1 Samweri 7:6 - Kifuliiru

⁶ Ikyanya bakaba keera bakuumana yaho, banavwoma amiiji, banagayona imbere lya Nahano. Ku lwolwo lusiku, banayishalisa, iri banayilega kwokuno: «E Nahano, keera tukakuhubira bweneene.» Haaho i Misipa, Samweri anakizi twa imaaja zaꞌBahisiraheeri.

1 Samweri 7:6 ပူးပေါင်းရင်းမြစ်များ

Ndondeko 31:49

Banakiyinika niꞌziina Misipa, (kuli kudeta: kalaliizi). Mukuba, Labaani akadeta: «Amasu ga Nahano gakizi tuyama kwo, kiri na ku kyanya tutakiri kuguma.

2 Samweri 14:14

Íbiri ukuli, ukufwa, tweshi tugaafwa. Mukuba, tuli nga miiji ágayonekera kwiꞌdaho, gatanâye ki shamatwe. Neꞌri umundu angaba keera afwa, kiri na Rurema atangaki múgalula. Haliko mugala wawe úkapuumuka, wehe mwami, uki gweti ubushobozi bwoꞌkumúgalula.

1 Baami 8:47

«Iyo munda i mahanga, hali ikyanya abandu baawe bangayitoneesa boonyene, banatwikire ku byaha byabo, banakuyinginge, ti: “Yayewe! Keera twayifunda mu byaha. Twanahabuka, twanagira ibitalaalwe.”

1 Kutondobola 11:18

Haaho, birya bikalage bishatu byanayimuka, byanahyeduka mu shumbi zaꞌBafirisiti, byanagendi vwoma amiiji mu kirigo kyeꞌBetereheemu, byanagaleetera Dahudi. Haliko yago miiji, Dahudi analahira ukuganywa. Na ho angaganywiri, anagayonera haashi, libe ituulo imwa Nahano.

2 Kutondobola 20:3

Uyo Yehoshafaati, mbu ayuvwe kwokwo, anateerwa neꞌkyoba bweneene, anahuuna Nahano kwo amúrongoore, anamenyeesa Abayuda booshi kwo bayishalise.

Nehemiya 9:27

Iri ukabonaga kwokwo, wanababiika mu maboko gaꞌbagoma baabo, halinde yabo bagoma banabagira yondo-yondo. Kundu kwokwo, ikyanya bâli kizi libuuka, banakutabaaza. Na kwokwo utuuziri mwiꞌgulu, wanabayuvwiriza. Wanabayuvwirwa indengeerwa, wanabatumira abandu boꞌkubakiza. Yabo bandu, banakizi baguluula mu maboko gaꞌbagoma baabo.

Hayubu 16:20

«Abiira baani, bakoli gweti bagangayiriza naaho. Kundu kwokwo, ngweti ngahuuna Rurema, mu kati kaꞌmalira.

Hayubu 3:24

«Niehe, ho nangalya, ndi mu gongeera naaho. Yikyo kigongeero, kigweti kigajalabanda nga miiji.

Hayubu 33:27

«Uyo mundu anabwire biira baage, ti: “Nâli kizi yifunda mu byaha, iri na njobania ukuli. Kundu kwokwo, ndakahanwa, nga ngiisi kwo byâli ngwaniini.

Hayubu 40:4

«Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Hayubu 42:6

Ku yukwo, ngiisi byo nꞌgadeta, buno ngweti ngabidetuula. Ngabwatala haashi mu luvu, na mu munyota-kiiko, mu kuyerekana kwo yago magambo, keera nagatwikira kwo.»

Zaburi 106:6

Nga kwo bashokuluza biitu bâli kizi yifunda mu byaha, kwo na nyiitu, tukola mu biyifunda mwo. Ee! Twâli kizi huba ngana, twanakizi gira amabi.

Zaburi 119:136

Si abandu batali mu simbaha imaaja zaawe! Kyo kitumiri imigenge igweti iganvukumuka mu masu nga migezi.

Zaburi 42:3

Umutima gwani guli neꞌnyoota hiꞌgulu lya Rurema, úli mugumaana. Aaho! Tugagendi bonaana twe naye mangoki?

Zaburi 6:6

Mu bakoli fwiri, si ndaaye úkukengiiri! Bwo bakola i kuzimu, ndaaye úshobwiri ukukuyivuga.

Zaburi 62:8

Ubukize bwani noꞌlushaagwa lwani, bilyosiri imwa Rurema. Mukuba, ye gweti úganjuutira, ye na lwala lwani.

Yeremiya 31:19

E Nahano! Twâli mali habuka, twanayijamburiisa, iri tunayiteeza ishoni. Ee! Ku kyanya twâli ki riiri baanuke, tukavujuuka mu bitali nga byo. Halikago ha nyuma, twanatumburukwa, twanayemeera kwo tuli banabyaha. Na buno, tukolaga mu gerania, iri tunakugalukira.”»

Yeremiya 36:9

Yukwo kubasomera, kwâli riiri ku kyanya mwami Yoyakimu weꞌBuyuda âli koli hisiizi imyaka itaanu atwaziri. Mu mwezi gwoꞌmwenda, abandu booshi beꞌYerusaleemu, kiri na ábâli lyosiri mu twaya tweꞌBuyuda, banayishalisa imbere lya Nahano.

