, twâli riiri bahwija, twanakizi haasa-haasa. Na bwo twâli tebesiri, twâli shwekiirwi mu mifwije mabi ga kwingi-kwingi, twanakizi lungumirirana. Na kwakundi, twâli yamiri mwoꞌmujina noꞌluugi. Twanakizi shombwa, iri tunashombana.

1 Peturu 2:16

Mwehe mukizi ba nga bandu ábakoli shwekwirwi. Na yukwo kushwekuulwa kwinyu, mutakizi kukoleesa mbu lyo mubisha mwaꞌmabi. Si mukizi ba bakozi nga ba Rurema.

2 Peturu 1:4

Mu kati ka yibyo, Rurema akatulagaania imihango miija ya kahebuuza. Kwokwo, kundu kino kihugo kikoli sherebiiri hiꞌgulu lyaꞌmifwije mabi, haliko twehe keera tukalonga ubulyo bwoꞌkukifuushuka mwo. Tunakoli tuuziri mu kati ka Rurema, iri tunamúshusha nga ngiisi kwo ali.

2 Peturu 2:20

Ku ndondeko, yabo bigiriza beꞌbibeesha, bâli yiji Nahamwitu Yesu Kirisito, Lukiza witu, banâli mali fuushuka mu bushereere bweꞌkihugo. Halikago ha nyuma, banashubi yizingirwa kwo na bwobwo bushereere, bwanashubi bagwata imbira. Na buno buzinda, ngiisi kwo bakolaga, bakoli bihuusiri bweneene ukuhima ubwa mbere.