1 Timoteyo 4:8 - Kifuliiru

⁸ Iri umundu angakizi hatiriza amagala gaage mbu lyo gafiika, angaba naꞌkamaro kagerwa naaho. Halikago, iri angakizi fiitirwa ku bya Rurema, lyo agakizi longa akamaro mu kati ka byoshi. Agaaba alonga umuhango ku bya hano mu kihugo, kiri na ku byâye yije kwakundi.

1 Timoteyo 4:8 ပူးပေါင်းရင်းမြစ်များ

Hayubu 22:2

«Ka hali igambo lyoꞌmundu angatabaala kwo Rurema? Kiri noꞌmwitegeereza, ka ahiiti akamaro imwage?

Hayubu 36:11

«Kwokwo, iri bangasimbaha Rurema, banabe bagweti bagamúkolera, lyo bagakizi genduukirwa isiku zaabo zooshi. Banakizi yama bashagalusiri imyaka yabo yoshi.

Zaburi 145:19

Ngiisi ábali mu ba basimbahiri Nahano, ali mu bashuvya ku magoorwa gaabo. Neꞌkyanya bali mu mútabaaza mu kati kaꞌmalira, ali mu bayuvwa, anabakize.

Zaburi 37:11

Haliko abatuudu, boohe, bo bagahaabwa ikihugo, banakishagalukire mu kati koꞌmutuula.

Zaburi 37:29

Ngiisi ábakwaniini, bo bagahyana ikihugo, banakituule mwo imyaka neꞌmyakuula.

Zaburi 37:9

Ngiisi banangora-mabi, bagaki twibwa mu kihugo. Haliko ábabiisiri Nahano kwoꞌmulangaaliro, boohe, bagakihyana.

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

Migani 19:23

Ikyanya umundu ali mu simbaha Nahano, ali mu longa ubugumaana, halinde anakizi langwa naꞌmalibu, analuhuuke mu kati koꞌmutuula.

Migani 22:4

Ikyanya umundu ali mutuudu, anabe asimbahiri Nahano, biri mu múleetera ubugale, noꞌlushaagwa, noꞌbulamu.

Mwigiriza 8:12

Hali ikyanya umunabyaha ali mu kizi yifunda mu bikoleere ubugira igana, anagenderere naaho ukutuula ho. Kundu kwokwo, nyiji kwo ngiisi ábali mu ba basimbahiri Rurema, banabe bamúyobohiri, bo bahiirwa.

Hisaaya 3:10

Ngiisi ábakwaniini, ugendi babwira kwo bagagenduukirwa. Ee! Ngiisi byo bagweti bagahimbukira kwo, bâye bilongere kweꞌmbembo.

Hisaaya 33:16

Abandu mwene yabo, boohe bo bagatuula mu butoge, banakizi langwa nga bandu ábatuuziri mu kaaya kazitire. Bagakizi longa ibyokulya íbiri tiita, banakizi nywa amiiji ngiisi lusiku.

Yeremiya 6:20

E bandu beꞌBuyuda, kituma kiki muki gweti mugandeetera umubadu ukulyoka i Sheeba? Na kituma kiki mukiri mu gendi nzeehera amalaasi i mahanga? Kundu mwangakizi nziriigiza amatuulo geꞌbitugwa ku katanda, haliko, ndagaki gayemeera! Mukuba, gataki nzimisiizi.»

Mataayo 12:32

Na kundu umundu angatuka Umwana woꞌMundu, angakogwa. Haliko, iri angatuka Umutima Mweru, lyoki atâye kogwe, kuba ku kino kyanya, kandi iri ku kyanya íkyâye yije.»

Mataayo 19:29

«Umundu, iri angaba asiga inyumba hiꞌgulu lyani, kandi iri asiga beene wabo, kandi iri baali baage, kandi iri yishe, kandi iri nyina, kandi iri baana baage, kandi iri ndalo, uyo, ku ngiisi byo akasiga, agayakiira ubugira kali igana. Na ha nyuma, analonge ukulama imyaka neꞌmyakuula!

Mataayo 6:33

«Mwehe, mukizi hahaliraga ubwami bwa Rurema, munakizi gira íbikwaniini imbere lyage, lyo mugayushuulirwa yibyo bindi byoshi.

Mariko 10:30

uyo, ku kyanya akiri hano mu kihugo, agabiyakiira ubugira kali igana (inyumba, na beene wabo, na baali baage, na banyina, naꞌbaana, neꞌndalo.) Na kwakundi, agalonga naꞌmalibu. Na ku kyanya íkyâye yije, analongage ukulama imyaka neꞌmyakuula.

