1 Peturu 5:6 - Kifuliiru

⁶ Kwokwo, mukizi yibiika mwiꞌdako lyoꞌbushobozi bwa Rurema. Ye mwene ubukalage, aganamùkuza ku kyanya íkikwaniini.

1 Peturu 5:6 ပူးပေါင်းရင်းမြစ်များ

1 Baami 21:29

«Ka ubwini ngiisi kwo Ahabu ayibiika haashi imbere lyani? Aaho! Bwo ayibiika haashi, ndagaki leeta yubwo buhanya mu siku zaage. Si ngabuleeta mu siku za mugala wage.»

2 Baami 22:19

Keera ukayuvwa ngiisi kwo nꞌgadaaka kano kaaya, nanadaaka kiri naꞌbatuulaga baamwo, kwo kagashaka. Haaho, umutima gwawe gwanajuguma, wanayibiika haashi imbere lyani. Wanadaatula ibyambalwa byawe, iri unaliruuka imbere lyani. Yibyo byoshi, keera nabiyuvwa.

2 Kutondobola 12:12

Ikyanya Rehobwamu akayibiika haashi, Nahano atanaki múrakarira, atanaki minika Abayuda, bwo Rehobwamu akayemeera kwo ali muhubi. Kwokwo, kwaꞌbandu ba mu kihugo kyeꞌBuyuda bakalonga ubutoge.

2 Kutondobola 30:11

Kundu kwokwo, bandu baguma banayibiika haashi, banayija i Yerusaleemu, kulyoka mu beene Hasheeri, na mu beene Manaasi, na mu beene Zabulooni.

2 Kutondobola 32:26

Uyo Hezekiya, iri akabona kwokwo, anatwikira ku bwikangaate bwage, kuguma naꞌbandu booshi beꞌYerusaleemu. Ku yukwo, ku kyanya kyoshi Hezekiya âli ki riiri ho, Nahano atanaki bahaniiriza ku buraakari bwage.

2 Kutondobola 33:12

Uyo Manaasi, ikyanya âli kola mu malibu, anatakira Rurema Nahamwabo, kwo amúkejeerere, anayibiika haashi bweneene imbere lya Rurema wa bashokuluza baage.

2 Kutondobola 33:19

Yibyo byoshi, biri biyandike mu Bitaabo byaꞌBanamabone. Kuli kudeta ngiisi kwo akatabaaza Rurema, na ngiisi kwo Rurema akamúyuvwa. Bidesiri na hiꞌgulu lyeꞌbyaha byage byoshi, na ngiisi kwo akahuna imbere lya Rurema. Bidesiri na ngiisi kwo akayubaka imbeero mu marango, na ngiisi kwo âli kizi tereka inguliro zoꞌmuzimu Hasheera, kuguma neꞌgindi migisi. Yibyo byoshi, bikakoleka ku kyanya atâli zaazi yibiika haashi imbere lya Nahano.

2 Kutondobola 33:23

Haliko yehe, ikyanya Nahano akamúhana, atanayibiika haashi imbere lyage, nga kwo yishe Manaasi akagira. Si anakaviiriza ukukizi huba naaho.

2 Kutondobola 36:12

Uyo Zedekiya anakizi gira amabi imbere lya Nahano Rurema wage. Na kundu umuleevi Yeremiya âli kizi múmenyeesa amagambo ga Nahano, haliko atakayibiika haashi imbere lyage.

Hayubu 36:22

«Kengeera kwo Rurema ye mwene ubushobozi bwoshi. Ndaanaye gundi mwigiriza ye uhiiti.

Zaburi 75:10

Haliko niehe, ngakizi yimba inyimbo zoꞌkuyivuga Rurema wa Yakobo, na ngizi múshambaalira imyaka neꞌmyakuula.

Zaburi 89:13

We kabumba uluhande lweꞌmbembe, kiri na lweꞌkisaka. Imigazi yeꞌTaboori na yeꞌHerimooni, igweti igakuyimbira ku bushambaale.

Kulyoka 10:3

Kwokwo, Musa na Harooni banagenda imwa Faraho, banamúbwira: «E mwami, Nahano Rurema waꞌBaheburaniya, akyula kwokuno: “Ugaahisa halinde mangoki, ugweti ugalahira ukuyibiika haashi imbere lyani? Uleke abandu baani bagendage, gira bagendi nyikumba.

Kulyoka 3:19

«Uyo mwami weꞌMiisiri, nyiji kwo atagamùhanguula kwo mugende, índazi múlambuulira kwoꞌkuboko kwani kwoꞌbushobozi.

