1 Bakorindo 7:29 - Kifuliiru

²⁹ E beene witu! Byo ndoziizi ukudeta, kweꞌkyanya íkikoli sigiiri, kikola kiniini. Ukulyokera buno, iri abandu bangaba bakoli yaziri, bakwiriiri bakizi ba nga batayaziri.

1 Bakorindo 7:29 ပူးပေါင်းရင်းမြစ်များ

2 Samweri 19:34

Kwokwo, mwami anamúbwira: «E Barizilaayi, tugendanwe i Yerusaleemu, gira ngizi kutabaala.»

Mwigiriza 6:12

Abandu, isiku zaabo mu kihugo, ziri niini, zitanali naꞌkamaro. Zigweti zigalenga duba, nga kimbehwa. Aahago! Ikyanya bali mu ba bakiri ho, nyandagi uyiji byo bakwaniini ukugira? Neꞌkyanya bagaaba batakiri ho, nyandi úyiji íbigakoleka?

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Hezekyeri 7:12

Ikyanya keera kyahikaga! Ee! Lulya lusiku lukoli yegiiri. Umuguzi, mutamúleke mbu ashambaale. Umudandaza naye, atakwaniini ajengeerwe. Si yabo booshi, uburaakari bwani bugabatibukira kwo.

Luka 14:20

«Ugundi naye, ti: “Keera nahisa umukazi, bitagananzigira kwo nimúsige.”

1 Bakorindo 7:28

Kundu kwokwo, iri wangayanga umukazi, ndaakyo kyaha kyo ugaaba wagira. Noꞌmunyere kwakundi, iri angayangwa, naye ndaakyo kyaha kyo agaaba agira. Haliko, ikyanya abandu bali mu yangana, bagaki ba naꞌmaganya hano mu kihugo. Na ndoziizi ukumùkengula hiꞌgulu lyago.

1 Bakorindo 7:30

Na ábagweti bagaalira, babe nga batali mu lira. Na ábagweti bagashambaala kwakundi, babe nga batashambiiri. Na ábagweti bagaagula ibindu, babe nga batabigweti.

1 Bakorindo 7:31

Na ábagweti bagadandaza, nabo batabuyitange mwo lwoshi. Mukuba, kino kihugo nga kwo kiri, kikola kigaamala.

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.

1 Peturu 4:7

Ukuheza kwa byoshi, kukolaga hoofi. Ku yukwo, mukwiriiri mukizi ba masu. Munakizi yihangirira, halinde lyo mushobola ukukizi huuna Rurema.

1 Yohana 2:17

Ikihugo, neꞌbyaꞌbandu bali mu yifwija, byoshi bigalenga. Si iri umundu angagira byo Rurema aloziizi, yehe agaalama imyaka neꞌmyakuula.