2 Kutondobola 29:3 - Kifuliiru

³ Mu butwali bwage, mu mwezi gwa mbere, anayami yigula imiryango yeꞌnyumba ya Nahano, anashubi gilingaania bwija.

2 Kutondobola 29:3 ပူးပေါင်းရင်းမြစ်များ

2 Kutondobola 28:24

Na kwakundi, mwami Ahaazi anakuumania ibirugu bya mu nyumba ya Rurema, anabivungula-vungula. Ha nyuma, anahamika kiri neꞌnyiivi zeꞌnyumba ya Nahano, ndaanaye mundu úkaki yingira mwo. Mu mbande zooshi zeꞌYerusaleemu, anatereka ututanda twoꞌkusiriigiza kwaꞌgandi-gandi matuulo.

2 Kutondobola 29:17

Irya mikolwa yoꞌkuyeruusa inyumba ya Nahano, bakagitangira mu lusiku lwa mbere lwoꞌmwezi gwa mbere. Na ku lusiku úlugira umunaana, banaba keera bahika mu bululi bweꞌnyumba. Ha nyuma, banashubi mala izindi siku munaana bagweti bagayeruusa inyumba ya Rurema yonyene. Na ku lusiku úlugira ikumi na ndatu lwa gwogwo mwezi, banaba keera bayusa imikolwa yoshi.

2 Kutondobola 29:4

Anatumira abagingi naꞌBalaawi, mbu bakuumane mu luzitiro, uluhande lweꞌsheere.

2 Kutondobola 29:7

Kiri neꞌnyiivi zaayo, bakazihamika, banazimya naꞌmatara, banajanda ukuyokya umubadu, banaleka ukutanga amatuulo goꞌkusiriigiza ha nyumba ya Rurema waꞌBahisiraheeri.

2 Kutondobola 34:3

Mwami Yosiya, ikyanya akahisa imyaka munaana atwaziri, âli ki riiri musore. Haaho, anatondeera ukulooza Rurema wa shokuluza wage Dahudi. Neꞌri akahisa imyaka ikumi niꞌbiri atwaziri, anatondeera ukuyeruusa ikihugo kyeꞌBuyuda, kuguma naꞌkaaya keꞌYerusaleemu. Akahongola imbeero zoꞌkuyikumbira mwo ku marango. Anavungula neꞌnguliro zoꞌmuzimu Hasheera, neꞌmigisi mibaaje, kiri neꞌgindi migisi íkatulwa.

Zaburi 101:3

Ndâye bande amasu ku bitali nga byo. Ikyanya abandu bagakuhinduliraga ingoto, ngaabona buligo. Naꞌbandu mwene yabo, ndagabayegeera.

Kulyoka 40:2

«Lirya iheema lyeꞌmihumaanano, ulishingage umwezi gwa mbere, mu lusiku lwa mbere.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Mataayo 6:33

«Mwehe, mukizi hahaliraga ubwami bwa Rurema, munakizi gira íbikwaniini imbere lyage, lyo mugayushuulirwa yibyo bindi byoshi.

Bagalatiya 1:16

ukuyerekana Umwana wage mu kati kaani, gira lyo ngizi genda ngamúmenyeesa mu batali Bayahudi. Ku yikyo kyanya, ndaaye mundu ye nꞌgagendi hanuusa.