2 Kutondobola 6:21 - Kifuliiru

²¹ Ndi mukozi wawe. NaꞌBahisiraheeri nabo, bali bandu baawe. Kwokwo, ikyanya tugakizi hindukira hano handu, iri tunakuyinginga, ukizi tuyuvwiriza. Kundu utuuziri mwiꞌgulu, ukizi tuyuvwiriza, unatukoge.

2 Kutondobola 6:21 ပူးပေါင်းရင်းမြစ်များ

2 Kutondobola 30:27

Iri hakatama, abagingi naꞌBalaawi banayimanga, banahuunira yabo bandu imwa Rurema, gira abagashaanire. Yago mahuuno gaabo, iri Nahano akagayuvwa, anagayemeera. Mukuba, ali yolya útuuziri mwiꞌgulu, áhatalwirwi.

2 Kutondobola 6:22

«Hali ikyanya umundu angalegwa kwo ahubira uwabo, analeetwe mwiꞌyi nyumba, gira ayiji biika indahiro imbere lyaꞌkatanda kaawe.

2 Kutondobola 6:39

maashi ubayuvwirize yaho imwawe mwiꞌgulu, unabatabaale. Ngiisi ábagaaba bayifunda mu byaha, banahune imbere lyawe, ubakoge.

Zaburi 123:1

Luli mu yimbwa na ábali mu zamuukira i Yerusaleemu. E Nahano, ngweti ngakulegamira ho uli mwiꞌgulu. Ee! Haaho heꞌkitumbi kyawe kiteeresirwi.

Mwigiriza 5:2

Ikyanya umundu agweti agagerania ku magoorwa mingi-mingi, ali mu loota ibirooto bya kundi-kundi. Kiri noꞌmuhwija, ikyanya agweti agavuujuka-vuujuka, ali mu ba agweti agayikululira umwama.

Hisaaya 18:4

Nahano ambwiraga kwokuno: «Nduuziri mwiꞌgulu, na ndi mu langiiza hooshi mu kihugo. Na nyamiri naaho ndi munyerere. Nyamiragi mbulisiri naaho, ngiꞌzuuba lya kalenge-renge, kandi iri ngeꞌndara ku kyanya kyeꞌmimbu.»

Hisaaya 43:25

Kundu kwokwo, yibyo byaha biinyu, ndi mu bihotola. Ee! Keera nꞌganabikoga, ndanâye ki shubi bikengeera. Mukuba, kwokwo kwo nꞌgashungika nienyene.

Hisaaya 44:22

Amahube giinyu, keera nꞌgagahotola, nga kibungu íkiri mu nyerera mu kyanyaanya. Nanakumuula ibyaha biinyu nga ndara. Aaho! Bwo keera nꞌgamùguluula, mungulikirage.»

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Danyeri 9:19

Ku yukwo e Nahano, utuyuvwirize, unatukoge! E maashi! Utuyuvwirize, unayami kola buzira kutindirira. Mukuba, yako kaaya kaawe, na booshi ábali mwo, biri mu buuzibwa mwiꞌziina lyawe!”

Mika 7:18

Aahago! Hayi ho twangashubi bona ugundi Rurema úkushushiri! Si wehe naaho, we gweti úgakoga ibyaha byaꞌbandu! Ee! Abandu baawe ábasigiiri, utagweti ugakizi loleekeza ibyaha byabo. Utanayamiri ugarakarira abandu baawe halinde imyaka neꞌmyakuula. Haliko, usiimiri ukuyerekana urukundo úlutâye male.

Mataayo 6:12

Unakizi tukoga amahube giitu, nga kwo nyiitu tuli mu koga ábali mu tuhubira.

Mataayo 6:9

Mwehe, mukwiriiri mukizi huuna Rurema kwokuno: “E Daata úli mwiꞌgulu! Iziina lyawe, likizi haabwa ulushaagwa.