1 Peturu 2:4 - Kifuliiru

⁴ Muyegeerage Nahano, bwo yiꞌbuye ligumaana. Kundu abandu bakamúlahira, haliko Rurema keera akamútoola kwo ye riiri naꞌkamaro.

1 Peturu 2:4 ပူးပေါင်းရင်းမြစ်များ

Hisaaya 28:16

Si Nahano Rurema adetaga kwokuno: «Lolagi! Mu kaaya keꞌSayuni, keera nabiika mwiꞌbuye. Yiryo ibuye, keera likagezibwa, linali liꞌbuye lyoꞌkusikamya akagongo koꞌlutaliro. Umundu, iri angalibiika kwoꞌmulangaaliro, atagaki shenguka.

Hisaaya 42:1

Lolagi! Uyu, keera nꞌgamútoola, anali ye mukozi wani. Keera nꞌgamúkania umutima, ananzimisiizi bweneene. Ngamúbiika mwoꞌmutima gwani, gira amenyeese ibinyamahanga ngiisi íbikwaniini imbere lyani.

Hisaaya 55:3

Munyegeere, munanyuvwirize! Ee! Mundegage amatwiri, lyo mulonga ukulama. Nâli mali lagaania Dahudi, kwo ngamúgashaanira. Kwokwo na naawe, tukola tuganywana ikihango kyeꞌmyakuula.

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Danyeri 2:34

«E mwami, ku kyanya wâli gweti ugalangiiza, ibuye lyanayikuula lyonyene, buzira mundu woꞌkulihuma kwo. Yiryo ibuye lyanayiji yitimba ku magulu ga yugwo mugisi, kwo gukatulwa mu byuma na mwiꞌbumba. Yago magulu ganavunguka-vunguka.

Danyeri 2:45

«E mwami, ukayibonera ibuye írikakuulika ku mugazi, si ndaaye mundu úkalihuma kwo. Yiryo ibuye, lyo likahooja-hooja gulya mugisi úgukagirwa mu byuma, na mu miringa, na mwiꞌbumba, na mu harija, na mu nooro. Rurema úli hiꞌgulu lya byoshi, ye kakuyereka íbyâye koleke mu siku ízâye yije. Kwokwo ngana, yibi birooto biri byoꞌkuli, wanganayemeera umugeeza gwabyo.»

Zakariya 3:9

Lolagi! Yiri ibuye írikeyengiini, ngweti ngalibiika imbere lya Yoshwa. Kundu liri liguma naaho, halikago liri mweꞌmbande zirinda ízikeyengiini. Yiryo ibuye, ngola ngalihokoorora kwaꞌmandiko. Na kwakundi, ku lusiku luguma naaho, ngayami shaaza ibyaha íbiri mu yulubaza kino kihugo. Kwokwo, kwo ndesiri, nie Nahano woꞌbushobozi bwoshi!

Zakariya 4:7

Kiri na nangungubanga woꞌmugazi, gutagakuhangirira. Si ugagushaabula! Neꞌkyanya ugabiika ibuye lyeꞌmbeka mu nyumba ya Rurema, abandu bagakizi deta kiranga, ti: “Ibuyahiri! Ibuyahiri!”»

Mataayo 11:28

«Muyijage imwani mweshi, mwe mukoli zidohiirwi, munakoli luhiri! Naani ngamùluhuula.

Mataayo 12:18

«Lolagi! Uyu, keera nꞌgamútoola, anali ye mukozi wani mukundwa! Agweti aganzimiisa bweneene! Ngamúbiika mwoꞌmutima gwani, halinde amenyeese ibinyamahanga ngiisi íbikwaniini imbere lyani.

Mataayo 21:42

Yesu anashubi babwira: «Ka mutazindi soma mu Mandiko Meeru, áhayandisirwi kwokuno: “Ibuye lyaꞌbuubasi bakalahira, lyeryo lyo ligweti ligakania akagongo koꞌlutaliro. Nahano, ye kagira kwokwo, kunali kwaꞌkahebuuza imwitu!”

