1 Kutondobola 17:21 - Kifuliiru

²¹ Mu kihugo kyoshi, banyandi ábali nga bandu baawe Abahisiraheeri? Si keera ukatuguluula mu buja i Miisiri, gira tukizi ba bandu baawe! Neꞌkyanya ukatuguluula mu Bamiisiri, wanakizi gira ibitangaaza, mu kutuyimulira igindi milala. Kwokwo, kwo ukayisimbahiisa.

1 Kutondobola 17:21 ပူးပေါင်းရင်းမြစ်များ

1 Kutondobola 17:20

«E Nahano, ndaaye úwangakuyigera. Ndaanaye gundi Rurema úli ho, útali wenyene. Yaga gooshi, keera tukagayiyuvwirwa.

1 Kutondobola 17:22

Yabo Bahisiraheeri, wanabagira babe bandu baawe imyaka neꞌmyakuula. Na naawe, e Nahano, wanaba Rurema wabo.

Nehemiya 9:10

Wâli yiji-yiji ngiisi kwaꞌBamiisiri bagweti bagabalibuza. Kyanatuma ugakizi gira ibisoomeza neꞌbitangaaza, imbere lya Faraho weꞌMiisiri, neꞌmbere lyaꞌbakozi baage booshi, neꞌmbere lyaꞌbandu booshi ba mu kihugo kyage. Kwokwo, kwo ukagingika iziina lyawe, linaki gingisirwi halinde zeene.

Zaburi 107:2

Bwo Nahano keera akamùguluula, mukizi bwira abandi. Mubabwire ngiisi kwo agweti agamùkiza mu bagoma biinyu.

Zaburi 111:9

Akaguluula abandu baage, ananywana ikihango bo nabo, kinayamiri ho, halinde imyaka neꞌmyakuula. Iziina lyage, liri litaluule, linali lya kahebuuza.

Zaburi 147:20

Yibyo byoshi, atakabimenyeesa mu bandu beꞌgindi milala. Si boohe, batayiji imaaja zaage! Tukizi huuza Nahano!

Zaburi 65:5

Bahiriirwi ngiisi bo ukatoola, kwo bayiji tuula mu nyumba yawe ndaluule. Mwomwo, mwo tugakizi gashaanirwa.

Zaburi 77:15

E Rurema, we mu kizi gira ibisoomeza. We nali mu kizi yereka ibinyamahanga ubushobozi bwawe.

Kulyoka 6:6

«Ku yukwo, ubwirage Abahisiraheeri kwokuno: “Niehe, nie Nahano! Ngamùlyosa mu buja bwaꞌBamiisiri, mutaganaki bakolera. Ngamùguluula noꞌkuboko kwani kwoꞌbushobozi. Neꞌkyanya ngakizi bahana, ngakizi bagira mweꞌbitangaaza bya kahebuuza.

Hisaaya 48:9

Kundu ngwasirwi noꞌbute, ngatee buhoohya. Ngweti ngamùnogera, ndayami mùminika, gira lyaꞌbandu balonga ukunyivuga.

Hisaaya 63:12

Anali ye wâli kizi rongoora Musa, ku bushobozi bwage bwaꞌkahebuuza, anabera inyaaja imbere lyabo, halinde iziina lyage lyanalumbuuka imyaka neꞌmyakuula.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Hisaaya 64:3

Ukulyokera keera, ndaaye mundu úkayuvwa kwo hali ugundi Rurema úli nga we. Kiri noꞌkubona, ndaaye úkabona ugundi. Mukuba, ikyanya abandu bali mu ba bakulangaliiri, uli mu batabaala ngana.

Yeremiya 32:21

Balya bandu baawe, ukabalyosa i Miisiri ku bushobozi bweneene, ku njira yeꞌkitangaaza. Haliko, balya Bamiisiri boohe, ukabahuumira ngana-ngana!

Bukengeeze 15:15

Mukengeere kwo niinyu mwâli riiri baja iriira munda i Miisiri, na Nahano akamùguluula. Kyo kitumiri zeene, namùkomeereza luno lubaaja.

Bukengeeze 4:7

«Ngiisi kyanya tuli mu tabaaza Nahano, Rurema witu, ku kasiisa ali mu tuyegeera. Aaho! Mu milala íhimbiri, ka hali ugundi mulala, gwo ye bali mu yikumba abayegiiri? Aahabi!

Tiito 2:14

Yesu ye kayitangaga ayitwe hiꞌgulu liitu, gira atuguluule mu mabi gooshi. Kwokwo, lyo tuyeruusibwa, tunabe bandu baage ba yenyene, tunabe tufitiirwi mu kugira ngiisi miija.

Yoshwa 10:42

Akabahima booshi, kuguma naꞌbaami baabo. Ku kyekyo kyanya kiguma, anabanyaga ibihugo byabo. Mukuba, Nahano Rurema waꞌBahisiraheeri, ye wâli kizi balwira.