1 Peturu 2:10 - Kifuliiru

¹⁰ Yaho keera, mutâli riiri bandu baage. Haliko buno, mukolaga beꞌmwage. Na kundu mutâli kizi bonerwa ulukogo, haliko mukoli luboniirwi.

1 Peturu 2:10 ပူးပေါင်းရင်းမြစ်များ

2 Samweri 7:24

«Haliko balya Bahisiraheeri boohe, wanabasikamya, halinde babe bandu baawe imyaka neꞌmyakuula. E Nahano, we kaba Rurema wabo.

Hosheya 2:23

Nahano agweti agaadeta na kwokuno: «Ku yulwo lusiku, ikyanya mugandabaaza, ngamùyitaba. Ngaganuuza igulu, linashuvye mu kumùlungikira invula.

Barumi 10:19

Nabuuzagya kandi: Balya Bahisiraheeri, ka batakasobanukirwa? Tutee lola ku magambo go Musa akadeta, kwokuno: «Ngakoleesa abandu ábatali ba mu mulala nirizina, banabe ndaabyo bayiji, gira lyo nimùvyule mwoꞌluugi, munayagalwe.»

Barumi 11:30

Na mwe mutali Bayahudi, yaho keera mutâli kizi simbaha Rurema. Haliko buno, bwaꞌBayahudi batamúsimbahiri, kyo kitumiri mwe mukalonga ukubonerwa ulukogo.

1 Bakorindo 7:25

Neꞌmwa ábatazi yangwa, ndaalwo lubaaja lwo Nahano ambiiri hiꞌgulu lyabo. Kundu kwokwo, ngola ngamùbwira ngiisi kwo mbwini. Na ngwaniini ukuyemeerwa, bwo Nahano angashaniiri.

1 Timoteyo 1:13

Kundu ubwa mbere nâli kizi mútuka, nanâli kizi libuza abandu baage mu kukizi bakayira, haliko Rurema akangejeerera. Ikyanya nꞌgagiraga kwokwo, ndâli biyiji, bwo ndâli zaazi yemeera Yesu.

Baheburaniya 4:16

Ku yukwo, tukizi yegeera ikitumbi kya Rurema buzira kyoba! Mukuba, haaho ho tuli mu gashaanirwa. Ho tunali mu bonerwa ulukogo. Neꞌkyanya tuli mu ba tugoozirwi, anatutabaale, mu kutugashaanira.