Yeremiya 9:1

«Yaba bandu baani, balyagagi bahuni, banali bashule. Aahago! Nangaloziizi ukubajanda, na nyigendere, ngendi tuula haꞌbageezi bali mu shumbika mwiꞌshamba.

Kimombo 2:11

Keera nabululuka bweneene, halinde amasu gaani ganayami konoka. Umutima gwani gutakiri mu yika mu nda. Ikyanya nabona ngiisi kwaꞌbandu baani bagweti bagaminikwa, emwe! Nanayabirwa ukuyihangirira. Si kiri noꞌtuboojo, tukola mu fwira mu njira!

Kimombo 3:49

Iyamiri iri mu hunguluka, itanâye kame,

Kimombo 5:16

Injembe, keera zanyugutulwa ku matwe giitu! Yayewe imwitu, bwo twâli kizi yifunda mu byaha!

Hezekyeri 20:4

«E mwana woꞌmundu, ka ukolaga ibiringiini ukuhana yaba bandu? Ngahwe, ubahanage! Ubakengeeze ngiisi kwaꞌbashaaja baabo bâli kizi nyaagaza, mu kugira amabi.

Hosheya 5:1

«E bagingi ba Rurema, muyuvwirize bwija. Na niinyu, mwe Bahisiraheeri! Mutegage amatwiri. Kiri na niinyu, mwe mulyagagi ba mu mulala gweꞌkyami! Muyuvwirize. Si keera mukahubiisa abandu iriira munda i Misipa, kiri neꞌTaboori, kyanatuma bagamùtwira ulubaaja kwo mukahuba!

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Balaawi 16:29

«Ulusiku lwiꞌkumi lwoꞌmwezi gwa kalinda, mwe neꞌbinyamahanga íbimùtuuziri mwo, mukizi shiiba muyishalisiizi. Ndaanayo mikolwa yo mugakizi kola. Luno lubaaja, lugakizi yama ho.

Balaawi 26:40

«Hali ikyanya abandu baani bagayiji yilega ibyaha byabo, kiri neꞌbya bashokuluza baabo. Banayemeerage kwo bakambubira bweneene, na kwo bâli kizi haasa-haasa imbere lyani.

Luka 15:18

Kwokwo, namu galukira imwa daata, ninamúbwire, ti: E daata, nꞌgahubira Rurema, na naawe kwakundi.

Yoshwa 18:26

naꞌkeꞌMisipa, naꞌkeꞌKefira, naꞌkeꞌMooza,

Batwi beꞌmaaja 10:10

Iri hakatama, yabo Bahisiraheeri banatakira Rurema Nahamwabo, ti: «Ala twe! Keera tukayifunda mu byaha bweneene imbere lyawe, twanakujanda, twanakizi kolera umuzimu Baali.»

Batwi beꞌmaaja 10:15

Kundu kwokwo, Abahisiraheeri banashuvya Nahano: «E maashi! Keera tukakuhubira. Ku yukwo, ngiisi byo uloziizi, bibe byo ugatugirira. Si buno, tugweti tugakuyinginga, kwo utukize mu malibu.»

Batwi beꞌmaaja 2:4

Yago magambo, ikyanya umuganda wa Nahano akayusa ukugabwira Abahisiraheeri, banatulikira mu kimombo.

Batwi beꞌmaaja 20:26

Haaho, Abahisiraheeri booshi banazamuukira i Beteeri. Neꞌri bakahikaga yo, banajongama imbere lya Nahano, bakoli jengiirwi bweneene, banayishalisa, halinde kabigingwe, banatangira Nahano ituulo lyoꞌkusiriiza lwoshi, naꞌmatuulo goꞌkuyerekana ingoome.

Batwi beꞌmaaja 3:10

Ulya Hotinyeri, Umutima gwa Nahano gwanamúyingira mwo, anaba mutwi weꞌmaaja mu Bahisiraheeri. Neꞌri akagendi gira izibo noꞌmwami Kushani-Rishatahimu weꞌHaraamu, Nahano anabiika uyo mwami mu maboko gaage.

1 Samweri 1:15

Haana naye, ti: «E waliha, ndalalusiri. Ndaanayo divaayi yo nzi nywa, kandi iri ikindi kilalusa kyoshi. Si ngweti umwizingeerwe bweneene, na ngweti ngayereka Nahano íbigweti bigandibuza mu mutima gwani.

1 Samweri 10:17

Uyo Samweri anakuumania Abahisiraheeri booshi imbere lya Nahano yaho i Misipa.

1 Samweri 12:10

«Ku yikyo kyanya, bashokuluza biinyu banatondeera ukukizi lirira Nahano, ti: “Keera tukayifunda mu byaha. Na kundu we Nahamwitu, haliko tukakujanda, twanakizi kolera imizimu Baali, na Hashitarooti. Kwokwo buno, twakuyinginga utukize mu maboko gaꞌbagoma biitu, gira lyo tukizi kukolera.”

1 Samweri 7:15

Uyo Samweri, mu siku zaage zooshi, anakizi twa imaaja zaꞌBahisiraheeri.