1 Kutondobola 16:9 - Kifuliiru

⁹ Mukizi múyimbira! Mukizi múyimbira inyimbo zoꞌbwivuge. Ibitangaaza byage, mukizi bimenyeesania.

1 Kutondobola 16:9 ပူးပေါင်းရင်းမြစ်များ

1 Kutondobola 16:10

Mukizi huuza iziina lyage, kwo liri lyeru. Ngiisi ábali mu yikumba Nahano, mukizi shambaala.

1 Kutondobola 16:24

Mukizi menyeesa ubulangashane bwage mu binyamahanga. Mumenyeese abandu booshi imikolezi yage ya kahebuuza.

1 Kutondobola 16:8

Mukizi tanga kongwa imwa Nahano, munakizi menyeesania ngiisi kwo ali mukulu. Ngiisi byo âli kizi kola, mukizi bimenyeesa mu binyamahanga byoshi.

Hayubu 36:24

«Kwokwo, ukizi kengeera ukumúhuuza hiꞌgulu lyeꞌmikolezi yage, unakizi múyimbira inyimbo zoꞌbwivuge.

Zaburi 145:12

Kwokwo, lyaꞌbandu booshi bagaamenya ibitangaaza byawe bya kahebuuza, na ngiisi kwo ugingisirwi mu bwami bwawe.

Zaburi 40:10

E Nahano, ngiisi íbikwaniini, ndi mu bimenyeesa mu mihumaanano mihamu yaꞌbandu baawe. Ndanâye hulike, nga kwo uyiji bwija.

Zaburi 71:17

E Rurema, wâli kizi nyigiriza ukulyokera ubusore bwani. Halinde na zeene, ngakizi menyeesa imikolezi yawe ya kahebuuza.

Malaki 3:16

Haaho, ngiisi ábâli ki simbahiri Nahano, banaganuuzania, anakizi bayuvwiriza. Kwokwo, banayandikaga amaziina ga ábamúyiji, na ábamúsimbahiri. Yago maziina, banagatondobola mu kitaabo imbere lyage.

Mataayo 26:30

Haaho, banayimba ulwimbo lwoꞌkuyivuga Rurema. Neꞌri bakalyoka yaho, banagenda ku Mugazi gweꞌMizehituuni.

Bahefeso 5:19

Mukizi yimbirana inyimbo zeꞌZaburi, neꞌzindi nyimbo zoꞌkuyikumba Nahano, íziri mu leetwa noꞌMutima Mweru. Mukizi yimba imbere lya Nahano ku mitima íshenguusiri!

Bakolosaayi 3:16

Naꞌmagambo ga Kirisito, gakizi mùyama mwo. Mukizi yigirizania noꞌkuhanuulana ku bwitegeereze bwoshi. Munakizi yimba inyimbo zeꞌZaburi, neꞌzindi nyimbo zoꞌkuyikumba Rurema, nga kwo ziri mu leetwa noꞌMutima Mweru. Munakizi mútangira kongwa mu mitima yinyu.

Yakobo 5:13

Mu kati kiinyu, ka muli umundu úgweti úgalibuuka? Uyo, akwiriiri atabaaze Rurema! Ka muli na úshambiiri? Uyo naye, ayimbe inyimbo zoꞌbwivuge.