Kulyoka 32:11

Ulya Musa, kundu Nahano Rurema wage akadeta kwokwo, haliko anamúyinginga kwo aholeere, anadeta: «E Nahamwitu, yaba bandu baawe, si wenyene we kabalyosa i Miisiri ku bukalage bwawe, mu kati koꞌbushobozi bwingi. Aaho! Kituma kiki ukoli gweti ugabarakarira?

Migani 29:23

Ikyanya umundu ali mu yikangaata, ali mu tindimazibwa. Si ngiisi úli mu yibiika haashi yehe, bali mu múgingika.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 40:4

Ngiisi kabanda kakizi fulirwa. Na ngiisi mugazi, na ngiisi higangazi, bikizi shaabulwa. Injira zeꞌngofola, zigololwe. Na ngiisi áhali ibihomogolo, hasimaanibwe.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Yeremiya 13:18

«Mubwire mwami noꞌmugoli nyina kwokuno: “Zirya njembe ziinyu, kundu zishubi limbiri, halikago keera zikatibuka. Ku yukwo, mulyokage ku bitumbi biinyu.

Yeremiya 44:10

Kiri na zeene, mu Bayuda ndaaye úgweti úgayibiika haashi. Batali mu nzimbaha, batanali mu kulikira amigirizo gaani. Si imaaja zo nâli heziizi bashokuluza baabo batazitwaziizi!”

Hezekyeri 17:21

Kundu ali neꞌbihagange byaꞌbasirikaani, bagayitwa ku ngooti. Na ábagafuushuka, bagashabukira imbande zooshi. Kwokwo, lyo mugaamenya kwo nie Nahano, nie wadeta.”

Hezekyeri 21:6

Nahano anashubi mbwiraga kwokuno:

Danyeri 5:22

«E Berishaaza, bwo ulyagagi mugala wage, yibi byoshi, ubiyiji-yiji. Kundu kwokwo, utakayibiika haashi.

Balaawi 26:41

Hali ikyanya bagasobanukirwa na íbikatuma nꞌgabayihindulira, na mbahise i mahanga mu kihugo kyaꞌbagoma baabo. Banabe bakoli yibiisiri haashi imbere lyani, banayemeere kwo bakambubira.

Mika 6:8

E mundu! Si keera Nahano akubwira ngiisi íbiri biija, na ngiisi byo akuloziizi kwo. Aloziizi ukizi girirana íbikwaniini, unabaagage ukuuziri ukukejererana, unakizi yerekana ubutuudu imbere lyage.

Mataayo 23:12

Mukuba, umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.

Luka 1:52

Kundu abatwali bagweti bagatwala ku bushobozi bwingi, ali mu batungulula ku bitumbi byabo. Haliko abatuudu, boohe, keera akabakuza.

Luka 14:11

Ee! Umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.»

Luka 18:14

Yesu anashubi deta: «Namùbwiraga kwoꞌlya mubuguza, ikyanya akataahira i kaaya, ye kagaluka akoli kwaniini imbere lya Rurema. Si uwabo, nanga! Kwokwo, iri umundu angaba agweti agayikuza, agabiikwa haashi. Haliko, iri angayibiika haashi, lyoki lyo agakuzibwa.»

Barumi 5:6

Yaho keera, twâli ki tuuziri buzira Rurema, na buzira ubulyo bwo twangayitabaala mwo. Haaho, Kirisito anayiji tufwira, ku kyanya íkikwaniini.

1 Bakorindo 10:22

Ka tuloziizi ukuteera Nahano uluugi? Kandi iri, ka mutoniri kwo twe tuhiiti imisi ukumúhima?

Bukengeeze 32:35

Ndoziizi ukuyihoola, na mbaheereze ngiisi íbibakwaniini. Ulusiku lwo bagashereezibwa kwo, lukola hoofi. Bagayami teerwa noꞌbuhanya kinaliguma.”

1 Timoteyo 2:6

Yesu akayitanga ayitwe, gira aguluule abandu booshi. Kwokwo, ku kyanya íkikwaniini, Rurema akayerekana ngiisi kwo âli tushungikiiri.

Tiito 1:3

Rurema, ikyanya kyo akashungika, iri kikahikaga, akanzikiiriza Igambo lyage, mbu ngendi limenyeesa mu bandu. Rurema Lukiza witu, yenyene ye kakyula kwo bibe kwokwo.

Yakobo 4:10

Mukizi yibiika haashi imbere lya Nahano, lyo naye amùkuza.

Yakobo 4:7

Ku yukwo, mukizi yibiika haashi imbere lya Rurema. Haliko Shetaani, mukizi múhaga, lyo amùtibita.

Yakobo 5:10

E beene witu, mulolere umugani ku baleevi, ngiisi kwo bâli kizi deta kwiꞌziina lya Nahano. Kundu bakalonga amalibu, haliko bâli kizi gagooyera mwo.