Luka 5:38

Si amaavu geꞌkishogwe, gali mu tindikirwa mu ndaha zeꞌmbu ízikiri mbyahya!

Barumi 8:28

Tuyiji kweꞌkyanya abandu bali mu ba bakuuziri Rurema, ali mu bakolera amiija mu kati ka byoshi. Mukuba, akabahamagala yenyene ku shungi zaage.

1 Bakorindo 3:22

Aba Pahulu, kandi iri Hapoolo, kandi iri Keefa. Kiba kihugo, kandi iri ubugumaana, kandi iri ulufu. Biba bya kino kihe, kandi iri byeꞌkihe íkyâye ki yije. Yibyo byoshi bikola byeꞌmwinyu.

1 Bakorindo 8:8

Kundu kwokwo, ibyokulya bitali byo byangatuyegeza áhali Rurema. Kundu twangaleka ibyokulya, ndaabyo tugahomba. Na kundu twangabilya, ndaabyo tugagenduukirwa kwo.

1 Timoteyo 4:7

Halikago, utakizi teera ikihe mu kugambana ku byeꞌkipagaani, kandi iri ku fumo zaꞌbagiikulu. Si wehe, ukizi yikomeereza, halinde ulonge ukukizi kolera Rurema.

1 Timoteyo 6:3

Neꞌri umundu angaba ali mu yigiriza agandi-gandi magambo, anabe atatwaziizi amagambo goꞌkuli ga Nahamwitu Yesu Kirisito, kandi iri amigirizo ágalyosiri imwa Rurema,

1 Timoteyo 6:5

Anali mu haliiza abaabo. Abandu mwene yabo, inzaliro zaabo zikoli sherebiiri, banakoli yabiirwi noꞌkuli. Batoniri kwo mu bya Rurema mwo bagalongera ubugale.

1 Timoteyo 6:6

Biri ukuli, kweꞌri abandu bangaba bakulikiiri Rurema, bali mu longa ubunguke buhamu. Halikago, bakwaniini bakizi tuugiza umutima ku byo bagweti.

2 Timoteyo 3:5

Kundu bagaboneka nga bandu ba Rurema, haliko bagakizi lahira ubushobozi bwage. Abandu mwene yabo, hatagirage ye mugakomeeranwa.

Tiito 3:8

Yaga magambo gooshi, galyagagi goꞌkuli. Ee! Gali miija ngana. Ganali naꞌkamaro mu bandu booshi. Kwokwo, ngiisi ábakoli biisiri Rurema kwoꞌmulangaaliro, ndoziizi ukizi bakomeereza go. Bakizi fiitirwa mu kukola imikolwa miija.

Baheburaniya 13:9

Ikyanya mugayijirwa naꞌgandi-gandi migirizo, mutayemeerage kwo gamùhabure. Mutanakizi kangwa neꞌmaaja zoꞌkulahira ibyokulya birebe. Ikyanya abandu bali mu kulikiriza imaaja mwene yizo, ndaako kamaro ko bali mu zilonga mwo. Si twehe, tukizi sikamya imitima yitu ku lukogo lwa Rurema.

1 Yohana 2:25

Na yibyo byo akatulagaania, byo byebi, kwo tugalonga ubulamu bweꞌmyaka neꞌmyakuula!

Bwigule 3:12

«Umundu, iri angahima, ngamúbiika abe nguliro mu nyumba ya Rurema wani. Atanâye gilyoke mwo. Nganamúyandika kwiꞌziina lya Rurema wani, na kwiꞌziina lyaꞌkaaya kaage. Na yako kaaya, iri i Yerusaleemu mbyahya ígajooka ukulyoka imwage mwiꞌgulu. Kiri niꞌziina lyani lihyahya, nalyo ngaliyandika hiꞌgulu lyage.

Bwigule 3:21

«Umundu, iri angahima, ngamúhanguula kwo tubwatalanwe ku kitumbi kyani kyoꞌbwami, nga kwo naani keera nꞌgahima, twanabwatalanwa na Daata ku kitumbi kyage kyoꞌbwami.

1 Samweri 15:22

Haliko, Samweri anamúshuvya: «Ka twangakizi simiisa Nahano, mbu bwo twatanga amatuulo goꞌkusiriiza, kuguma naꞌgandi matuulo. Tukwaniini tukizi músimbaha. Ee! Ukumúsimbaha, kwo kuhimiri yago matuulo. Noꞌkukizi mútega amatwiri, kwo kuhimiri ibinyule byeꞌbipanga.