1 Samweri 15:12 - Kifuliiru

¹² Iri hakaba shesheezi kare-kare, Samweri anavyukaga, anagendi looza Sahuli. Haliko, anabwirwa, ti: «Mwami Sahuli agenda i Karimeeri, keera anayubaka yoꞌlwingo luhamu lwoꞌkuyikengeeza. Na buno amanukira i Girigaali.»

1 Samweri 15:12 ပူးပေါင်းရင်းမြစ်များ

Ndondeko 21:14

Iri hakaba shesheezi kare-kare, Hiburahimu anaboha indanda, anafukumulira naꞌmagoloovi mu ludaha úlukahangwa mu luhu, anabibetuza Hagaari ku bitugo. Neꞌri akamúheerezagya umwana wage, anamúyimula. Hagaari anagenda akola mu jeba-jeba mwiꞌshamba lyeꞌBeeri-Sheba.

2 Samweri 18:18

Ku kyanya Habusalumu âli ki riiri mugumaana, âli mali gwanwa ayishingira inguliro áhali mu buuzibwa Indekeera ya Mwami. Anadeta: «Bwo ndahiiti umwana mutabana, ndaaye úgasigala mwiꞌziina lyani, mbu ngizi kengeerwa.» Iyo nguliro, anagiyinika iziina lyage. Kwokwo, kwo iri mu buuzibwa, halinde zeene.

2 Samweri 23:35

na Hesiro weꞌKarimeeri; na Parayi weꞌHaraba;

1 Baami 18:42

Kwokwo, Ahabu anayigendera analya, ananywa. Si uyo Hiriya yehe, anazamuukira kwiꞌrango lyoꞌmugazi Karimeeri, anafukama, anafunda itwe mu madwi.

2 Kutondobola 26:10

Anayubaka izindi nyingo mwiꞌshamba, anahumba mweꞌbirigo bingi byaꞌmiiji. Mukuba, âli hiiti inguuli zeꞌngaavu mu tugangazi, na mu ndekeera. Na kwakundi, anakoleesa abakozi boꞌkumúhingira, na boꞌkumúlangira indalo zaage zeꞌmizabibu mu tugangazi, na áhali inagiira. Emwe! Mwami Huziya âli mulimi ngana-ngana.

Yoshwa 15:55

Hâli neꞌMahooni, neꞌKarimeeri, neꞌZiifu, neꞌYuta,

1 Samweri 13:12

Nanayami tona kwaꞌBafirisiti bakola bagayiji ndeera hano i Girigaali. Nanaba ndazi huuna Nahano kwo angashaanire, nanabona kwo ndaakwo kundi kwo ngaagira, nanatanga ituulo lyoꞌkusiriiza lwoshi.»

1 Samweri 13:15

Ha nyuma, Samweri analyoka yaho i Girigaali, anagenda i Gibeya mu kihugo kya Binyamiini. Sahuli anaharuura abandu bo bâli ririinwi, anabona kwo hakiri bandu magana galindatu.

1 Samweri 17:20

Iri bukakya, shesheezi kare-kare, Dahudi anavyuka, anasigira uwabo mungere ingoni. Neꞌri akayabiira ibyokulya, anabigendana, nga kwo yishe akamúbwira. Uyo Dahudi, iri akahikaga ha shumbi yaꞌBahisiraheeri, anagwanana booshi keera bagendi yimanga ngiisi ho bagalwira, iri banabanda akaluulu kiꞌzibo.

1 Samweri 25:2

Neꞌyo munda, yâli tuuziri mugale muguma, iziina lyage Nabaali, mwene Kalebu. Uyo mundu âli tuuziri ibibuzi bihumbi bishatu, neꞌmbene kihumbi. Âli gweti agabikema ubwoya mu kaaya keꞌKarimeeri. Uyo Nabaali, mukaage ye wâli Habigahiri. Âli riiri mukazi mwitegeereza, anâli nonosiri bweneene. Si Nabaali yehe, âli riiri mudali-daali, anâli ngunge.

1 Samweri 7:12

Samweri anayabiiraga ibuye, analishinga ha kati keꞌMisipa neꞌSheeni. Yiryo ibuye, analiyinika iziina Hebenezeeri, iri anadeta: «Halinde buno, Nahano aki gweti agatutabaala.»