2 Kutondobola 10:8 - Kifuliiru

⁸ Yiryo ihano lyaꞌbashaaja, Rehobwamu atanalitwaza, anagendi kuumania imisore. Iyo misore, bo baabalya bakakuliranwa, bo banâli kizi múhanuula.

2 Kutondobola 10:8 ပူးပေါင်းရင်းမြစ်များ

2 Samweri 17:14

Habusalumu, kuguma naꞌbaabo Bahisiraheeri, banadeta kwokuno: «Ihano lya Hushayi, lyo liija kwiꞌhano lya Ahitofeeri.» Yiryo ihano lya Ahitofeeri, íbikatuma Abahisiraheeri bagaligaya, bwo Nahano âli mali shungika kwo agalishobania, halinde Habusalumu ashereezibwe.

2 Kutondobola 10:9

Kwokwo, anababuuza: «Yabo bandu bambuuna kwo mbaniihize ku miteekerwa yo daata âli babetuziizi. Aaho! Niinyu mwangambanuula kwo mbashuvye kuti?»

Migani 1:25

Ikyanya nꞌgamùhanuula, mutanandega amatwiri. Na kundu nꞌgamùyerekeza, mutakanyemeera.

Migani 13:20

Ngiisi úli mu komeerana noꞌmwitegeereza, naye ali mu ba mwitegeereza. Si úli mu kombeerana naꞌbahwija, ali mu longa amakuba.

Migani 19:20

Ukizi simbaha ihano, unayemeere ukuyerekezibwa. Noꞌbuzinda, ugaaba uli mwitegeereza.

Migani 25:12

Ikyanya umwitegeereza ali mu hanuula uwabo, noꞌyo wabo anamútege ukutwiri, bisimiizi ngoꞌbungeni-ngeni úbukatulwa mu nooro muguuhya.

Migani 27:10

Utakizi yibagira mwira wawe, kandi iri mwira wa yisho. Iri wangalonga amakayu, utayami hungira imwa beene winyu. Si umutuulani wawe úli hoofi, ye mwija, ho wangahungira imwa mwene winyu úli hala.

Migani 9:9

Ukizi yigiriza abitegeereza, gira lyoꞌbwitegeereze bwabo bukizi yushuuka. Ukizi yigiriza na ábakwaniini, gira bakizi yiga ibyeꞌngingwe.

Mwigiriza 10:16

E kihugo, yayewe imwawe, bwo mwami wawe akiri mwanuke. Bwo kiri naꞌbatwali baawe, bali mu tondeera shesheezi, ukuvwajagira ibyokulya.

Hisaaya 30:1

Nahano adetaga kwokuno: «E baana baani, yayewe imwinyu, si mulyagagi bahuni! Munali mu yilundira ibyaha ku bindi bingi. Muyamiri muli mu shungika ibyeꞌmwinyu, kundu bitanzimisiizi. Muli mu nywana ikihango neꞌbinyamahanga, buzira kutee hanuusa Umutima gwani.