1 Kutondobola 16:24 - Kifuliiru

²⁴ Mukizi menyeesa ubulangashane bwage mu binyamahanga. Mumenyeese abandu booshi imikolezi yage ya kahebuuza.

1 Kutondobola 16:24 ပူးပေါင်းရင်းမြစ်များ

2 Baami 19:19

«E maashi Rurema, Nahamwitu, buno, utukizagye mu maboko ga Senakeribu, gira abandu baꞌmaami gooshi bamenye bwija kwo wenyene naaho we riiri ho. Bamenyage kwo we Nahano Rurema.»

1 Kutondobola 16:23

Mwe bandu baꞌmahanga gooshi! Mukizi yimbira Nahano. Mukizi menyeesa ngiisi lusiku ngiisi kwo agweti agaakiza.

1 Kutondobola 16:25

Nahano ye mukulu. Ye na kwaniini ukuyivugwa. Ee! Ye kwaniini ukugingikwa, ukuhima abandi ábali mu yikumbwa booshi.

1 Kutondobola 16:9

Mukizi múyimbira! Mukizi múyimbira inyimbo zoꞌbwivuge. Ibitangaaza byage, mukizi bimenyeesania.

Zaburi 22:27

Abakeni bagayiji lya, banayigute. Kwokwo, ngiisi ábagweti bagalooza Nahano, bagakizi múyivuga, banalonge ukulama imyaka neꞌmyakuula.

Zaburi 26:7

Ngweti ngamenyeesa abandu ngiisi kwo ukwaniini ukuyivugwa. Na ngizi baganuulira ngiisi kwo uli mu kola ku njira ya kahebuuza.

Hisaaya 66:19

Baguma baabo, ngabagira mweꞌkisoomeza. Na ngiisi ábagaaba basigiiri, ngabatwala zibe ndumwa mu binyamahanga. Ngaatuma baguma i Tarasisi, naꞌbandi i Puuti, naꞌbandi i Luudi, heꞌbikalage biri mu fwora imiheto. Abandi banagende i Tubaali, naꞌbandi i Bugiriki, naꞌbandi mu gandi mahanga. Mukuba, iyo munda, abandu batazindi yuvwa imyazi yani, kandi iri ukubona ibitangaaza byani. Kwokwo, bagakizi gendi yereka ibinyamahanga ubulangashane bwani.