2 Baami 17:34 - Kifuliiru

³⁴ Yibyo binyamahanga, irya migeeza yabo ya kare, baki gweti bagagikulikiriza halinde zeene. Batali mu yikumba Nahano naaho. Batanali mu kulikira imaaja zaage, kandi iri amategeko gaage. Yibyo byoshi, akabiheereza beene Yakobo, ulya ye akahindula iziina, abe Hisiraheeri.

2 Baami 17:34 ပူးပေါင်းရင်းမြစ်များ

Ndondeko 32:28

Uyo mundu, ti: «Iziina lyawe we nyandi?» Yakobo, ti: «Nie Yakobo!»

Ndondeko 32:29

Uyo mundu, ti: «Utagakizi ki buuzibwa Yakobo. Si we kola Hisiraheeri, (kuli kudeta: akukurana na Rurema). Mukuba keera wakukurana na Rurema, kiri naꞌbandu, wanabahima.»

Ndondeko 33:20

Anahayubaka akatanda koꞌkusiriigiza kwaꞌmatuulo, anahayinika iziina «El, Rurema wa Hisiraheeri».

Ndondeko 35:10

«Iziina lyawe, we Yakobo. Haliko, utagakizi ki buuzibwa kandi mu yiryo iziina. Si buno, iziina lyawe, we kola Hisiraheeri.» Kwokwo, kwo Rurema akamúyinika iziina lihyahya.

1 Baami 11:31

Anabwira Yerobwamu kwokuno: «Utee yabiira ibihande ikumi. Mukuba, Nahano Rurema waꞌBahisiraheeri, adetaga kwokuno: “Buno ngola ngaabera ubwami, na mbunyugutule mu maboko ga Sulumaani. Wehe, ngakuheereza milala ikumi.

1 Baami 18:11

«Buno, wambwira kwo ngendi múmenyeesa kwo keera nakubona.

1 Baami 18:31

Anayabiira amabuye ikumi na gabiri, ukukulikirana noꞌmuharuuro gweꞌmilala ikumi niꞌbiri ya bagala Yakobo. (Uyo Yakobo, ye yolya Nahano akabwira: «Iziina lyawe, we kola Hisiraheeri.»)

2 Baami 17:25

Mu yikyo kihugo kyeꞌSamariya, birya binyamahanga, ikyanya bikakibungira mwo, bitâli kizi yikumba Nahano. Kwokwo, anatuma indare zibayite mwo.

2 Baami 17:33

Kwokwo, kundu bâli gweti bagayikumba Nahano, haliko banakizi yikumba neꞌmigisi yabo kwakundi, nga ngiisi kwo bakagileeta mu mahanga gaabo.

2 Baami 17:40

Yago magambo gooshi, yabo bandu batanagatwaza, banagenderera naaho ukuyifunda mu magambo gaabo ga kare.

Zaburi 55:20

Rurema atwaziri imyaka neꞌmyakuula. Neꞌkyanya aganyuvwa, agabonia abagoma baani ishoni. Mukuba, boohe, batamúsimbahiri, batanaloziizi ukujanda amabi gaabo.

Migani 14:2

Ngiisi ábali neꞌmikolezi miija, bali mu simbaha Nahano. Si banangora-mabi boohe, bali mu múgayiriza.

Hisaaya 48:1

«Mwe Bahisiraheeri, beene Yakobo, munali ba mu kibusi kya Yuda! Muyuvwirize! Muli mu kizi biika indahiro kwiꞌziina lya Nahano, munali mu gira mbu muli mu yikumba Rurema waꞌBahisiraheeri. Kundu kwokwo, mutali mu kola ku kuli.