2 Kutondobola 6:27 - Kifuliiru

²⁷ Haaho, ubayuvwirize yaho mwiꞌgulu. Ubakoge ibyaha byabo, unabayigirize ukukizi kulikira injira ítungiini. Ha nyuma, unabaniekeze invula mu kihugo. Mukuba, kino kihugo, we kabaheereza kyo, kwo bube buhyane bwabo.

2 Kutondobola 6:27 ပူးပေါင်းရင်းမြစ်များ

2 Kutondobola 7:14

«Haaho, abandu baani bakwaniini bayibiikage haashi ku kahinda, banandabaaze, banandooze mu kati koꞌbutuudu, iri banatwikira lwoshi ku bitalaalwe byabo. Iri bangagira kwokwo, lyo ngabayuvwiriza ukulyoka mwiꞌgulu, na ngoge ibyaha byabo, na ngize neꞌkihugo kyabo. Mukuba, bali mu buuzibwa kwo bali bandu baani.

Zaburi 119:33

E Nahano, unyigirize imaaja zaawe, halinde ngizi zikulikiriza halinde ku mbeka.

Zaburi 25:12

Ka hali abandu ábasimbahiri Nahano? Yabo, ali mu kizi bayereka íbiri biija,

Zaburi 25:8

Nahano alyagagi mwija, anali mu gira íbitungiini, kyo kitumiri ali mu kizi yigiriza abanabyaha.

Zaburi 68:9

Haaho, ikihugo kyanajugumbana. Niꞌgulu lyananiesa invula ku bwingi. Ee ma! We Rurema waꞌBahisiraheeri, ulya weꞌSinaayi.

Zaburi 94:12

E Nahano, ahiriirwi ngiisi ye ugweti ugayerekeza, unali mu múyigiriza imaaja zaawe.

Hisaaya 30:21

Hali ikyanya mwangahabukiraga ilulyo, kandi iri ilumosho. Kundu kwokwo, mugayuvwa izu, ligweti ligamùbwira: «Injira íkwaniini ino, mukizi gikulikira.»

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 42:3

gira akizi turongoora mu njira yo aloziizi, anakizi tutegeka.»

Yeremiya 5:24

Si mutali mu deta, ti: “Rurema Nahamwitu ye mu tuniekeza invula ku kyanya íkikwaniini, iba ya mbere kandi iri yaꞌmakamuuka. Neꞌkyanya kyoꞌkuyimbula, ye gweti úgakizi tuheereza imimbu. Ku yukwo, bitukwiriiri tukizi múyoboha.”

Yeremiya 6:16

Nahano adetaga kwokuno: «Muyimange mu mashangaaniza, muloleekeze bwija. Irya njira nyiija ya kare, mubuuze ngiisi ho iri. Ee! Irya njira nyiija, ibe yo mugakizi lenga mwo. Iri mwangagira kwokwo, lyo mugaluhuuka. Haliko, balya bandu banashuvya: “Iyo njira nyiija, twalahira, kwo tutagagikulikira.”

Hezekyeri 34:26

«“Ee ma! Ngakizi gashaanira abandu baani, halinde banakizi tuula ku mugazi gwani. Ngakizi baniekeza invula ku kyanya kyayo, halinde banakizi gashaanirwa.

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Yuheeri 2:13

Mutakizi ki daatula naaho ibyambalwa biinyu, mu kuyerekana kwo mukoli jengiirwi. Si mukizi hindula imitima yinyu.» Mugalukire Nahano, Rurema winyu. Mukuba, ali mu yuvwiranwa indengeerwa, anali mu kejererana. Atali mu yagalwa duba, si ayijwiri urukundo bweneene. Ayamiri ali ibiringiini ukuyishuhiza ku mabi.

Yuheeri 2:23

Na niinyu mwe batuulaga beꞌSayuni, mushambaalire Nahano, Rurema winyu. Mukuba, agamùyerekana ngiisi kwo ali mwemeera. Agakizi mùniekeza amahona-nvula, kiri neꞌnvula yoꞌkuyeza.

Mika 4:2

Ibinyamahanga bingi bigakizi guyija kwo, iri binadeta: «Muyije, tuzamuukire ku mugazi gwa Nahano, halinde mu nyumba ya Rurema wa Yakobo. Mango twahika, agatuyigiriza injira zaage, halinde tukizi zikulikira.» Iyo munda i Sayuni, yaꞌmigirizo hiꞌgulu lya Nahano gagakizi lyoka. Ee! Igambo lya Nahano, haaho i Yerusaleemu ho tugaliyigirizibwa.

Zakariya 10:1

Nahano, ye mu leeta invula ku njira yeꞌbibungu. Ku yukwo, mumúhuunage invula yoꞌmunjogi-njogi. Agamùniekeza invula nyingi, halinde imbuto zinayere mu ndalo ziinyu.

Yohana 6:45

«Mu bitaabo byaꞌbaleevi, muli muyandike kwokuno: “Balya booshi, Rurema yenyene ye gabayigiriza.” Kwokwo, iri abandu bagayuvwiriza amagambo ga Daata, banagayige, baabo bo bali mu yija imwani.