2 Baami 4:1 - Kifuliiru

¹ Lusiku luguma, namufwiri úkasigwa na muguma wa mu baleevi anayiji bwira Hirisha: «E Nahamwitu, yibanie keera akafwa, unayiji kwo âli simbahiri Rurema. Haliko buno, umundu ye akakaaba ifwaranga, keera ambiikira ikikando kwo agatwala bagala baani bombi, babe baja baage.»

2 Baami 4:1 ပူးပေါင်းရင်းမြစ်များ

Ndondeko 22:12

Uyo muganda, ti: «Utaki kolwe kwo wakolera umwana kwiꞌbala. Buno, keera nabona kwo usimbahiri Rurema. Mukuba, uyu mwana wawe weꞌkininga, utashiginya ukumútanga, libe ituulo.»

1 Baami 18:3

Kwokwo, mwami Ahabu anatumira Hobadiya, umwimangizi weꞌbindu byage. (Uyo Hobadiya, âli kizi simbaha Nahano bweneene.

1 Baami 20:35

Ku yikyo kyanya, Nahano anabwira muguma wa mu baleevi kwo abwire uwabo kwokuno: «Njulikaga, we kongwa!» Haliko, uyo wabo analahira.

2 Baami 2:15

Kirya kiso kyaꞌbaleevi beꞌYeriko, iri bakabona kwokwo, banadeta: «Gulya mutima gwa Hiriya, gukola mu Hirisha.» Kwokwo, banagendi músanganira, banayinama imbere lyage, mu kumúheereza ulushaagwa.

2 Baami 2:3

Iyo munda i Beteeri, ikiso kyaꞌbaleevi kyanahulukira ku Hirisha, kyanamúbuuza: «Ka utayiji kwo zeene Nahano agayabiira nahamwinyu?» Hirisha, ti: «Nyiji kwokwo. Haliko, mutashubi bideta.»

2 Baami 2:5

Iyo munda i Yeriko, ikindi kiso kyaꞌbaleevi banahulukira ku Hirisha, banamúbuuza: «Ka utayiji kwo zeene Nahano agayabiira nahamwinyu?» Hirisha, ti: «Nyiji kwokwo. Haliko, mutashubi bideta.»

2 Baami 2:7

Abaleevi makumi gataanu bâli bakulikiiri, halinde ku lwiji Yorodaani. Hiriya na Hirisha, banayimanga hoofi noꞌlwiji. Yabo baleevi nabo, banayisunga hala hiniini.

2 Baami 4:38

Hirisha anagalukira i Girigaali, ku kyanya kyoꞌmwena mukayu. Lusiku luguma, ikyanya Hirisha âli kuumaniri neꞌkiso kyaꞌbaleevi, anabwira umukozi wage: «Biika inyungu mbamu ku muliro, ubalize yaba baleevi ibyokulya.»

2 Baami 6:9

Haaho, ulya Hirisha anagendi menyeesa mwami waꞌBahisiraheeri, ti: «E waliha, ube makengwa! Abaharaamu bakola ibiringiini ukututeera.»

Nehemiya 10:31

Banadeta na kwokuno: «Kundu ibinyamahanga bitusokaniini, haliko twashiikiza kwo tutagabaheereza banyere biitu. Na banyere baabo, tutagabagondera bagala biitu.

Nehemiya 7:2

Nanabiika mwene witu wa Hanani, abe mwimangizi woꞌkulanga akaaya. Âli kizi kola na Hananiya, umukulu waꞌbasirikaani. Uyo Hananiya, âli kola mwemeera, anâli simbahiri Rurema ukuhima abaabo bingi.

Zaburi 103:11

Nga kwiꞌgulu liryagagi hala bweneene neꞌkihugo, kwo na kwokwo urukundo lwage lulenguusiri imwa ábamúsimbahiri.

Zaburi 103:17

Si ngiisi ábasimbahiri Nahano, ayamiri abakuuziri, halinde imyaka neꞌmyakuula! Ali mu kizi gira íbikwaniini, halinde ku bibusi byabo byoshi.

Zaburi 115:13

Ngiisi ábali mu ba bamúsimbahiri, agakizi bagashaanira. Ee! Agagashaanira booshi, baba bagunda kandi iri banalushaagwa.

Zaburi 147:11

Si ali mu ba asiimiri ngiisi ábali mu ba bamúsimbahiri, banabe babiisiri umulangaaliro gwabo ku rukundo lwage, kwo lutâye male.

