1 Kutondobola 16:32 - Kifuliiru

³² Inyaaja ibindule, na byoshi íbiri mwo. Imbingiro na ngiisi íbiziri mwo, nazo zikizi shambaala.

1 Kutondobola 16:32 ပူးပေါင်းရင်းမြစ်များ

1 Kutondobola 16:33

Kiri neꞌbiti byeꞌrubako bikizi yimba, ku bushambaale imbere lya Nahano. Mukuba, ye gayiji twa imaaja zaꞌbandu booshi mu kihugo.

Zaburi 69:35

Igulu neꞌkihugo bikizi yivuga Rurema, kuguma neꞌnyaaja, na íbiziri mwo byoshi.

Zaburi 93:4

Kundu biri mu kungulaga, haliko, ubushobozi bwawe, bwo bubihimiri. Ee! Buhimiri imisi yeꞌyo midunda. Mukuba, ubutwali bwawe, buli hiꞌgulu lya byoshi.

Zaburi 96:11

Igulu, likizi shagaluka. Neꞌkihugo, kikizi shambaala. Kiri neꞌnyaaja ibindule, na byoshi íbiri mwo.

Hisaaya 42:10

Mukizi yimbiraga Nahano ulwimbo luhyahya! Mukizi múyimbira lwo, hooshi mu kihugo. Mukizi múyimbira, mwe muli mu balama mu nyaaja, na mwe biremwa íbiziri mwo. Mukizi múyimbira, mwe bandu ábatuuziri mu mbeka zeꞌkihugo.

Hisaaya 44:23

Ewe igulu! Uyimbage ku bushambaale. Si Nahano keera akakola bweneene! E kihugo, ukizi banda akabuuli, awi yiyi yiyi! Na niinyu mwe migazi! Muyitulikanie mu kuyimba, kuguma neꞌmbako, neꞌbiti byayo byoshi. Nahano keera akaguluula Abahisiraheeri, beene Yakobo, anabayereka ubulangashane bwage.