1 Kutondobola 28:4 - Kifuliiru

⁴ «Kundu kwokwo, Nahano, Rurema waꞌBahisiraheeri, akandoola mu mbaga ya daata, ananyimika mbe mwami waꞌBahisiraheeri, halinde imyaka neꞌmyakuula. Na mu milala yoshi yaꞌBahisiraheeri, anatoola umulala gwaꞌBayuda, gira gukizi twala. Na mu mulala gwaꞌBayuda, anatoola imbaga ya daata. Na mu bagala daata, akasiima kwo mbe nie mwami waꞌBahisiraheeri booshi.

1 Kutondobola 28:4 ပူးပေါင်းရင်းမြစ်များ

2 Samweri 5:3

Kwokwo, ikyanya abashaaja baꞌBahisiraheeri bakayijiraga mwami Dahudi yaho i Heburooni, yabo booshi bananywana ikihango imbere lya Nahano, banamúyimika, abe mwami waꞌBahisiraheeri.

1 Kutondobola 17:23

«E Nahano, ndi mukozi wawe. Igambo lyo wadeta hiꞌgulu lyani, kiri na hiꞌgulu lyeꞌmbaga yani, ulisikamye halinde imyaka neꞌmyakuula.

1 Kutondobola 17:27

Buno ukoli siimiri ukukizi gashaanira abandu ba mu kibusi kyani, gira bayame bali mu genderera imbere lyawe imyaka neꞌmyakuula. Ee! Iri wangaba keera wagashaanira, imigashani yawe iri mu yama ho.»

1 Kutondobola 5:2

Umulala gwaꞌBayuda, gwo gukayiji himba ukuhima iyabo milala. Na mu kati kaabo, mwo mukalyoka umutwali. Kundu kwokwo, ubuhyane bweꞌfula, bwâli haabirwi Yusefu.

2 Kutondobola 6:6

«“Si keera nꞌgatoola akaaya keꞌYerusaleemu, kabe ko ngakizi yikumbirwa mwo. Nanatoola na Dahudi, gira akizi twala abandu baani, Abahisiraheeri.”»

Zaburi 108:8

Rurema, kwo atuuziri mu nyumba yage, adetaga kwokuno: «Ikyanya ngaaba keera nahima, ngagaba akaaya keꞌShekemu bihande-bihande. Ngabunduula neꞌndekeera yeꞌSukooti mituli-mituli.

Zaburi 18:19

Yewe! Kundu nâli kolaga mu malibu, haliko banandeera. Kundu kwokwo, Nahano ananjuutira,

Zaburi 60:7

E Rurema, utukize ku bushobozi bwawe. Ee! Bwo utukuuziri, utukizagye.

Zaburi 89:4

Nahano akadeta, ti: «Keera nꞌganywana ikihango na Dahudi, umutoolwa wani, na ngoli múbiikiiri indahiro kwokuno:

1 Samweri 16:1

Nahano anabwira Samweri: «Ugayama ugweti ugajengeerwa hiꞌgulu lya Sahuli, halinde mangoki? Keera nꞌgamúlahira kwo atagaki ba mwami waꞌBahisiraheeri. Uyijuze injebe yawe amavuta, unagitwale imunda ngakutuma, mu kaaya keꞌBetereheemu, imwa Yese. Mu bagala baage, keera natoola mwo muguma wabo, kwo ye gaaba mwami.»

1 Samweri 26:1

Lusiku luguma, bashosi baguma beꞌZiifu, banagenda imunda Sahuli, mu kaaya keꞌGibeya, banamúbwira: «Dahudi ashubi yibishiri ku mugazi gweꞌHakila, úguli mu lola i Yeshimo.»