2 Bakorindo 4:16 - Kifuliiru

¹⁶ Ukukulikirana na yibyo byoshi, tutali mu yihebuura. Kundu amagala giitu gali mu fwifwitira, haliko mu mitima yitu tuli mu girwa bahyahya ngiisi lusiku.

2 Bakorindo 4:16 ပူးပေါင်းရင်းမြစ်များ

Zaburi 119:81

Umutima gwani guki rindiriiri kwo ugangiza. Na buno, gukolaga gugahola. Kundu kwokwo, ngi biisiri umulangaaliro kwiꞌGambo lyawe.

Zaburi 27:13

Kundu kwokwo, ndangaliiri kwo ngagenderera ukuba ho, halinde na ndonge ukubona ubwija bwa Nahano.

Zaburi 51:10

Uleke njubi shagaluka ku bushambaale. Kiri naꞌmavuha go ukafutiiriza, nago galonge ukushambaala.

Zaburi 73:26

Amagala gaani, noꞌmutima gwani, kundu biri mu yoloha, haliko, Rurema ye mu ngania. Ye misi yani, anali weꞌmwani, halinde imyaka neꞌmyakuula.

Hisaaya 40:29

Ikyanya abandu bali mu ba baluhiri, ali mu bakania, halinde banashubi kana indege.

Hisaaya 40:31

Halikago, ikyanya bali mu biika Nahano kwoꞌmulangaaliro, lyeꞌndege ziri mu kana buhyahya. Banabe nga nyunda úgweti úgakizi balala buzira kushagaania ibyubi hiꞌgulu. Yabo batabana, kundu bangasuula umulindi, batagaluha. Na kundu bagayitonda, batangahola.

Luka 11:3

Unakizi tuheereza byo tugaalya ku ngiisi lusiku.

Barumi 12:2

Mutakizi ki yiga ingesho za mu kino kihugo! Si muhindulwe mu kukizi tona imitono mihyahya. Kwokwo, lyo mugalonga ukumenya ngiisi byo Rurema amùloziizi kwo: Musobanukirwe na íbiri biija, na ngiisi íbimúsimisiizi, na ngiisi íbitungiini imbere lyage.

Barumi 7:22

Mu mutima gwani, ndi mu simiisibwa bweneene neꞌmaaja za Rurema.

1 Bakorindo 15:58

Kwokwo, e beene witu bakundwa! Mukizi yama musikamiri! Hatanagire kindu íkigamùjungubania. Mukizi fiitirwa lwoshi mu kukolera Nahano, bwo muyiji-yiji kwo ngiisi byo muli mu yitubanula kwo mu kati kaage, bitagaafwa ubusha.

2 Bakorindo 12:15

Ku yukwo, ngakoleesa ibindu byani byoshi hiꞌgulu liinyu ku bushagaluke. Kiri na nienyene, ngayitanga hiꞌgulu liinyu. Aahago! Bwo ngaviriziizi ukumùkunda, ka byangakoli tumaga urukundo lwo munguuziri luganiiha?

2 Bakorindo 4:1

Bwo Rurema ye katubiika mu yugu mukolwa ku lukogo lwage, tutali mu yihebuura.

Bahefeso 3:16

Ngweti ngamúhuuna kwo akizi mùsikamya mu mitima yinyu ku bushobozi bwage, mu kukizi koleesa ubugale bwage bwaꞌkahebuuza ku njira yoꞌMutima gwage.

Bahefeso 4:23

Mukizi tona imitono mihyahya.

Bakolosaayi 3:10

Na buno, mukoli ba bandu bahyahya. Ee! Rurema akola mu mùgira bahyahya, halinde mube neꞌnjusho yage, munamúmenye bwija nga ngiisi kwo ali.

Tiito 3:5

anatukiza. Kutanâli mbu bwo twâli kizi gira imikolezi miija. Si akatukiza ku lukogo lwage naaho. Anatushuka ibyaha biitu, halinde twanaba bahyahya mu kati koꞌMutima Mweru.

1 Peturu 3:4

Haliko, ikyanya mugayilimbiisa, kukizi ba ku bisingwirwi mu mitima yinyu. Mukizi ba neꞌmitima yoꞌbutuudu, inatuziizi. Mukuba, mwene yibyo, bitâye fwifwitire. Binali byo biryagagi naꞌkamaro bweneene imbere lya Rurema.

1 Peturu 4:14

Ikyanya mugadukwa hiꞌgulu liꞌziina lya Kirisito, iri muhiriirwi. Mukuba, haaho lyoꞌMutima gwa Rurema gugaaba hiꞌgulu liinyu. Gunali Mutima gwoꞌbulangashane.