1 Kutondobola 15:24 - Kifuliiru

²⁴ Banatoola abagingi boꞌkukizi dihiriza ibibuga imbere lyaꞌKajumba ka Rurema. Bo baaba: Shebanya, na Yoshafaati, na Netaneeri, na Hamasaayi, na Zakariya, na Benaya, na Heryezeeri. Hobedi-Hedoomu, na Yehiya, nabo bâli kizi langa Akajumba keꞌKihango.

1 Kutondobola 15:24 ပူးပေါင်းရင်းမြစ်များ

2 Samweri 6:10

Kyanatuma agayoboha ukukatwala mu Kaaya ka Dahudi. Si anakasiga mu nyumba ya Hobedi-Hedoomu, Umugaati.

1 Kutondobola 15:18

Banatoola na beene wabo kwo babe balaazi beꞌnyiivi. Bo baaba: Zakariya, na Yazyeri, na Shemiramoti, na Yehyeri, na Huuni, na Heryabu, na Benaya, na Maseya, na Matitiya, na Heriferehu, na Mikineya. Banatoola na Hobedi-Hedoomu na Yehiyeri.

1 Kutondobola 15:23

Bâli biisiri Berekiya na Herikana kwo bo bagakizi langa Akajumba keꞌKihango.

1 Kutondobola 15:28

Kalya Kajumba, balya Bahisiraheeri booshi banakaherekeza halinde i Yerusaleemu. Bâli geeziri ku kisegengo, iri banabanda akabuuli noꞌkudihiriza ibibuga, naꞌmahembe geꞌbibuzi. Bâli gweti bagaalasa neꞌsembaale, neꞌbinanda, neꞌnzeeze.

1 Kutondobola 16:6

Abagingi Benaya na Yahazyeri, banatoolwa kwo bo bakizi dihiriza ibibuga imbere lyaꞌKajumba keꞌKihango.

1 Kutondobola 26:4

Hobedi-Hedoomu naye anagashaanirwa na Rurema, anabuta abagala munaana. Ifula yage ye wâli Shemaya. Noꞌwa kabiri, ye Yehozabadi. Noꞌwa kashatu, ye Yoha. Noꞌwa kana, ye Sakaari. Noꞌwa kataanu, ye Netaneeri.

Zaburi 81:13

Ku yukwo, nanabaleka bagenderere ukuyumya imitima yabo, bakizi gira nga ngiisi kwo baloziizi.

Hisaaya 27:13

Ku yulwo lusiku, ikibuga kihamu kigadihirizibwa. Mu kati kaꞌBahisiraheeri, baguma bagaaba bagwasirwi imbohe mu kihugo kyeꞌHasuriya, na mu kyeꞌMiisiri. Balya booshi, bagagalulirwa i Yerusaleemu, gira bagendi yikumba Nahano ku mugazi gwage mutaluule.

Yuheeri 2:1

Mulasagye ikibuga mu kaaya keꞌSayuni! Mubandire akashiba ku mugazi gwani mutaluule, gira abandu bayiji lwa. E batuulaga beꞌBuyuda, mujugume mweshi! Mukuba, ulusiku lwo Nahano agayiji twa kweꞌmaaja, lukola lugaahika.

Yuheeri 2:15

Mulase ikibuga mu kaaya keꞌSayuni. Mumenyeese ikyanya kyoꞌkuyishalisa. Mulaalike abandu booshi, bakuumane kuguma.

Muharuuro 10:8

«Yibyo bibuga, bagala Harooni naaho (kuli kudeta: abagingi), bo bakwaniini ukukizi bidihiriza. Yulu lubaaja, lugayama ho, mu bibusi biinyu byoshi.