1 Samweri 14:16 - Kifuliiru

¹⁶ Abagahirizi ba Sahuli i Gibeya, banabona kwaꞌbasirikaani bingi baꞌBafirisiti bakola mu puumuka.

1 Samweri 14:16 ပူးပေါင်းရင်းမြစ်များ

Zaburi 58:7

E Nahano Rurema, yabo bandu, ubakuulage amiino. Ee! Bweꞌmihenga yabo iri nga yeꞌndare, ugihoohole.

Zaburi 68:2

E Rurema, uyimukage, unashaabule abagoma baawe. Ngiisi ábakushombiri, bakizi puumukaga imbere lyawe.

Hisaaya 19:2

Nahano adetaga kwokuno: «Balya Bamiisiri, ngabateerania boonyene ku boonyene! Ee! Umundu agagendi lwisa mwene wabo. Noꞌmutuulani anagendi lwisa uwabo mutuulani. Akaaya kaguma kagagendi lwisa akaabo kaaya. Noꞌmwami muguma agagendi lwisa uwabo mwami.

Batwi beꞌmaaja 7:22

Yabo beene Gidyoni magana gashatu kwo bâli riiri mu shumbi yabo, ikyanya bakadihiriza birya bibuga byabo, Nahano anayitiisa Abamidyani, mu kuminikana neꞌngooti zaabo, boonyene ku boonyene. Na ábakafuuka, banahabira i Beeti-Shita, uluhande lweꞌZereera, banahika kiri neꞌHabeeri-Mehola, hoofi neꞌTabaati.

1 Samweri 14:15

Lyeryo, yabo basirikaani booshi baꞌBafirisiti, banakanguka. Baguma bâli riiri mu shumbi, naꞌbandi mu mbingiro, hali naꞌbandi bâli kizi gendi teera. Haaho, ikihugo kyanalenga mwoꞌmusisi, halinde booshi banashenguka bweneene.

1 Samweri 14:17

Lyeryo, Sahuli anabwira abaabo: «Muyiharuure, tumenye banyandi ábatulyoka mwo.» Iri bakayiharuura, banabona kwo Yonataani, na úwâli kizi mútwaza ibyugi, batabali mwo.

1 Samweri 14:20

Lyeryo, Sahuli naꞌbasirikaani, banayibiika ibiringiini, banayami tondeera ukulwisa Abafirisiti. Yabo Bafirisiti, bwaꞌkamburugu kâli kola kingi mu kati kaabo, kyanatuma bagamalana boonyene ku boonyene.