2 Kutondobola 20:17 - Kifuliiru

¹⁷ Mutali mwe mugabalwisa. Mugwanwe naaho mukoli yimaaziri ho. Kwokwo, munalindire, halinde mubone ngiisi kwo Nahano agamùhimira. E maashi bandu beꞌBuyuda, naꞌbeꞌYerusaleemu! Mutayobohe, mutanashenguke imitima. Kusheezi, mugendi balangiiza naaho. Nahano, mugayamanwa.”»

2 Kutondobola 20:17 ပူးပေါင်းရင်းမြစ်များ

2 Kutondobola 15:2

anagendera mwami Hasa, anamúbwiririra kwokuno: «E Hasa, undege amatwiri. Kiri na niinyu, mwe bandu booshi boꞌmulala gwaꞌBayuda, noꞌgwa Binyamiini. Iri mwangayama muli mu yibiika ku Nahano, mugakizi yamanwa. Neꞌri mwangakizi múlooza, mugamúbona. Haliko, iri wangamújajaaka, naye agamùjajaaka lwoshi-lwoshi.

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Mataayo 28:20

Birya byoshi byo keera nꞌgamùbwira, mubayigirize kwo nabo bakizi bisimbaha. Munamenyage bwija kwo tuyamiinwi, halinde ukuhisa ku mberuuka yeꞌkihugo.»

2 Kutondobola 32:8

Yehe, imisi yage, iri yaꞌbandu naaho. Haliko twehe, tuli na Nahano Rurema witu. Ye gatutabaala, anatulwire izibo liitu.» Ikyanya mwami Hezekiya akadeta yago magambo, ganasikamya abandu baage bweneene.

Kimombo 3:26

Kwokwo, buli bwija kwo tukizi tuuza, mu kulindirira kwo agatukiza.

Muharuuro 14:9

Byo ngamùhuuna naaho, mutakolwe mbu muhune imbere lyage. Balya batuulaga baamwo, mutabayobohe. Si tugakizi bamira, nga shogo. Ngiisi byo bashuba mu yegamira kwo, bitakiri ho. Si twehe, Nahano tuyamiinwi. Kwokwo, mutaki bayobohe.»

Barumi 8:31

Aahago! Biki byo twangashubi deta? Bwo Rurema alyagagi uluhande lwitu, nyandi úwangaki tuhangirira? Si ndaaye!

Zaburi 46:7

Amahanga gakola mwaꞌkavulengo. Amaami ganagweti gagashaabuka. Ee ma! Rurema agweti agayiberekania kwiꞌzu, ikihugo kinayami jongoloka.

Hisaaya 30:15

Nahano Rurema, Umutaluule waꞌBahisiraheeri, ashubi detaga kwokuno: «Iri mwangangalukira, munatuuze mu kati kaani, lyoki mwangakizibwa. Ee! Mwangalonga imisi naaho, mu kutuuza, iri munambiika kwoꞌmulangaaliro. Haliko mwehe, yago miija, mukoli galahiiri lwoshi.

Mataayo 1:23

«Loli! Umunyere, kundu atazi menyana noꞌmushosi, haliko agaheeka inda, anabute umwana woꞌbutabana! Noꞌyo mwana, bagamúyinika iziina Manweri, umugeeza gwalyo: Tutuliinwi na Rurema.»

Hamoosi 5:14

Mukizi yiyeka noꞌkugira amabi. Si mube noꞌmwete gwoꞌkukizi gira amiija, lyo mulama. Haaho, lyo Nahano Rurema woꞌbushobozi bwoshi agamùtabaala, nga kwokulya muli mu kizi deta.

2 Timoteyo 4:22

Nahano akizi beera mu mutima gwawe! Mweshi mukizi yamaga mugashaniirwi!

Hisaaya 30:7

Ee! Abamiisiri, ubutabaazi bwabo buli ndaabwo. Kyo kitumiri keera nꞌgabayinika iziina Kingisho-ngisho kyoꞌmujoka, kafwa-busha.»

Kulyoka 14:25

Yago magaare, Nahano anakizi hangatiiza amapine gaago. Kyanatuma gagakizi genda ku makayu, banatondeeza ukuyamiza: «E balya, yaba Bahisiraheeri, tubatibite. Si Nahano yenyene agweti agabalwira!»

2 Kutondobola 20:16

«“Kusheezi, ku kyanya bagazamuukira ku higangazi hyeꞌZiizi, munamanuke, munagendi bateera. Mugabagwana ku mbeka yeꞌndekeera íri uluhande lweꞌsheere lwiꞌshamba lyeꞌYeruheeri.

Kulyoka 6:1

Nahano anabwira Musa: «Uyo mwami weꞌMiisiri, ugaki bona ngiisi kwo ngamúgirira. Mukuba, ngakoleesa ubushobozi bwani bwaꞌkahebuuza, halinde amùhanguule mugende. Bulya bushobozi bwani, ikyanya agabubona, agayami mùyimula mu kihugo kyage.»

Bukengeeze 3:22

Abandu beꞌyo munda, mutakizi bayoboha. Si Nahano yenyene, ye gamùlwira.”

Batwi beꞌmaaja 7:21

Bakasokanana ishumbi, ngiisi mundu haage-haage. Balya Bamidyani ábâli mu shumbi, booshi banayami vuza imirindi. Banakizi yamiza: «Twahera! Twahera, maashi!»

1 Samweri 17:47

Kiri na bano bandu booshi ábakumaniri hano zeene, lyo bagaamenya kwo Nahano, ikyanya agaakiza abandu, atali mu koleesa amatumu, kandi iri ingooti. Si izibo liri lyeꞌmwage, ye ganamùbiika mweshi mu maboko giitu.»

1 Baami 20:13

Ku yikyo kyanya, umuleevi muguma anayijira mwami Ahabu waꞌBahisiraheeri, anamúbwira: «Nahano adeta kwokuno: “Ka ubwinagi yaka kanyegete kaꞌbasirikaani? Zeene ngababiika booshi mu maboko gaawe, halinde ulonge ukumenya kwo nie Nahano.”»

2 Kutondobola 32:7

«Mukizi sikama, munakizi ba bikalage. Mutayobohe mwami weꞌHasuriya, kandi iri yaka katundu kaꞌbasirikaani baage. Ngiisi ye tuliriinwi ye hiiti imisi ukubahima.

Hisaaya 37:6

anababwira: «Mugendi bwira nahamwinyu kwo Nahano adeta kwokuno: “Kundu yabo bakozi ba mwami weꞌHasuriya banduka, utayobohe.