2 Bakorindo 5:11 - Kifuliiru

¹¹ Bwo tuyijagi kwo Nahano akwiriiri ukuyobohwa, tugweti tugayinginga abandu bweneene kwo bamúyemeere. Rurema atuyiji bwija nga ngiisi kwo tuli. Na ndangaliiri kwo na niinyu mukoli tuyiji bwija mu mitima yinyu.

2 Bakorindo 5:11 ပူးပေါင်းရင်းမြစ်များ

Ndondeko 35:5

Yakobo na bagala baage, iri bakaba bakola mu lugeezi, Rurema anakizi yobohya abatuulaga ba mu twaya tweꞌbutambi, halinde banaleka ukukizi balandiriza.

Hayubu 18:11

Bagweti bagateerwa neꞌkyoba ngiisi luhande, Banagweti bagahambirizibwa.

Hayubu 31:23

Yibyo bihano, byo bikulu, ho Rurema yenyene angayiji njereeza. Iri Rurema woꞌbulangashane angambaga, iri namala lwoshi.

Hayubu 6:4

Rurema woꞌbushobozi bwoshi, imyambi yage keera yamberuuza mwo yanandula-ndula mu mutima gwani. Amakenya gaayo, keera gahika mu mutima gwani, na ngoli kangusiri.

Zaburi 73:19

Ee! Masaasa atabukwa, bagweti bagakizi yami shereera. Bali mu kangwa ku magambo maniini naaho, banayami minikwa.

Zaburi 76:7

E Rurema wa Yakobo, ikyanya ukazikanukira, ifwarasi zaabo zanayami fwa kuguma na ábâli zishoniri kwo.

Zaburi 90:11

Aaho! Nyandagi úwangasobanukirwa ngiisi kwoꞌburaakari bwawe bubambiri bweneene? Yubwo buraakari bwawe, ngiisi kwo buli buhamu, kwo na kwokwo abandu bakwiriiri bakizi kuyoboha bweneene.

Hisaaya 19:16

Nahano woꞌbushobozi bwoshi, ikyanya agahaniiriza Abamiisiri ku bushobozi bwage, bagaaba bakoli yobohiri nga bakazi, banalenge mweꞌkinyukura.

Hisaaya 33:14

Abanabyaha ba mu Sayuni, batatwaziizi Rurema. Kyo kitumiri bakoli yobohiri, banakola mu juguma. Bali mu deta, ti: «Yugu muliro, si guli mu jigiivya ngana-ngana! Aahago! Nyandagi úwangaki tuula ho? Si guyamiri guli mu yaka bweneene. Aaho! Nyandagi úwangaki guyigooyera?»

Nahumu 1:6

Ikyanya Nahano ali mu shavura, nyandagi úwangaki labuka imbere lyage? Uburaakari bwage, ikyanya buli mu ba bukoli yasiri, nyandi úwangaki sigala? Uburaakari bwage, buli mu siriiza ngana-ngana. Kiri naꞌmaala, gagweti gagabereka imbere lyage.

Mataayo 10:28

«Mutakizi yoboha ábagweti bagayita amagala, batanashobwiri ukuyita umutima. Si ukuyoboha kwinyu, kukizi ba ku Rurema, bwo yehe ashobwiri ukushereeza amagala noꞌmutima kuguma, byombi binalashwe i nakwere!

Mataayo 25:46

«Lyeryo, balya bandu bagayami shaazibwa yaho, banagendi hanwa ikihano kyeꞌmyaka neꞌmyakuula! Haliko, balya ábakwaniini imbere lyage, boohe, bagayingira ho bagaalama imyaka neꞌmyakuula.»

Luka 12:5

«Buno, ngamùyerekaga ngiisi ye mukwiriiri ukukizi yoboha. Mukizi yoboha Rurema! Mukuba, yehe, alyagagi noꞌbushobozi bwoꞌkutee yita amagala goꞌmundu, akabuli múlasha i nakwere. Namùbwiraga, kwo yoyo ye mukwiriiri ukukizi yoboha!

Luka 16:31

Hiburahimu, naye, ti: “Kutali kwo biri! Balumuna baawe, iri batangatwazagya íbikayandikwa na Musa naꞌbaleevi, batanganatwaza kiri na úwazuuka mu bafwiri!”»

Mikolezi 13:43

Neꞌri abandu bakaba keera bataaha, Pahulu na Barinaaba banakulikirwa naꞌBayahudi bingi, kuguma naꞌbandu beꞌgindi milala ábâli koli yemiiri ibanga lyeꞌKiyahudi. Yabo bombi, banakizi genda bagabakania imitima, gira bagenderere noꞌkutuula mu lukogo lwa Rurema.

