1 Samweri 25:29 - Kifuliiru

²⁹ «Kundu abandu bangakizi kuhiiva mbu bakuyite, haliko Rurema Nahamwinyu agakizi kulanga, analange na booshi bo muliriinwi. Si abagoma baawe boohe, bakizi fwira ku mbinga. Bakizi ba ngiꞌbuye íryavugumulwa naꞌkahobola.

1 Samweri 25:29 ပူးပေါင်းရင်းမြစ်များ

Ndondeko 15:1

Ha nyuma, Nahano anayijira Hiburamu mu mabone, anamúbwira kwokuno: «E Hiburamu, utakizi yoboha. Nie siribo yawe. Na byo ngakuhemba, biri tiita.»

2 Samweri 4:8

Yiryo itwe lya Hishibosheeti, banalitwalira Dahudi i Heburooni, banamúbwira: «E mwami Dahudi, itwe lya Hishibosheeti mugala Sahuli, lyerino. Ashuba mugoma wawe, anâli kizi looza ukukuyita. Kwokwo buno, Nahano keera akuyihoolera Sahuli neꞌmbaga yage.»

Hayubu 27:22

«Na kundu bagweti bagagaagala, mu kutibita ubushobozi bwayo, haliko, iri mu batumbikira buzira lukogo.

Zaburi 116:15

Abandu ba Nahano, ikyanya bali mu fwa, naye ali mu lyanirwa bweneene.

Zaburi 54:3

E Rurema, umbulanire ku bushobozi bwawe, unangize kwiꞌziina lyawe.

Zaburi 66:9

Agweti agatulanga, halinde amagulu giitu gatatyerere.

Yeremiya 10:18

Nahano adetaga kwokuno: «Leero abatuulaga ba mu kino kihugo, ngabashuluguta i mahanga. Ngolaga ngabalibuza bweneene, halinde banahambiri gwatwa imbira.»

Malaki 3:17

Nahano woꞌbushobozi bwoshi, adetaga kwokuno: «Yabo bandu, bagaaba beꞌmwani. Ikyanya ngatwira abandi ulubaaja, balya beꞌmwani, ngabaleka. Bigaaba nga kwo yishe woꞌmwana ali mu lereeja umwana wage úmúsimbahiri.

Yohana 14:19

Ha nyuma hiniini, ábali mu kihugo batagaki mbona. Haliko mwehe, mugakizi mbona. Na bwo ndi mulamu, kyo kitumiri na niinyu mugaalama.

Yohana 17:21

«Kwokwo, e Daata! Nakuhuunaga kwo booshi bakizi tuula mu buguma, nga kwoku unyamiri mwo, na naani nguyamiri mwo. Nakuhuuna kwo nabo batuyame mwo, gira lyaꞌbandu beꞌkihugo bakalonge ukuyemeera kwo we kanduma.

Yohana 17:23

Kwokwo, ngabatuula mwo. Na naawe unanyame mwo. Yubwo buguma bwabo, nakuhuuna kwo budimirize, halinde lyaꞌbandu beꞌkihugo bakalonge ukumenya kwo we kanduma! Bamenye na kwo ukuuziri yabo bandu baawe, nga kwo naani unguuziri.

Bukengeeze 33:29

«E Bahisiraheeri, muhiriirwi! Keera mukakizibwa na Nahano. Aaho! Ka hali úli nga mwe? Akamùhaliza neꞌsiribo yage. Rurema, ali nga ngooti yoꞌkumùkingira. Abagoma biinyu, baganyerera imbere liinyu. Na mwehe, mwe mugaaba banahamwabo.»

1 Peturu 1:5

Na bwo tukoli biisiragi Rurema kwoꞌbwemeere, ali mu tulanga ku bushobozi bwage, halinde ukuhisa ku lusiku lwo tugakizibwa kwo. Ee! Yubwo bukize bwitu bukoli teganwirwi, buganayerekanwa ku lusiku lweꞌmberuuka.

1 Samweri 2:9

Ngiisi ábamúyemiiragi, ali mu kizi balanga. Si banangora-mabi boohe, bagaherera mu kihulu. Ndaaye úli mu hima ku misi yage yenyene,