1 Samweri 31:6 - Kifuliiru

⁶ Kwokwo, kwo Sahuli na bagala baage bashatu bakafwa. Kiri noꞌlya woꞌkumútwaza ibyugi, naꞌbaabo basirikaani bingi, booshi banaherera kuguma ku lwolwo lusiku.

1 Samweri 31:6 ပူးပေါင်းရင်းမြစ်များ

2 Samweri 1:1

Ikyanya Sahuli akaba keera afwa, uyo Dahudi anagendi lwisa Abahamareki, anabahima. Neꞌkyanya akagalukira mu kaaya keꞌZikilaagi, anamala mweꞌsiku zibiri.

2 Samweri 1:12

Banabiika ikigandaaro, banayishalisa halinde kabigingwe, iri banalirira Sahuli bweneene na mugala wage wa Yonataani, kiri naꞌbasirikaani ba Nahano. Banalirira kiri neꞌkihugo kyabo, bwaꞌbandu bingi bweneene bakaminikwa mwiꞌzibo.

1 Kutondobola 10:6

Kwokwo, kwo Sahuli akafwa, kuguma na bagala baage bashatu, kiri neꞌmbaga yage yoshi.

Batwi beꞌmaaja 9:54

Uyo Habimereki, anahamagala mugala wage úwâli mútwaziizi ikyugi, anamúbwira: «Uyomole ingooti yawe, umboleereze. Abandu batamenye kwo nayitwa noꞌmukazi.»

1 Samweri 11:15

Kwokwo, banagenda yo, banayimika Sahuli imbere lya Nahano, banatangira Nahano amatuulo goꞌkuyerekana ingoome. Sahuli naꞌbaabo Bahisiraheeri booshi, banashambaala.

1 Samweri 12:17

Buno, ka kitali kyo kyanya kyoꞌkugesha ingano? Kundu kwokwo, ngola ngahuuna Nahano aleete invula, kuguma neꞌmilavyo. Haaho, lyo mugasobanukirwa kwo mwagira amabi imbere lya Nahano, mu kuyiloogeza umwami.»

1 Samweri 12:25

«Haliko, iri mwangahaasa-haasa ukugira amabi, mwe na mwami winyu, mugayami minikwa.»

1 Samweri 26:10

Ku kasiisa, nga kwo Nahano ayamiri ho, yehe yenyene ye wâye múyite, kuba kufwa butala, kandi iri kufwira mwiꞌzibo.

1 Samweri 28:19

«Aahago! Nahano akola agakubiika mu maboko gaꞌBafirisiti, kiri naꞌbandi Bahisiraheeri booshi. Kusheezi, mwe naꞌbaana baawe, mugangwana. Kiri naꞌbasirikaani baꞌBahisiraheeri booshi, Nahano agababiika mu maboko gaꞌBafirisiti.»

1 Samweri 31:5

Uyo mwambali, iri akabona kwo Sahuli keera afwa, naye anagwira ingooti yage, anayami fwa.

1 Samweri 31:7

Abahisiraheeri ábâli tuuziri i kajabo keꞌndekeera, na ábâli tuuziri uluhande lweꞌsheere lwoꞌlwiji Yorodaani, iri bakabona kwaꞌbasirikaani bapuumuka abagoma, na kwo Sahuli kuguma na bagala baage keera bafwa, banayami bunga mu twaya twabo, nabo banapuumuka. Abafirisiti, banayiji tutuula mwo.