Mikolezi 18:13

banadeta: «Uyu mundu, agweti agalyeryega abandu kwo bakizi yikumba Rurema ku gindi-gindi njira. Neꞌyo njira, twehe tutagihangwirwi neꞌmaaja ziitu!»

Mikolezi 18:4

Ku ngiisi lusiku lweꞌSabaato, Pahulu anakizi yingira mu nyumba yeꞌmihumaanano yaꞌBayahudi. Anakizi sobaanura mweꞌMyazi Miija ya Yesu mu Bayahudi, kuguma naꞌbandu beꞌgindi milala, gira nabo bamúyemeere.

Mikolezi 19:26

Haliko buno, keera mwayuvwa, keera mwanabona ngiisi kwo Pahulu agweti agatirika abandu bingi ba hano i Hefeso, kuguma naꞌbandu ba mu mbande zooshi za mu poroveesi yeꞌHaziya. Agweti agababwira kweꞌmigisi itakwiriiri ukuyikumbwa, mbu bwo iri mu girwa naaho naꞌmaboko gaꞌbandu.

Mikolezi 26:26

Kiri na mwami, agayiji-yiji. Na ndi naꞌkasiisa kwo ndaalyo kiri neꞌliguma lyago írikamúlenga. Mukuba, gatâli kizi girirwa mu bumbishwa. Kwokwo, nangamúbwira go buzira kusisiitwa.

Mikolezi 28:23

Yabo bakulu, banalagaana na Pahulu ulusiku lwo bagashubi yiji kuumana kwo, mwiꞌyo nyumba yo ahaaziri mwo. Yulwo lusiku, iri lukahika, Abayahudi banayiji kuumana ku bwingi ukuhima ubwa mbere. Pahulu, anamala umulege-rege gwoshi, agweti agabamenyeesa ku bwitonde hiꞌgulu lyoꞌbwami bwa Rurema. Na mukuba âli loziizi kwo nabo bayemeere Yesu, kyanatuma agabayereka amagambo ágadesiri hiꞌgulu lya Yesu. Maguma, gayandisirwi mu maaja za Musa, naꞌgandi mu bitaabo byaꞌbaleevi.

2 Bakorindo 2:17

Abandi bingi bali mu genda bagadandaza igambo lya Rurema! Haliko twehe, nanga! Si tuli mu deta Igambo lyage buzira bulyalya mu kati ka Kirisito. Rurema yenyene ye katutuma, tunagweti tugalideta imbere lyage.

2 Bakorindo 5:20

Tuli bandu bo Kirisito yenyene akatuma. Neꞌkyanya tuli mu mùyinginga, ali nga Rurema yenyene ye mu deta mu kati kiitu. Kwokwo, twamùyinginga kwiꞌziina lya Kirisito, kwo munywane na Rurema!

2 Bakorindo 6:1

Bwo Rurema keera akamùgashaanira, twamùyinginga bweneene, twe tuli mu kolanwa, kwo mutalekage imigashani yage ifwe ubusha.

Bagalatiya 1:10

Ka mubwini kwo namùbwira kwokwo, mbu lyo nyemeerwa naꞌbandu? Nanga! Haliko ndoziizi kwo Rurema abe ye ganyemeera! Íngi girage mbu ngizi simiisa abandu, ndangaki biiri mukozi wa Kirisito.

Bahefeso 5:21

Mukizi simbahana mwenyene kwa mwenyene, mu kusimbaha Kirisito.

Baheburaniya 10:31

Umundu, iri angatibukaga mu maboko ga Rurema úli mugumaana, uyo agaaba ahuumirwa lwoshi!

Baheburaniya 12:29

Mukuba «Rurema witu, guli muliro gwoꞌkujigiivya!»

Yuda 1:23

Naꞌbandi, mukizi bakondoola mu muliro, gira mubakize. Abandi, keera bakayiyulubaza. Yabo nabo, mukizi bakejeerera. Kuguma na yibyo, mukizi ba makengwa mu kati kaabo. Mukizi shombaga bweneene kiri neꞌmirondo yo bayiyulubaza mwo, mu kugira ibitalaalwe.

Bwigule 20:15

Ngiisi mundu yiꞌziina lyage litakaboneka mu kitaabo kyoꞌbulamu, iri akalashwa mwo.