2 Kutondobola 6:13 - Kifuliiru

¹³ Ku kyekyo kyanya, mu kati-kati koꞌlubuga, âli koli yubasiri mweꞌmibaari yoꞌmulinga. Iyo mibaari, yâli yeꞌmeetere zibiri neꞌkitolo. Neꞌkimango kyayo, kyâli kyeꞌmeetere nguma neꞌkitolo. Kwokwo, anagishona kwo, anafukama imbere lyoꞌmuhumaanano gwoshi gwaꞌBahisiraheeri. Neꞌri akaba akoli golwiri amaboko gaage hiꞌgulu,

2 Kutondobola 6:13 ပူးပေါင်းရင်းမြစ်များ

1 Baami 6:36

Ha nyuma, ikibambaazi kyeꞌkati, banakizungulusa imiziizi ishatu yaꞌmabuye mabaaje íyâli kizi sigaana, banabiika noꞌmuziizi muguma gweꞌnguliro zeꞌbiti byeꞌmyerezi.

1 Baami 7:12

Ulubuga luhamu lwaꞌkajumiro, lwâli zungulusirwi noꞌluzitiro lweꞌmiziizi ishatu yaꞌmabuye mabaaje, noꞌmuziizi muguma gweꞌbiti byeꞌmyerezi. Yulwo lubuga, lwâli shushiini noꞌlubuga lweꞌnyumba ya Nahano, kuguma neꞌmbarazaani zaayo.

1 Baami 8:54

Ku kyanya Sulumaani âli gweti agahuuna Nahano, âli fukamiri imbere lyaꞌkatanda. Naꞌmaboko gaage, âli gagolwiri hiꞌgulu.

2 Kutondobola 4:9

Anabandiisa ulubuga lwaꞌbagingi, noꞌlundi luhamu lweꞌmbuga lyalwo. Inyiivi zaazo, abakozi banazibugiiriza kweꞌmiringa.

2 Kutondobola 6:12

Haaho, Sulumaani anayimanga imbere lyaꞌkatanda ka Nahano, neꞌmbere lyaꞌBahisiraheeri booshi, anagolola amaboko gaage hiꞌgulu, gira ahuune Rurema.

Hizira 9:5

Ku kyanya kyaꞌmatuulo gaꞌkabigingwe, nanayimanga ho njubi bwatiiri, mu kati koꞌmwizingeerwe, ngi yambiiti irya mirondo mibere-bere. Nanafukama imbere lya Rurema Nahamwitu, nanamúgololera amaboko,

Nehemiya 1:4

Yiryo ishuvyo, iri nꞌgaliyuvwa, nanayami bwatala haashi, nanaliruuka bweneene. Nanahisa isiku nyingi ngweti ngaalira, iri ninayishalisa. Nanahuuna Rurema úli mwiꞌgulu, mu kumútakira, kwokuno:

Zaburi 95:6

Aaho! Bwo Nahano ye katubumba, muyijage, tuyiname imbere lyage, mu kumúyikumba, tukizi múfukamira.

Kulyoka 9:29

Musa naye, ti: «Ikyanya ngaahika inyuma lyaꞌkaaya, ngagolola amaboko gaani hiꞌgulu, mu kuhuuna Nahano. Haaho, lyeꞌmikungulo igayami yimanga. Kiri noꞌlugungu nalwo, lugaaba ndaakilwo. Kwokwo, lyo ugalonga ukumenya kweꞌkihugo kiri kya Nahano.

Danyeri 6:10

Kwokwo, lulya lubaaja, mwami Dariyo analuyandikiisa.

Luka 22:41

Yesu, anabasiga yaho, anashegera ha mbere hiniini, hoꞌmundu angalasha ibuye, anafukama, anahuuna Rurema kwokuno:

Mikolezi 20:36

Iri Pahulu akayusa ukudeta kwokwo, anafukama kuguma na yabo booshi, anahuuna Rurema.

Mikolezi 21:5

Kundu kwokwo, iri tukaba keera twamala heꞌsiku zirinda, twanahalyoka. Abakirisito booshi beꞌyo munda i Tiiro, banatuherekeza, abashosi, na bakaabo, kiri naꞌbaana baabo. Banatutambusa inyuma lyaꞌkaaya, halinde banatuhisa ku kyambu. Twanafukama, twanahuuna Rurema.