2 Baami 9:6 - Kifuliiru

⁶ Ulya Yehu anayimuka, bombi banayingira mu nyumba. Haaho, ulya muleevi anayami múshiiga amavuta mwiꞌtwe, anamúbwira kwokuno: «Nahano Rurema waꞌBahisiraheeri, adetaga kwokuno: “Ngweti ngakushiiga amavuta, ube mwami waꞌbandu baani Abahisiraheeri.

2 Baami 9:6 ပူးပေါင်းရင်းမြစ်များ

1 Baami 1:34

Iyo munda, umugingi Saadoki, noꞌmuleevi Natani, bamúshiige amavuta, abe mwami waꞌBahisiraheeri. Na mango mwagira kwokwo, munadihirize ikibuga, munayamize, ti: “E Mwami Sulumaani, uyame ho!”

1 Baami 10:9

Nahano Rurema wawe, akizi yivugwa. Mukuba, akakusiima, anakuyimika ube mwami waꞌBahisiraheeri, bwo abakuuziri halinde imyaka neꞌmyakuula. Na íbitumiri akakuyimika, lyo ukizi twala ku njira íkwaniini, inali yoꞌkuli.»

1 Baami 14:7

«Ugendi bwira Yerobwamu kwo Nahano Rurema waꞌBahisiraheeri, adetaga kwokuno: “Keera nꞌgakutoola mu bandu baani, nanakuyimika, halinde ukizi barongoora.

1 Baami 16:2

«Kundu wâli mundu busha, haliko nie kakutoola kwo ube kirongoozi kyaꞌbandu baani, Abahisiraheeri. Haliko buno, ugweti ugakulikira ingesho za Yerobwamu, mu kuhubiisa abandu baani. Kwokwo, nabo bagweti bagayifunda mu byaha, halinde ngoli rakiiri hiꞌgulu lyabo.

1 Baami 19:16

Na Yehu mugala Nimushi, naye umúshiige amavuta, kwo abe mwami waꞌBahisiraheeri. Na Hirisha mugala Shafaati, umutuulaga weꞌHabeeri-Mehola, naye unamúshiige amavuta, abe muleevi woꞌkukugomboola.

1 Baami 3:8

Kundu ngwaniini ukukizi twala yaba bandu baawe, haliko, bali kandaharuurwa.

2 Baami 9:3

Haaho, uyabiirage iyi njebe yaꞌmavuta, unamúshiige go mwiꞌtwe, unamúbwire: “Nahano adetaga kwokuno: Nakushiiga amavuta, ube mwami waꞌBahisiraheeri.” Mango wayusa ukudeta kwokwo, unayigule ulwivi, unayami puumuka.»

2 Baami 9:5

Iri akahika, anagwana abakulu baꞌbasirikaani babwatiiri yaho, anadeta: «E nahamwitu, ngweti indumwa yinyu.» Yehu, ti: «Ha kati kiitu, nyandi ye ugweti ugabwira?» Anashuvya: «E Nahamwitu, wehe.»

2 Kutondobola 22:7

Ku kyanya Ahaziya akahika ho, Rurema âli mali shungika kwo agamúyita. Ku kyekyo kyanya, hanayija Yehu, mugala Nimushi. Ulya Yehu, uyo mwami Ahaziya bo na Yoramu, banagendi músanganira. Noꞌyo Yehu ye Nahano âli mali toola, kwo agendi minika ibibusi byoshi bya Ahabu.

Zaburi 2:6

Nahano adetaga kwokuno: «Keera nꞌgataluula umugazi gwani Sayuni, ho nanayimika umwami wani gira akizi twala.»

Zaburi 75:6

E maashi! Mutakizi gira mbu muyidundulike imbere lyani, mutanakizi ba mindagabika.”»

Hisaaya 45:1

Nahano adetaga kwokuno, hiꞌgulu lya Kiiro, umutaluule wage: «Ngakusikamya, gira uhime abaami beꞌmahanga, halinde ubamale imisi lwoshi-lwoshi. Ngayigulaga inyiivi zoꞌtwaya, zitanâye ki yigalwe.

Danyeri 2:21

Ye mu handulaga ikikamo neꞌmbondo. Ye mu lyosa abaami baguma, anashubi yimika abandi. Ngiisi ábahiiti ubwitegeereze, ali mu bayushuulira ubundi. Na ábasobanukiirwi, ali mu bayushuulira ubulenga.

Danyeri 4:17

Kirya kiti ukabonaga kwo kiri ngaaja-malungu, kinasikamiri. Naꞌmatavi gaakyo gashuumiri halinde mu kyanyaanya. Abandu baꞌmahanga gooshi bali mu kibona.

Danyeri 4:32

Aba mu mahanga gooshi, bali mu boneka nga kindu busha. Ali mu koleesa ubushobozi bwiꞌgulu, nga ngiisi kwo aloziizi. Kwo anali mu koleesa na ábali mu kihugo. Ndaaye úshobwiri ukuhagana bo naye! Ndaanaye úwangamúbuuza, mbu: «Ewe! Maki gano wagiraga!»

1 Samweri 10:1

Haaho, Samweri anayabiira injebe yaꞌmavuta, anagayonera mwiꞌtwe lya Sahuli, anamúnyunyuguta, iri anamúbwira kwokuno: «Nahano ye wakushiiga amavuta, gira ube mutwali waꞌbandu baage.

1 Samweri 2:7

Nahano ye mu keneesa baguma, anagaze abandi. Ali mu tindimaza baguma, anakuze abandi.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.