2 Kutondobola 7:13 - Kifuliiru

¹³ «Hali ikyanya nangahangika invula. Kandi iri nangashereeza ikihugo mu kuleeta inzige mu ndalo, kandi iri mbiika abandu baani mweꞌkiija.

2 Kutondobola 7:13 ပူးပေါင်းရင်းမြစ်များ

Hayubu 11:10

«Nga Rurema angatuyijira, analashe umundu mu mbohe, kandi iri amúlegere imbere lyaꞌbatwi beꞌmaaja, nyandi kandi úwangamúhangirira?

Hayubu 12:14

Ngiisi byo Rurema ali mu hongola, ndaaye úwangashubi biyubakulula. Neꞌri angalasha umundu mu mbohe, ndaaye úwanga múshwekuuza.

Zaburi 105:34

Rurema anashubi kyula, inzige nyingi zanayiji bateera. Zirya nzige, zâli kandaharuurwa.

Zaburi 107:34

Ikyanya abandu bâli yifuuziri mu byaha, anakizi hindula ikihugo kyabo kiginuunuke.

Yuheeri 2:25

Nahano adetaga kwokuno: «Ngiisi byeꞌnzige zikasivya, ngola ngamùgalulira byo. Nyiji kwo mukateerwa neꞌmigunga, neꞌnzige, na banamahingiri, naꞌmahaazi. Yibyo byoshi, nienyene, nie kabilungika gira biyiji mùteera.

Hamoosi 4:7

«Kiri neꞌnvula, nie kamùhangikira yo, myezi ishatu imbere liꞌyimbula. Nꞌgagihangika mu kaaya kaguma, nanaginyeesa mu kandi. Indalo nguma, zanalonga invula. Izindi zanagibula, zanayumaguka.

Muharuuro 14:12

Halikago buno, ngola ngabatibulira mweꞌkiija, kinabaminike. Si wehe, ngakuvyula mwoꞌgundi mulala muhamu, úgubahimiri imisi.»

Luka 4:25

«Ku kyanya kyoꞌmuleevi Hiriya, mu kihugo kyoshi kyaꞌBahisiraheeri, invula ikamala imyaka ishatu neꞌmyezi ndatu ihangamiri. Umwena mukayu, gwanakiteera. Mumenyage bwija kwo ku yikyo kyanya, mwâli riiri banamufwiri bingi mu kihugo kyabo.

Bukengeeze 11:17

Iri mwangakolwa mbu mukizi gira kwokwo, ku kasiisa Nahano agamùrakarira, anashweke igulu, halinde invula inahangame. Kundu Nahano amùheziizi kino kihugo kiija, haliko kigagubuuka, munazimiirire mwo.

Bwigule 11:6

Yutwo tumasi tuli noꞌbushobozi bwoꞌkuhangika invula ku kyanya kyoshi kyo tugakizi tanga ubuleevi. Tunali noꞌbushobozi bwoꞌkuhindula amiiji gabe muko, na bwoꞌkukizi leeta ngiisi kiija mu kihugo ku ngiisi kihe kyo tuloziizi.

Bwigule 3:7

«Neꞌmwoꞌmuganda wiꞌshengero lya mu kaaya keꞌFiladerifiya, uyandikage kwokuno: «Yaga magambo galyosiri imwoꞌlya úli mweru, anali woꞌkuli. Ye na fumbiiti ulwiguzo lwa Dahudi. Ngiisi byo agweti agayigula, ndaaye úwangabiyigala. Na ngiisi byo agweti agayigala kwakundi, ndaaye úwangabiyigula: