2 Kutondobola 15:2 - Kifuliiru

² anagendera mwami Hasa, anamúbwiririra kwokuno: «E Hasa, undege amatwiri. Kiri na niinyu, mwe bandu booshi boꞌmulala gwaꞌBayuda, noꞌgwa Binyamiini. Iri mwangayama muli mu yibiika ku Nahano, mugakizi yamanwa. Neꞌri mwangakizi múlooza, mugamúbona. Haliko, iri wangamújajaaka, naye agamùjajaaka lwoshi-lwoshi.

2 Kutondobola 15:2 ပူးပေါင်းရင်းမြစ်များ

1 Baami 11:25

Uyo Resoni âli shombiri Abahisiraheeri mu siku zooshi zoꞌbutwali bwa Sulumaani. Anayushuula ku mabi ga Hadaadi, mu kukizi tyoza Abahisiraheeri, ku kyanya kyoshi âli twaziri ikihugo kyeꞌHaraamu.

1 Baami 18:18

Hiriya anashuvya kwokuno: «Ndali nie washundeeza Abahisiraheeri. Si wehe, kuguma neꞌmbaga ya yisho, mwe mubashundeziizi! Si mukoli gayiriziizi imaaja za Nahano, munagweti mugayikumba umugisi Baali.

2 Baami 21:14

«“Yabo bandu, kundu yo misigala yoꞌbuhyane bwani, haliko ngabajanda, na mbabiike mu maboko gaꞌbagoma baabo. Baganyagwa ibindu, banagwatwe naꞌbagoma baabo.

1 Kutondobola 28:9

«Na naawe, e mugala wani Sulumaani, ukizi yemeera Rurema wa yisho. Unakizi múkolera ku mutima gwawe gwoshi. Unakizi múlooza ku nzaliro zaawe. Mukuba, Nahano ali mu lola ngiisi mundu mu mutima gwage, anakoli yiji neꞌshungi zaage. Iri wangamúlooza, ugamúbona. Haliko, iri wangamújajaaka, naye agakujanda lwoshi-lwoshi.

2 Kutondobola 11:12

Mu ngiisi kaaya, akabiika mweꞌsiribo mbamu, anabiika naꞌmatumu, halinde twoshi twanaba tukoli zitiirwi. Kwokwo, uyo Rehobwamu anagenderera ukutwala ikihugo kyeꞌBuyuda, neꞌkyeꞌBinyamiini.

2 Kutondobola 12:5

Ha nyuma, umuleevi Shemaya anagwana mwami Rehobwamu naꞌbakulu beꞌBuyuda. Bâli puumukiiri i Yerusaleemu, mu kutibita ulya Shishaki. Uyo Shemaya anabamenyeesa kwo Nahano adetaga kwokuno: «Keera mukanjanda. Ku yukwo naani, namùbiika mu maboko goꞌlya Shishaki.»

2 Kutondobola 13:12

«E balya, Rurema ali kuguma na nyiitu, anali ye mu turongoora. Abagingi baage, bakola bagadihiriza ibibuga, banaturongoore mwiꞌzibo, gira tumùteere. E maashi Bahisiraheeri! Muleke ukuhagana na Nahano Rurema wa bashokuluza biinyu. Si mutagamúhima!»

2 Kutondobola 13:4

Uyo mwami Habiya anazamuukira ku mugazi Zemarahimu. Guli ha kati keꞌmigazi yeꞌHifurahimu. Anabwira Yerobwamu naꞌBahisiraheeri booshi kwokuno: «E Yerobwamu, mwe naꞌBahisiraheeri mweshi! Mundegage amatwiri.

2 Kutondobola 15:15

Yabo bandu booshi beꞌBuyuda, ikyanya bakalagaana kwokwo, banashambaala bweneene, bwo bakanywana na Nahano ku mutima úgushenguusiri. Yabo bandu, ikyanya bakalooza Nahano ku mitima yabo yoshi, anakizi babonekera, anabaheereza ubutoge imbande zooshi.

2 Kutondobola 15:4

Kundu kwokwo, ikyanya bâli kizi longa amalibu, banagalukire Nahano Rurema wabo. Neꞌri bâli kizi múlooza, banamúbone.

2 Kutondobola 20:15

Uyo Yahazyeri anadeta kwokuno: «E bandu beꞌBuyuda, naꞌbeꞌYerusaleemu, kiri na mwami Yehoshafaati! Mundegage amatwiri. Nahano amùbwira kwokuno: “Mutayobohe. Yaba basirikaani, kundu balyagagi kanyegete, mutayilibuze hiꞌgulu lyabo. Kundu bali kandaharuurwa, haliko yiri izibo, mutali mwe mugalilwa. Si liri lya Rurema yenyene!

2 Kutondobola 20:17

Mutali mwe mugabalwisa. Mugwanwe naaho mukoli yimaaziri ho. Kwokwo, munalindire, halinde mubone ngiisi kwo Nahano agamùhimira. E maashi bandu beꞌBuyuda, naꞌbeꞌYerusaleemu! Mutayobohe, mutanashenguke imitima. Kusheezi, mugendi balangiiza naaho. Nahano, mugayamanwa.”»

2 Kutondobola 20:20

Iri bukakya shesheezi kare-kare, banazindukiri vyuka, banagenda halinde mwiꞌshamba lyeꞌTekowa. Neꞌri bakaba bakiri mu njira, uyo Yehoshafaati anayimuka, anababwira kwokuno: «E bandu beꞌBuyuda, naꞌbeꞌYerusaleemu! Mundegage amatwiri. Mubiike umulangaaliro imwa Rurema Nahamwinyu. Kwokwo, lyo mugaaba musikamiri. Mugubiike neꞌmwa baleevi baage, lyo mulonga ukugenduukirwa.»

2 Kutondobola 24:20

Lyeryo, Zakariya mugala umugingi Yehoyada, Umutima gwa Rurema gwanamúyija mwo, anayami gendi yimanga imbere lyaꞌbandu, anababwira: «Nahano abuuza kwokuno: “Kituma kikagi mutaki simbahiri imaaja zaani? Si mutagaki genduukirwa! Bwo keera mwanjanda, naani ngoli mùjaaziri.”»

2 Kutondobola 26:5

Ku kyanya kyoshi umugingi Zakariya âli gweti agakizi múhanuula, anakizi simiisa Nahano. Ku yikyo kyanya kyoshi, Rurema anakizi múgenduusa.

2 Kutondobola 32:8

Yehe, imisi yage, iri yaꞌbandu naaho. Haliko twehe, tuli na Nahano Rurema witu. Ye gatutabaala, anatulwire izibo liitu.» Ikyanya mwami Hezekiya akadeta yago magambo, ganasikamya abandu baage bweneene.

2 Kutondobola 33:11

Kyanatuma Nahano agabatumira abakulu baꞌbasirikaani ba mwami weꞌHasuriya. Balya bakulu banagwata Manaasi, banamúhagika igera mwiꞌzulu, banamúshweka neꞌmirinda yeꞌmiringa, banamútwala halinde i Babeeri.

2 Kutondobola 33:12

Uyo Manaasi, ikyanya âli kola mu malibu, anatakira Rurema Nahamwabo, kwo amúkejeerere, anayibiika haashi bweneene imbere lya Rurema wa bashokuluza baage.

2 Kutondobola 34:3

Mwami Yosiya, ikyanya akahisa imyaka munaana atwaziri, âli ki riiri musore. Haaho, anatondeera ukulooza Rurema wa shokuluza wage Dahudi. Neꞌri akahisa imyaka ikumi niꞌbiri atwaziri, anatondeera ukuyeruusa ikihugo kyeꞌBuyuda, kuguma naꞌkaaya keꞌYerusaleemu. Akahongola imbeero zoꞌkuyikumbira mwo ku marango. Anavungula neꞌnguliro zoꞌmuzimu Hasheera, neꞌmigisi mibaaje, kiri neꞌgindi migisi íkatulwa.

Hizira 8:22

Nꞌgayuvwa ishoni ukuhuuna mwami abasirikaani ábali mu genda naꞌmagulu, na ábali mu gendera ku fwarasi, mbu bagende bagatukingira naꞌbagoma biitu. Mukuba, twâli mali bwira mwami, ti: «Ngiisi ábagweti bagalangaalira Rurema, Rurema ali mu bakingira. Haliko, ngiisi ábali mu mújanda, ali mu barakarira.»

Zaburi 34:4

Mugire tukizi huuza ubulangashane bwa Nahano kuguma, iri tunahuuza iziina lyage.

Zaburi 53:2

Abahwija bali mu yidesa, ti: Si Rurema, ndaaye! Yabo bandu, bakoli sherebiiri. Ngiisi byo bagweti bagaagira, bikoli bihuusiri. Mu kati kaabo, ndaaye úli mu gira amiija.

Hisaaya 45:19

Ndali mu detera mu kwaha, kandi iri mu kihulu. Ndanabwiziri beene Yakobo kwo bakizi ndooza ku kimaama. Nanga, maashi! Niehe, nie Nahano. Na ngiisi byo ndi mu deta, biri byoꞌkuli, binakwaniini.

Hisaaya 51:1

Nahano adetaga kwokuno: «Mukoli fitiirwi bweneene ku bikwaniini, munaloziizi ukungulikira. Aaho! Mundegage amatwiri. Muloleekeze ku Hiburahimu! Uyo Hiburahimu ali ngiꞌbuye lyo mukalyosibwa mwo. Rurema yenyene akamùlyosa mu lwajwe. Uyo Hiburahimu, bo na mukaage Saara, bo bashokuluza biinyu. Aaho! Mukizi bakengeera. Uyo Hiburahimu, ikyanya nꞌgamúhamagala, ndaaye mwana ye âli hiiti. Kundu kwokwo, nanamúgashaanira, halinde anaba mubusi ngana-ngana.»

Hisaaya 7:13

Hisaaya naye, ti: «Muyuvwagwe bwija, mwe bandu biꞌkondo lya mwami Dahudi! Ka mutazi luha noꞌkusuuzania? Ka mugagenderera ukusuuza kiri na Rurema wani?

Yeremiya 2:17

E Bahisiraheeri, yubwo buhanya bwoshi, ka mutali mwe mukabuyikululira, mu kunjanda? Keera mukanjanda, na ndi nie Rurema Nahamwinyu. Nie wâli kizi mùrongoora mu njira íkwaniini.

Hamoosi 5:14

Mukizi yiyeka noꞌkugira amabi. Si mube noꞌmwete gwoꞌkukizi gira amiija, lyo mulama. Haaho, lyo Nahano Rurema woꞌbushobozi bwoshi agamùtabaala, nga kwokulya muli mu kizi deta.

Muharuuro 14:42

Mutakolwe kwo mwazamuukira mu migazi, maashi! Bwo Nahano atakiri kuguma na niinyu, abagoma biinyu bagayiji mùmalira yo.

Muharuuro 14:43

Bwo keera mukajanda Nahano Rurema, mutagaki yamanwa mwe naye. Si Abahamareki naꞌBakaanani bakola bagayiji mùlwisa, banamùminike ku ngooti.»

Mataayo 13:9

Ngiisi úhiiti amatwiri, ayuvwe!»

Bukengeeze 20:1

«Hali ikyanya mwangagendi lwisa abagoma biinyu, munabone kweꞌfwarasi zaabo zihimiri izeꞌmwinyu. Kiri naꞌmagaare gaabo, naꞌbasirikaani, nabyo byo bihimiri ibyeꞌmwinyu. Kundu kwokwo, mutagire mbu muyobohe. Si Nahano, Rurema winyu keera akamùlyosa i Miisiri, munaki ririinwi!

