1 Samweri 14:15 - Kifuliiru

¹⁵ Lyeryo, yabo basirikaani booshi baꞌBafirisiti, banakanguka. Baguma bâli riiri mu shumbi, naꞌbandi mu mbingiro, hali naꞌbandi bâli kizi gendi teera. Haaho, ikihugo kyanalenga mwoꞌmusisi, halinde booshi banashenguka bweneene.

1 Samweri 14:15 ပူးပေါင်းရင်းမြစ်များ

Ndondeko 35:5

Yakobo na bagala baage, iri bakaba bakola mu lugeezi, Rurema anakizi yobohya abatuulaga ba mu twaya tweꞌbutambi, halinde banaleka ukukizi balandiriza.

2 Samweri 5:24

Neꞌkyanya mugayuvwa ibisindo mwiꞌrango iwa biti byeꞌmiforosaadi, munayami gendi bateera. Mukuba, yabo basirikaani baꞌBafirisiti, ngagwanwa namùhimira bo.»

Hayubu 18:11

Bagweti bagateerwa neꞌkyoba ngiisi luhande, Banagweti bagahambirizibwa.

Zaburi 14:5

Kundu kwokwo, bagaki shenguka neꞌkyoba. Haliko, ngiisi ábakwaniini boohe, Rurema, bayamiinwi.

Kulyoka 19:18

Gulya mugazi Sinaayi, Nahano anagumanukira kwo, ali mu kati koꞌmuliro. Gwanakizi zinga kweꞌkyusi, kyananungeera hiꞌgulu, nga kya kiberekaana. Umugazi gwoshi, gwanakizi jugumba bweneene.

Danyeri 5:6

Ulya mwami, amalanga gaage ganahinduka meeru-meeru, anatondeera ukuyoboha. Indege zaage zanavunika. Kiri naꞌmadwi ganakizi lenga mweꞌkinyukura.

Mataayo 24:6

Mugakizi yuvwa imyazi yaꞌmazibo, noꞌlunganga lwago. Kundu kwokwo, mutakizi hemuka! Yibyo byoshi, bikwiriiri bitee ba. Haliko itagaaba yo mberuuka.

Yoshwa 2:9

anababwira kwokuno: «Nyiji bwija kwo Nahano keera akamùheereza kino kihugo kiitu. Na buno, tweshi tukolaga neꞌkyoba kingi hiꞌgulu liinyu, tunakoli twisiri indege.

Batwi beꞌmaaja 7:21

Bakasokanana ishumbi, ngiisi mundu haage-haage. Balya Bamidyani ábâli mu shumbi, booshi banayami vuza imirindi. Banakizi yamiza: «Twahera! Twahera, maashi!»

1 Samweri 13:17

Yabo Bafirisiti banayihandula mweꞌbiso bishatu, gira bagendi teera Abahisiraheeri. Kiso kiguma kyanalenga i Hofura mu kihugo kyeꞌSwari.

1 Samweri 13:18

Ikindi, kyanalenga i Beeti-Horoni. Neꞌkindi, kyanalenga mu njira yoꞌkugenda mu ndekeera yeꞌZebohimu, uluhande lwa mwiꞌshamba.

1 Samweri 13:23

Ku yikyo kyanya, Abafirisiti banatuma abasirikaani baguma, gira bagendi ziba injira, halinde abandu batakizi sookera iwa lwala lweꞌMikimasi.

1 Samweri 14:14

Mu yikyo kiteero, banayita abandu nga makumi gabiri, buzira kuyikondeera hala.

1 Samweri 14:16

Abagahirizi ba Sahuli i Gibeya, banabona kwaꞌbasirikaani bingi baꞌBafirisiti bakola mu puumuka.

1 Samweri 7:10

Lirya ituulo, ikyanya Samweri akaba akiri mu litanga, Abafirisiti banaba keera bayija, gira bateere Abahisiraheeri. Haaho, Nahano anakyula mwiꞌgulu, kwiꞌzu lihamu nga lya mukungulo. Balya Bafirisiti, iri bakayuvwa kwokwo, banayami shindibuka, banashaabuka.