Migani 22:7

Umugale ali mu twala umukeni. Na úli mu mwenda gwoꞌwabo, ali mu ba muja wage.

Mwigiriza 12:13

Keera twayuvwa gooshi. Kwokwo, ngola ngasiguusa. Ukizi simbahaga Rurema, unakizi kulikira imaaja zaage. Kwokwo, kwoꞌmundu akwaniini akizi gira.

Mwigiriza 8:12

Hali ikyanya umunabyaha ali mu kizi yifunda mu bikoleere ubugira igana, anagenderere naaho ukutuula ho. Kundu kwokwo, nyiji kwo ngiisi ábali mu ba basimbahiri Rurema, banabe bamúyobohiri, bo bahiirwa.

Hisaaya 50:1

Nahano adetaga kwokuno: «Ka nꞌgamùguza mu buja, lyo ndiha imyenda? Nanga! Ka nyoko atakiri ho, mbu bwo nꞌgamúyimula, mu kumúyandikira amaruba goꞌkumúlahira? Nanga, maashi! Yago maruba, iri gangaba gali ho, muganyereke. Si mwehe, íbitumiri mukaguzibwa, biri hiꞌgulu lyeꞌbyaha biinyu. Kiri na nyoko, naye akayimulwa hiꞌgulu lyoꞌbuhuni bwinyu.

Yeremiya 34:14

nanababwira: Ngiisi muja winyu úli Muheburaniya, iri angahisa imyaka ndatu agweti agamùkolera, mukwaniini ukumúshwekuula. Kundu kwokwo, bashokuluza biinyu batanandwaza.

Balaawi 25:48

Kundu uyo uwinyu angaba keera ayiguliisa, haliko angaki guluulwa.

Malaki 3:16

Haaho, ngiisi ábâli ki simbahiri Nahano, banaganuuzania, anakizi bayuvwiriza. Kwokwo, banayandikaga amaziina ga ábamúyiji, na ábamúsimbahiri. Yago maziina, banagatondobola mu kitaabo imbere lyage.

Mataayo 18:25

«Uyo mukozi, iri akagiraga mbu aguyishule, anayabirwa lwoshi-lwoshi. Kyanatuma ulya nahamwabo agaadeta kwo aguliisibwe, kuguma na mukaage, naꞌbaana baage, na ngiisi bindu byo âli gweti, halinde lyoꞌmwenda guyishulwa.

Mataayo 18:30

Kundu kwokwo, ulya wabo analahira, anagendi múshwekeesa mu nyumba yeꞌmbohe, anabeere mwomwo, halinde ukuhisa ku kyanya agayishula.

Mataayo 18:35

Yesu anashubi deta: «Na niinyu, kwokwo kwo Daata úli mwiꞌgulu agamùgira, iri ngiisi muguma winyu atangakizi koga mwene wabo ku mutima gwage gwoshi.»

Mikolezi 13:26

«E beene witu, mwe bandu ba mwiꞌkondo lya Hiburahimu, kuguma naꞌbeꞌgindi milala, mwe mukoli simbahiri Rurema! Twehe, twe tukatumirwa imyazi miija yoꞌbukize.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

Bwigule 15:4

E Nahano! We Mwami waꞌmahanga gooshi. Nyandi útangakusimbaha? Na nyandi útangahuuza iziina lyawe? Wenyene, ulyagagi mweru. Neꞌmikolezi yawe íkwaniini. Keera wanagiyerekana ku bweranyange. Kyo kitumiri abandu baꞌmahanga gooshi bagakizi yiji kuyikumba.»

Bwigule 19:5

Lyeryo, mu kitumbi kyoꞌbwami, mwanayiberekaania izu, lyanadetaga kwokuno: «E bakozi ba Rurema witu, mwe mugweti mugamúsimbaha! Mumúhuuze mweshi, ukulyokera ku bagunda halinde ku bakulu!»

Ruuti 1:3

Ikyanya bakaba bakoli tuuziri iyo munda, uyo Herimereeki anashereera. Nahomi anasigala namufwiri waꞌbaana babiri.

1 Samweri 22:2

Hâli naꞌbandi, nabo banamúyibiika kwo. Mu kati kaabo, mwâli abandu ábâli kola mu malibu, na ábâli riiri neꞌmyenda, na ábâli kizi hahazibwa. Yabo booshi, bâli nga bandu magana gana. Dahudi yenyene, anaba ye kirongoozi kyabo.