1 Samweri 1:10 - Kifuliiru

¹⁰ Uyo Haana âli koli jengiirwi bweneene, halinde anakizi huuna Nahano bufufumbwa.

1 Samweri 1:10 ပူးပေါင်းရင်းမြစ်များ

Ndondeko 30:1

Laheeri, iri akabona kwo atabuta na Yakobo, anatondeera ukuyuvwirwa mukulu wage wa Leya uluugi. Kyanatuma agabwira Yakobo: «Ewe! Naani, umbutage kwo. Kútali kwokwo, ngaafwa.»

Ndondeko 50:10

Ikyanya bakalyoka i Miisiri, banahika ha kajabo koꞌlwiji Yorodaani. Na yaho, hâli riiri ikiyeluuliro kyeꞌngano, kyâli kizi buuzibwa Hataadi. Yaho, banajongama, iri banalira ku mwizingeerwe. Yusefu anamala heꞌsiku zirinda, ali mu kigandaaro kya yishe.

2 Samweri 13:36

Mbu ayuse ukudeta kwokwo, yabo baluzi banayingira mu nyumba, banalira bweneene ku kimombo. Mwami naꞌbakozi baage booshi, nabo banagwatwa neꞌkifufu, banalira bweneene.

2 Samweri 17:8

Mwenyene muyiji-yiji kwo Dahudi ali ndwani bweneene. Kiri na bo baliriinwi, nabo ziri zindi ndwani. Buno, bakoli rakiiri nga kishokoma íkyanyagwa abaana baakyo. Neꞌngingwe, uyiji kwo yisho akomiiri izibo bweneene. Atagalaala kuguma naꞌbaabo.

2 Baami 20:3

«E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.

Hayubu 10:1

«Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

Hayubu 7:11

«Ku yukwo, ndangaki hulika. Si ngayerekana naaho ngiisi kwo ngoli shengusiri. Bwoꞌmutima gwani gukoli lyaniirwi, ngagenderera ukuyidodomba.

Hayubu 9:18

Atali mu mbanguula kwo ndee mira amate. Si ali mu ndibuza ngana-ngana!

Zaburi 50:15

Ku kyanya uli mu makuba, undabaaze. Ngakukiza! Naawe unakizi ngingika.»

Zaburi 91:15

Ikyanya agandabaaza, ngamúyitaba. Neꞌkyanya kyaꞌmakuba, tugayamanwa. Ngamúguluula, ninamúgingike.

Migani 14:10

Ndaaye úwangamenya ngiisi kwoꞌwabo ali mu lyanirwa. Kiri neꞌkyanya ashambiiri, ndaaye ye bangashambaalira kuguma.

Hisaaya 38:15

Bikagi byo nangaki deta? Yibyo byoshi, Nahano keera akambwira kwo bigakoleka, keera anabikwiza. Bwoꞌmutima gwani gushuba mu lyanirwa, kyo kitumiri ngakizi ba mutuudu isiku zaani zooshi.

Hisaaya 54:6

Rurema adetaga kwokuno: «Wâli riiri ngoꞌmukazi úkayangwa akiri musore, halikago yiba anayiji múyimula, wanaba ukoli jengiirwi bweneene. Kundu kwokwo, ndi mu shubi kuhamagala.

Yeremiya 13:17

Keera namùkengula. Haliko, iri mutangandwaza, munabe mukiri noꞌbwikangaate, iri ngakizi kungumira i mutima mu kumùlirira. Ikyanya mugatwalwa imbohe, mwe bandu ba Nahano, ngaliruuka ngana, imigenge yani inakereke.

Yeremiya 22:10

E Bayuda! Mwami Yosiya keera akafwa. Aaho! Mutaki múlirire mutanakizi múgandaara. Ho mwangamúlirira, munalirire ulya mwami úkola mu twalwa i mahanga zeene. Mukuba yehe, atâye ki shubi galukira mu kihugo kyabo, mbu akibone.

Kimombo 3:15

Emwe! Agweti agandibuza bweneene, Isiku zaani ziyijwiri amalibu makayu naaho.

Luka 22:44

Yesu, âli koli shengusiri bweneene! Kyanatuma agakaviiriza ukuhuuna Rurema. Ingeeshe yage, yanashusha nga muko, yanakizi toonyera haashi.]

Baheburaniya 5:7

Ikyanya Yesu âli ki riiri hano mu kihugo, âli kizi huuna Rurema kwiꞌzu lihamu. Âli kizi lira, iri anamútakira ku migenge mingi. Mukuba, Rurema, ye wâli shobwiri ukumúkiza mu lufu. Na bwo Yesu âli kizi músimbaha ku butuudu bwoshi, kyanatuma Rurema agayuvwa amahuuno gaage.

Batwi beꞌmaaja 21:2

Ha nyuma, Abahisiraheeri banagenda i Beteeri, banabeera yo imbere lya Rurema, halinde ukuhisa kabigingwe. Bâli gweti bagaalira, iri banabululuka.

Ruuti 1:20

Nahomi anabashuvya: «E maashi, balya! Mutaki shubi mbuuza Nahomi, (kuli kudeta: muhiirwa). Si mukizi mbuuza Mara, (kuli kudeta: bululu). Mukuba, uburambe bwani, Rurema woꞌbushobozi bwoshi, keera akabuhindula bukizi ba bululu bweneene.

1 Samweri 1:11

Ikyanya âli gweti agamúhuuna, anabiika indahiro kwokuno: «E Nahano woꞌbushobozi bwoshi, nie mukozi wawe, ngweti ngalibuuka bweneene. Iri wanganyuvwirwa indengeerwa, utayibagire ukumbeereza umwana woꞌbutabana. Uyo mwana, ngakutangira ye, anakizi kukolera mu burambe bwage bwoshi, atanâye begwe.»

1 Samweri 1:9

Lusiku luguma, bâli riiri yaho i Shiilo, mu nyumba ya Nahano. Neꞌri bakaba keera bayusa ukulya noꞌkunywa, Haana anayimuka. Umugingi Heri, âli bwatiiri ha mulyango gweꞌnyumba.