1 Samweri 19:4 - Kifuliiru

⁴ Kwokwo, Yonataani anatondeera ukuhuuza Dahudi imbere lya yishe, ti: «E mwami, utakolwe kwo wahubira umukozi wawe Dahudi. Si ndaahyo hyo azindi kuhubira. Neꞌkyanya ali mu kukolera, uli mu genduukirwa bweneene.

1 Samweri 19:4 ပူးပေါင်းရင်းမြစ်များ

Ndondeko 42:22

Rubeni anababwira: «Ka ndakamùhanuula kwo tutagire mulumuna witu buligo? Halikago mutakanyuvwa. Na buno, tukola mu hanwa hiꞌgulu lyoꞌmuko gwage.»

Ndondeko 9:6

Ngiisi úgayona umuko, uyo naye, ugweꞌmwage gugayonwa. Mukuba, abandu booshi, nꞌgababumba ku njusho yani.

2 Kutondobola 6:22

«Hali ikyanya umundu angalegwa kwo ahubira uwabo, analeetwe mwiꞌyi nyumba, gira ayiji biika indahiro imbere lyaꞌkatanda kaawe.

Zaburi 35:12

Ku kyanya ndi mu bagirira amiija, boohe, bali mu gambemba kwaꞌmabi. Kwokwo, umutima gwani gukola mwaꞌkahumbwe.

Zaburi 59:4

Lolaga, e Nahano! Abandu balangi bakoli ndegiiri. Bagweti bagaagira igambi libi hiꞌgulu lyani, kundu ndazi bahubira, ndaanabyo byaha ngiziri.

Migani 17:13

Umundu, iri angagalula amabi ku miija, yago mabi gaage, gatâye lyoke mu nyumba yage.

Yeremiya 18:20

Aahago! Umundu, iri angagira amiija, ka akwaniini ukuhembwa amabi? Si boohe, bagweti bagambumbira ubuhya, gira babunyitire mwo! E maashi! Ukengeerage ngiisi kwo nâli kizi yimanga imbere lyawe, mu kubahuunira, gira mbakize noꞌburaakari bwawe.

1 Bakorindo 8:12

Si ikyanya uli mu hubiraga beene winyu kwokwo, halinde banakizi teerwa neꞌbihamba, iri keera wahubira na Kirisito yenyene!

1 Yohana 3:15

Umundu, iri angaba ashombiri mwene wabo, iri alyagagi mwitani. Munayiji kwo ndaaye mwitani úgalama imyaka neꞌmyakuula.

1 Samweri 2:25

Umundu, iri angahubira uwabo, anahuunirwe ulukogo imwa Rurema, agaakogwa. Haliko, iri angahubira Rurema yenyene, nyandagi úwangaki múkoga? Si ndaaye!» Kundu Heri akahanuula abaana baage kwokwo, haliko batanamútwaza. Mukuba, Nahano âli mali shungika kwo agabayita.

1 Samweri 20:32

Yonataani, ti: «E daata, biki byo agira, halinde ayitwe? Ka hali buhube?»

1 Samweri 22:14

Uyo Ahimereki anamúshuvya: «E maashi, mwami, mu bakozi baawe booshi, nyandagi úli mwemeera nga Dahudi? Ali mukwi wawe. Ye na mwimangizi waꞌbalaliizi baawe. Na mu nyumba yawe, ye mu simbahwa ukuhima abandi booshi.