1 Samweri 17:45 - Kifuliiru

⁴⁵ Ulya Dahudi anamúshuvya kwokuno: «Wehe, ugweti uganyijira neꞌngooti, naꞌmatumu. Halikago niehe, nakuyijira kwiꞌziina lya Nahano woꞌbushobozi bwoshi. Ali Rurema waꞌBahisiraheeri. Na buno ugweti ugabatyoza-tyoza.

1 Samweri 17:45 ပူးပေါင်းရင်းမြစ်များ

2 Kutondobola 14:10

Haaho, Hasa anatakira Rurema Nahamwabo, ti: «E Nahano, si ndaaye gundi úli nga we! We shobwiri ukusikamya úli mwoꞌbukaholwe, halinde anahime ikikalage. Kwokwo, ututabaalage. Si we Rurema Nahamwitu, tunakulangaliiri! Ikyanya twayiji lwisa bano basirikaani, twanagwana bali katundu. E Nahano! Wehe we Rurema witu. Bano basirikaani booshi, twabayijira kwiꞌziina lyawe. Ku yukwo, utaleke kwo hagire umundu yeshi úgakuhima.»

2 Kutondobola 32:8

Yehe, imisi yage, iri yaꞌbandu naaho. Haliko twehe, tuli na Nahano Rurema witu. Ye gatutabaala, anatulwire izibo liitu.» Ikyanya mwami Hezekiya akadeta yago magambo, ganasikamya abandu baage bweneene.

Zaburi 124:8

Ubutabaazi bwitu, tuli mu bulongera kwiꞌziina lya Nahano, ulya úkalema igulu neꞌkihugo.

Zaburi 18:2

E Nahano, ngukuuziri! Mukuba we ndi mu longera mweꞌmisi.

Zaburi 20:8

Bandu baguma, bakoli biisiri umulangaaliro ku magaare giꞌzibo. Abandi, bali mu gubiika ku fwarasi. Haliko twehe, tuli mu gubiika imwa Rurema Nahamwitu.

Zaburi 3:8

E Rurema Nahamwitu, uyimukage maashi, gira ungize. Abagoma baani, we mu bangomoolera mu migeka. Ee! Banangora-mabi, we mu bahoohola amiino.

Zaburi 44:6

Kuli ku misi yawe, kwo tuli mu hima abagoma biitu. Tuli mu bakandagira kwiꞌziina lyawe.

Migani 18:10

Iziina lya Nahano, iri nyumba nzitire bweneene! Ábakwaniini bali mu gitibitira mwo, banagilongere mwoꞌmutuula.

Hisaaya 37:23

E Senakeribu, nyandi ye ugweti ugagayiriza? Nyandi ye ugweti ugatuka? Keera wateerera umulaga hiꞌgulu lya nyandi? Ugweti ugahenekera nyandi ku bwikangaate? Si ali Rurema, Umutaluule waꞌBahisiraheeri!

Hisaaya 37:28

«Wehe, ngoli yiji ngiisi ho utuuziri. Nyiji ngiisi kwo uli mu yingira, na ngiisi kwo uli mu huluka. Na kwakundi, nyiji ngiisi kwo ukoli ndakariiri.

2 Bakorindo 10:4

Neꞌbilwaniiso byo tuli mu lwa mwo, nabyo bitali mu ba bya mu kihugo. Si biri mu ba mwoꞌbushobozi bwa Rurema, halinde tulonge ukuhongola mwo ngiisi byaꞌbagoma basikamiiri kwo. Tunagweti tugashereeza inzaliro íziri mu yimangira ku menge geꞌkihugo.

2 Bakorindo 3:5

Ee! Umukolwa gwo tuli mu gira, tutangadeta kwo tugushobwiri twenyene. Si Rurema ye mu tushoboleesa,

Bafiripi 4:13

Njobwiri ukukizi gira byoshi ku njira ya Kirisito. Mukuba, ye mu mbiika mweꞌmisi.

1 Samweri 17:10

Ku lusiku lwa zeene, ngweti ngamùshomboroza, mwe basirikaani baꞌBahisiraheeri. Mundumire umundu muguma naaho, ye tugaalwa twe naye.»

1 Samweri 17:26

Dahudi anabuuza yabo bandu ábâli múyimaaziri ha butambi, ti: «Umundu úwangayita uyu Mufirisiti, analyokeze Abahisiraheeri ishoni, kuti kwo angagirirwa? Uliira Mufirisiti, si atali mutenguule. Alyagagi nyandi, halinde akizi tyoza abasirikaani ba Rurema, ulya úli mugumaana?»

1 Samweri 17:36

E waliha, keera nꞌgayita indare, kiri neꞌbinguti. Na buno, uyu Mufirisiti ngamúyusa kwakundi. Si atali mutenguule! Anagweti agatyoza abasirikaani ba Rurema úli mugumaana.

1 Samweri 17:6

Na ku magulu gaage, âli kizi yambala kweꞌzindi siribo ízikatulwa mu miringa. Na ha lutugo, âli kizi betula hiꞌtumu lira írikatulwa mu miringa.