1 Samweri 1:15 - Kifuliiru

¹⁵ Haana naye, ti: «E waliha, ndalalusiri. Ndaanayo divaayi yo nzi nywa, kandi iri ikindi kilalusa kyoshi. Si ngweti umwizingeerwe bweneene, na ngweti ngayereka Nahano íbigweti bigandibuza mu mutima gwani.

1 Samweri 1:15 ပူးပေါင်းရင်းမြစ်များ

Hayubu 30:16

Amalibu gaani, keera galenga ulugero. Na buno, ngola bu fwa.

Zaburi 143:6

Kwokwo, ndi mu tega amaboko gaani imbere lyawe. Umutima gwani gukoli nyotiirwi, ngiꞌdaho íryabula amiiji.

Zaburi 42:4

Ubushigi niꞌzuuba, imigenge naaho, byo bikola byokulya byani. Ngiisi lusiku bali mu mbuuza: «Ewe! Ulya Rurema wawe, alyagagi hayi?»

Zaburi 62:8

Ubukize bwani noꞌlushaagwa lwani, bilyosiri imwa Rurema. Mukuba, ye gweti úganjuutira, ye na lwala lwani.

Zaburi 62:9

E bandu, mukizi biika umulangaaliro imwa Rurema. Munamúyerekage byoshi íbiri mu mitima yinyu. Mukuba, ye mu tushuutira.

Migani 14:10

Ndaaye úwangamenya ngiisi kwoꞌwabo ali mu lyanirwa. Kiri neꞌkyanya ashambiiri, ndaaye ye bangashambaalira kuguma.

Migani 15:1

Umundu, ikyanya ashuvya ku bwitonde, ali mu hoohya uburaakari. Si ikyanya ashuvya ku bute, ali mu shubi bukayisa.

Migani 25:15

Iri wangaganuuza umutwali ku bwigenderezi, angahanuulwa. Ee! Amagambo malembu, gangayishesheza mwiꞌtwe likayu.

Kimombo 2:19

Ubushigi bwoshi ukizi yama ugweti ugaborooga. Ngiisi byo ubishiri mu mutima gwawe, ubimenyeesagye Nahano. Abaana baawe, bakola mu holera mu ngiisi njira hiꞌgulu liꞌshali. Kwokwo, ukizi golola amaboko mu kumútabaaza.

1 Samweri 1:16

Nie mukozi wawe. Utambaruure nga kafwa-busha ka mukazi. Ku yiki kyanya kyoshi, njuba mu huuna Nahano hiꞌgulu lyoꞌmwizingeerwe gwo mbiiti, bwo ngoli shengusiri.»

1 Samweri 7:6

Ikyanya bakaba keera bakuumana yaho, banavwoma amiiji, banagayona imbere lya Nahano. Ku lwolwo lusiku, banayishalisa, iri banayilega kwokuno: «E Nahano, keera tukakuhubira bweneene.» Haaho i Misipa, Samweri anakizi twa imaaja zaꞌBahisiraheeri.