2 Baami 1:4 - Kifuliiru

⁴ Mugendi bwira mwami kwo Nahano adetaga kwokuno: “Kwokwo, ukoli gwejiiri ku ngingo, utagaki givyuka kwo, si ukola ugagifwira kwo.”»

2 Baami 1:4 ပူးပေါင်းရင်းမြစ်များ

Ndondeko 2:17

Si ibitumbwe byeꞌkiti kyoꞌkumenyeesa amiija naꞌmabi, utakolwagwa kwo wabilya. Ulusiku lwo ugabilya kwo, ku kasiisa ugaafwa.»

Ndondeko 3:4

Gulya mujoka, ti: «Aahabi! Mutagaafwa.

1 Baami 14:12

Ahiya anashubi bwira uyo nyaama kwokuno: «Yimukaga, utaahe. Si ikyanya ugaafina kwiꞌrembo lyaꞌkaaya, lyo mugala wawe agaafwa.

1 Baami 18:2

Kwokwo, Hiriya analyoka yaho, gira agendi yiyerekana imwage. Ku yikyo kyanya, umwena gwâli kizi gunuuza mu Samariya.

2 Baami 1:16

Iri bakahika, Hiriya anabwira mwami: «Nahano adetaga kwokuno: “Kituma kiki mugweti mugagendera Baali-Zebubu, umugisi gweꞌHekurooni? Mu kihugo kyoshi kyaꞌBahisiraheeri, ka ndaaye Rurema úli mwo? Bwo wagira kwokwo, unakoli gwejiiri ku ngingo, utagaki givyuka kwo, si ukola ugagifwira kwo!”»

2 Baami 1:5

Zirya ndumwa, iri zikagalukira imunda mwami, anazibuuza: «Kituma kiki mwagaluka?»

2 Baami 1:6

Nazo, ti: «Twahumaanana na mundu muguma, anatubwira kwo tugaluke, tunakubwire kwo Nahano adetaga kwokuno: “Kituma kiki watutuma imunda umuzimu Baali-Zebubu, gweꞌHekurooni? Mu kihugo kyeꞌHisiraheeri, ka ndaaye Rurema úli mwo? Kwokwo, ukoli gwejiiri ku ngingo, utagaki givyuka kwo, si ukola ugagifwira kwo!”»

2 Baami 20:1

Ku yikyo kyanya, mwami Hezekiya analwala bweneene, anahambiri fwa. Kwokwo, umuleevi Hisaaya mugala Hamoozi, anayiji mútanduula, anamúbwira: «Nahano adetaga kwokuno: “Ulingaanie bwija amagambo ga mu nyumba yawe. Utagaki kira, si ukola ugaafwa.”»

2 Baami 8:10

Hirisha anamúshuvya: «Uyo mwami, ugendi múbwira kwo agaakira. Haliko, íbiri byoꞌkuli, Nahano keera anyereka kwo agaafwa.»

Migani 11:19

Ngiisi úli mu gira íbikwaniini, ali mu longa ukulama. Si úli mu kulikira amabi, yehe, ali mu fwa.

Migani 14:32

Banangora-mabi, ikyanya balonga ubuhanya, bali mu tindimazibwa. Si umundu woꞌkuli, kundu angafwa, ali mu longa ubutibitiro.

Hezekyeri 18:4

Mumenyage kwo ngiisi mundu ali weꞌmwani, baba babusi, kandi iri baana. Ngiisi úgweti úgaagira ikyaha, ye gakifwira mwo.

Muharuuro 26:65

Si Nahano âli mali gwanwa ababwira kwo booshi bagaherera mwiꞌshamba. Kwokwo, ndaaye kiri noꞌmuguma úkasigala, átali Kalebu mugala Yefune, na Yoshwa mugala Nuuni.

1 Samweri 28:19

«Aahago! Nahano akola agakubiika mu maboko gaꞌBafirisiti, kiri naꞌbandi Bahisiraheeri booshi. Kusheezi, mwe naꞌbaana baawe, mugangwana. Kiri naꞌbasirikaani baꞌBahisiraheeri booshi, Nahano agababiika mu maboko gaꞌBafirisiti.»