2 Kutondobola 15:4 - Kifuliiru

⁴ Kundu kwokwo, ikyanya bâli kizi longa amalibu, banagalukire Nahano Rurema wabo. Neꞌri bâli kizi múlooza, banamúbone.

2 Kutondobola 15:4 ပူးပေါင်းရင်းမြစ်များ

2 Kutondobola 15:15

Yabo bandu booshi beꞌBuyuda, ikyanya bakalagaana kwokwo, banashambaala bweneene, bwo bakanywana na Nahano ku mutima úgushenguusiri. Yabo bandu, ikyanya bakalooza Nahano ku mitima yabo yoshi, anakizi babonekera, anabaheereza ubutoge imbande zooshi.

2 Kutondobola 15:2

anagendera mwami Hasa, anamúbwiririra kwokuno: «E Hasa, undege amatwiri. Kiri na niinyu, mwe bandu booshi boꞌmulala gwaꞌBayuda, noꞌgwa Binyamiini. Iri mwangayama muli mu yibiika ku Nahano, mugakizi yamanwa. Neꞌri mwangakizi múlooza, mugamúbona. Haliko, iri wangamújajaaka, naye agamùjajaaka lwoshi-lwoshi.

2 Kutondobola 33:12

Uyo Manaasi, ikyanya âli kola mu malibu, anatakira Rurema Nahamwabo, kwo amúkejeerere, anayibiika haashi bweneene imbere lya Rurema wa bashokuluza baage.

Zaburi 106:44

Kundu kwokwo, Nahano anabona amalibu gaabo. Ikyanya bakamúlirira, anakizi bayuvwa,

Hisaaya 51:1

Nahano adetaga kwokuno: «Mukoli fitiirwi bweneene ku bikwaniini, munaloziizi ukungulikira. Aaho! Mundegage amatwiri. Muloleekeze ku Hiburahimu! Uyo Hiburahimu ali ngiꞌbuye lyo mukalyosibwa mwo. Rurema yenyene akamùlyosa mu lwajwe. Uyo Hiburahimu, bo na mukaage Saara, bo bashokuluza biinyu. Aaho! Mukizi bakengeera. Uyo Hiburahimu, ikyanya nꞌgamúhamagala, ndaaye mwana ye âli hiiti. Kundu kwokwo, nanamúgashaanira, halinde anaba mubusi ngana-ngana.»

Hisaaya 55:6

Ugirage umwete gwoꞌkulooza Nahano, ku kyanya akiri mu boneka. Unamúhuune ubutabaazi, bwo akiri hoofi-hoofi.

Hisaaya 55:7

Banangora-mabi batwikire ku mabi gaabo, banayiyeke neꞌmitono yabo mibi. Bagalukire Nahano, gira alonge kubakejeerera. Ee! Ikyanya bagagalukira Rurema witu, agabakoga lwoshi-lwoshi.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Barumi 10:20

Hisaaya naye adesiri ku bukaruuke kwokuno: «Bandu baguma, kundu batashuba mu ndooza, haliko nꞌgaboneka imwabo. Nganayiyerekana imwabo, kundu batashuba mu mbuuza.»