Yohana 14:19

Ha nyuma hiniini, ábali mu kihugo batagaki mbona. Haliko mwehe, mugakizi mbona. Na bwo ndi mulamu, kyo kitumiri na niinyu mugaalama.

Yohana 14:6

Yesu anamúshuvya: «Niehe nie njira, na ndi nie kuli, na ndi nie bulamu. Ndaaye mundu úwangayija imwa Daata, kútali ku njira yani.

Yohana 5:26

«Nga kwo Yishe ye shyoko yoꞌbulamu, kwo akanagira Umwana wage naye, abe shyoko yabwo.

Yohana 5:40

Kundu kwokwo, mutaloziizi ukunyijira, mbu mukalonge ukulama.

Yohana 6:37

Kundu kwokwo, ngiisi bo Daata agweti agambeereza, bali mu nyijira. Na naani, ndagabakumuula, kiri neꞌhiniini!

Yohana 6:57

«Daata úmulamu, ye kanduma! Anali ye tumiri ndamiri. Kwo na kwokwo, iri umundu angaba agweti agaalya ku magala gaani, yoyo ye gaalama hiꞌgulu lyani.

Barumi 5:10

Ee! Ikyanya twâli ki riiri bagoma ba Rurema, tukanywaniisibwa na Rurema ku njira yoꞌlufu lwoꞌMwana wage. Aaho! Ka itali yo haahe kwo tugakizibwa, bwoꞌyo Mwana wage akola mugumaana!

1 Bakorindo 3:11

Mukuba, yulwo lutaliro, keera lukagwanwa lwabiikwa, anali ye Yesu Kirisito yenyene. Ndaanaye mundu úwangahasha ukuluyubakira kwoꞌlundi.

Bakolosaayi 3:4

Kirisito ye kolaga bugumaana bwinyu. Neꞌkyanya agaboneka, lyo na niinyu mugaboneka mwe naye, mu bulangashane bwage.

1 Peturu 1:19

Si mukaguluulwa ku muko gwa Kirisito. Gunali neꞌkishingo bweneene. Mukuba, ye kyanabuzi íkizira kashembo kooshi, kandi iri bulema bwoshi.

1 Peturu 1:7

Akalimbi ka yago magezo, kuli kuyerekana ku kasiisa kwoꞌbwemeere bwinyu buli bwoꞌkuli. Kiri neꞌnooro, iri mu gezibwa ku njira yoꞌkukalangwa, inali ya kulenga naaho. Noꞌbwemeere bwinyu, bwo bulyagagi naꞌkamaro bweneene ukuhima inooro. Kyo kitumiri mugahuuzibwa ku kyanya Yesu agagaluka. Munalonge noꞌbulangashane noꞌlushaagwa.

1 Peturu 2:7

Imwinyu mwe mukola noꞌbwemeere, yiri ibuye liri lyaꞌkamaro bweneene. Haliko imwa ngiisi ábatayemiiri, «Ibuye, kundu likalahirwa naꞌbuubasi, lyeryo lyo ligweti ligakania akagongo koꞌlutaliro.»

2 Peturu 1:1

Yaga maruba, galyoka imwani, nie Simooni Peturu. Ndi mukozi wa Yesu Kirisito, na ndi ndumwa yage. Gatumwa imwinyu, mwe mukalonga ubwemeere úbuli neꞌkishingo kihamu nga bweꞌmwitu. Mukuba, Rurema witu, kuguma na Lukiza witu Yesu Kirisito, bali mu gira íbikwaniini.

2 Peturu 1:4

Mu kati ka yibyo, Rurema akatulagaania imihango miija ya kahebuuza. Kwokwo, kundu kino kihugo kikoli sherebiiri hiꞌgulu lyaꞌmifwije mabi, haliko twehe keera tukalonga ubulyo bwoꞌkukifuushuka mwo. Tunakoli tuuziri mu kati ka Rurema, iri tunamúshusha nga ngiisi kwo ali.