Bukengeeze 31:17

«Kyo kitumiri ngabarakarira, na mbajande. Ngababisha amalanga gaani, halinde igindi milala inayiji baminika. Kwokwo, bagalonga amalibu mingi bweneene, banabwirane, ti: “E balya, lolagi ngiisi kwo yubu buhanya bwatuhikira. Kuli kudeta kwo Rurema atakiri kuguma na nyiitu.”

Bukengeeze 4:29

«Kundu kwokwo, ikyanya mugaaba mukola yo, iri mwangalooza Nahano, Rurema winyu, ku mutima gwinyu gwoshi, na ku nzaliro ziinyu zooshi, ku kasiisa mugamúlonga.

Baheburaniya 10:38

Neꞌri umundu angaba akwaniini imbere lyani, agaramba ku njira yoꞌkumúbiika kwoꞌbwemeere. Haliko, iri angagaluka kifudeete, atangaki nzimiisa!»

Baheburaniya 12:25

Ku yukwo, bwo Rurema aki gweti agadeta, mutakolwe mbu mumúlahire! Mukuba, akabiika ikikando mu Bahisiraheeri hano mu kihugo. Neꞌkyanya bakakigayiriza, ndaaye úkafuuka. Aaho! Ka itali yo haahe, kwo na nyiitu tutagafuuka, iri twangayihindulira Rurema, anagweti agatukengula ukulyoka mwiꞌgulu mwonyene!

Yakobo 4:8

Mukizi yegeera Rurema, lyo naye amùyegeera. E banabyaha! Mukarabage amaboko giinyu! Neꞌmitima yinyu, bwo iri kubiri, mugiyeruuse!

Yoshwa 22:31

Finehaasi mugala umugingi Heryazaari, anababwira kwokuno: «Zeene, bwo mutakaki keneka Nahano, lyo tuki menyaga kwo ali mu kati kiinyu. Kwokwo, lyo mwakiza Abahisiraheeri. Nahano, atagaki bahana.»

Yoshwa 24:20

Kundu keera akamùgiriraga yaga miija gooshi, haliko, iri mwangamújanda, munakizi kolera imigisi yeꞌmahanga, agamùhana, anamùheze.»

Bwigule 2:11

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, atagaki shereezibwa noꞌlufu lwa kabiri.»

Bwigule 2:17

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúheereza ku byokulya íbibishirwi, binali mu buuzibwa Mana. Ninamúheereze niꞌbuye lyeru íriyandisirwi kwiꞌziina lihyahya. Yiryo iziina, ndaaye gundi úgalimenya, átali yolya úlihaabirwi.»

Bwigule 2:29

Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero!»

Bwigule 2:7

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúhanguula kwo alye ku bitumbwe byeꞌkiti kyoꞌbulamu, kirya kya mu Paradiizo ya Rurema.»

Bwigule 3:13

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero.»

Bwigule 3:22

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero!»

Bwigule 3:6

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero.»

Batwi beꞌmaaja 10:13

Kundu nꞌgamùkiza, mwanashubi njanda, mwanakizi kolera ibindi-bindi íbiri mu yikumbwa. Ku yukwo, ndagaki shubi mùkiza.

Batwi beꞌmaaja 9:7

Yotamu, mbu ayuvwe kwokwo, anayami zamuukira kwiꞌrango lyoꞌmugazi Gerizimu, anaberangira kwokuno: «E bandu beꞌShekemu, mundegage amatwiri, halinde lyo niinyu, Rurema akizi mùyuvwa.

1 Samweri 12:14

Kwokwo, iri mwangakizi yoboha Nahano, Rurema winyu, munakizi múkolera, munakizi músimbaha, buzira kukizi hongola imaaja zaage, mwe na mwami winyu, mugakizi genduukirwa.

1 Samweri 12:15

«Haliko, iri mutangakizi simbaha Nahano, mu kuhongola imaaja zaage, ukuboko kwage kugakizi mùkandamira, nga kwo kwâli kizi kandamira bashokuluza biinyu.