1 Samweri 12:21 - Kifuliiru

²¹ «Si imigisi, bwo iri mizira kamaro, yohe mukizi gitwikira kwo. Mukuba, itangamùgashaanira, itanganamùkiza. Si iri tufwa-busha naaho.

1 Samweri 12:21 ပူးပေါင်းရင်းမြစ်များ

2 Baami 17:15

Yabo Bahisiraheeri, ikyanya Rurema akagira mbu abayereke amategeko gaage, mu kubakengula, batanamútwaza. Kiri neꞌkihango kyo âli mali gwanwa agira na bashokuluza baabo, batanakitwaza. Si bâli kizi yidulumbika mu byeꞌmigisi, kundu iri tufwa-busha, halinde nabo boonyene banayiji ba tufwa-busha. Kundu Nahano akabakengula kwo batakizi kulikira imigeeza yeꞌbihugo íbyâli bazungulusiri, haliko byeyo-byeyo byo bâli kizi yifunda mwo.

Hisaaya 41:29

Aahabi! Iyo migisi yoshi, si iri yeꞌbibeesha naaho! Imikolezi yayo iri ndaayo. Iryagagi mimaata naaho, nga mbuusi!»

Hisaaya 45:20

«Mwe mukafuushukaga mu mahanga! Mukuumane kuguma, munanyijire. Bandu baguma bali mu gugumira imigisi, ikanabaajwa mu biti naaho! Haliibwi! Si balyagagi bahwija naaho! Irya migisi, kundu itashobwiri ukubakiza, si bakiri mu gitabaaza.

Hisaaya 46:7

Bali mu kizi gibetula ha bitugo, banagendi gishinga ahandu halebe. Haaho, ho iri mu beera, itanashobwiri ukugira kwo ihashaage. Na kundu abandu bangagitakira, itangahasha ukubashuvya. Na kundu bangaba bagoozirwi, itashobwiri ukubatabaala.

Yeremiya 10:15

Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi!

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 16:19

E Nahano! Wenyene we mu kizi nzikamya. We na luzitiro lwani. Ikyanya ndi mu longa amakuba, we ndi mu tibitira mwo. Abandu baꞌmahanga gooshi, bagakizi kuyijira, iri banadeta: «Bashokuluza biitu bâli kizi yikumba imigisi, kundu ndaako kamaro kooshi yâli bahitiiri.

Yeremiya 2:13

«Abandu baani, ibyaha byo bâli kizi gira, biri bibiri. Ubwa mbere, bakanjanda, na ndi nie shyoko yaꞌmagoloovi ágali mu leeta ubulamu. Noꞌbwa kabiri, banayihumbira ibishimo byoꞌkubiika mwaꞌmiiji. Haliko yibyo bishimo, keera byatulika-tulika, bitanakiri mu yijula mwaꞌmiiji.»

Yeremiya 2:5

Mukuba adetaga kwokuno: «Bashokuluza biinyu, biki byo bakangayira, halinde bahabuke, banakizi gendi yikumba imigisi? Iyo migisi yabo, si ndaako kamaro ibahitiiri! Kiri na boonyene, si ndaako bahiiti!

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Yona 2:9

Abandu baguma bagweti bagayikumba imizimu ya kabusha-busha. Mu kugira kwokwo, bali mu yibuliisa imigashani.

Habakuki 2:18

Aahago! Ikyanya umundu agweti agayibaajira imigisi, ali mu longa akamaro kaki? Si irya migisi iri mu tulwa mu byuma, inali ya kutebana naaho! Itashobwiri kiri noꞌkudeta! Uyo mundu, si ali mu biika umulangaaliro ku kindu kyo akayigirira yenyene!

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

1 Bakorindo 8:4

Ikyanya imigisi iri mu tangirwa inyama, tuyiji-yiji kwo kitali kindu. Tuyiji na kwo ndaaye gundi Rurema, átali yolya muguma naaho.

Bukengeeze 11:16

«Kwokwo, mukizi ba masu! Hatagirage úgatebeka, mbu ajande Rurema, anabe akola mu kolera ibindi-bindi íbiri mu yikumbwa, kandi iri kubiyikumba.

Bukengeeze 30:17

«Haliko, hali ikyanya mwangamúyihindulira, munabe mutaki músimbahiri, munayishimuze ukukizi yikumba ibindi-bindi íbiri mu yikumbwa, iri munabikolera.

Bukengeeze 32:21

Ikyanya bakakolera imigisi yabo, itanali ye Rurema, lyo bakanvyula mwoꞌluugi. Bakandaakaza neꞌmigisi yabo ya busha-busha. Ku kasiisa, ngola ngagashaanira abandi bandu, halinde nabo bayuvwe uluugi. Emwe! Ngabayagaza, mu kugashaanira ugundi mulala, gunali muhwija.