1 Samweri 12:18 - Kifuliiru

¹⁸ Ku kyekyo kyanya, ulya Samweri anahuuna Nahano kwo aniese invula. Ku lwolwo lusiku, Nahano anaginiesa. Kiri neꞌmilavyo, yanalavya, lya! Yabo booshi, ikyanya bakabona ngiisi kwo Nahano agira ku njira ya Samweri, banalenga mweꞌkinyukura.

1 Samweri 12:18 ပူးပေါင်းရင်းမြစ်များ

1 Baami 18:42

Kwokwo, Ahabu anayigendera analya, ananywa. Si uyo Hiriya yehe, anazamuukira kwiꞌrango lyoꞌmugazi Karimeeri, anafukama, anafunda itwe mu madwi.

Hizira 10:9

Ha nyuma lyeꞌsiku zishatu, abashosi booshi beꞌBuyuda, naꞌbeꞌBinyamiini, banakuumana i Yerusaleemu. Zâli riiri siku makumi gabiri, zoꞌmwezi gwoꞌmwenda. Abandu booshi banayiguga ha nyumba ya Rurema. Bâli koli shengusiri hiꞌgulu lyaꞌmahube gaabo. Na kwakundi, invula yâli gweti igaatonya.

Hayubu 37:13

Rurema ali mu koleesa ibibungu mu kuhana abandu, na mu kubayereka urukundo lwage.

Zaburi 99:6

Musa na Harooni, bâli riiri mu bagingi baage. Samweri naye, âli mu bandu ábâli kizi mútabaaza. Neꞌkyanya Abahisiraheeri bâli kizi mútabaaza ku malira, anakizi bashuvya.

Kulyoka 14:31

Balya Bahisiraheeri, iri bakabona ngiisi kwo Nahano akakoleesa ubushobozi bwage, mu kubindikira Abamiisiri, banamúyoboha, banamúbiika kwoꞌmulangaaliro. Kiri na Musa, umukozi wage, naye kwakundi, banamúbiika kwoꞌmulangaaliro.

Yoshwa 10:12

Ikyanya Nahano akabiika Abahamoori mu maboko gaꞌBahisiraheeri, Yoshwa anahuuna Nahano imbere lyaꞌBahisiraheeri booshi kwokuno: «E izuuba, uyimange hiꞌgulu lyaꞌBagibyoni. Na naawe e mwezi! Uyimange mu kabanda keꞌHayalooni.»

Yoshwa 4:14

Yulwo lusiku, Nahano akakuza Yoshwa bweneene imbere lyaꞌBahisiraheeri booshi, banakizi músimbaha isiku zaage zooshi, nga ngiisi kwo bâli kizi simbaha Musa.