1 Bakorindo 12:2 - Kifuliiru

² Muyiji kweꞌkyanya mwâli ki riiri bapagaani, mwâli kizi haburwa, halinde mwanakizi twalwa mu byeꞌmigisi. Kundu kwokwo, iyo migisi imemiri.

1 Bakorindo 12:2 ပူးပေါင်းရင်းမြစ်များ

Zaburi 115:5

Iyo migisi, kundu iri mu ba noꞌtunwa, si itangadeta. Na kundu iri mu ba naꞌmasu, si itangabona.

Zaburi 115:7

Na kundu iri mu ba naꞌmaboko, si itangamamaata. Na kundu iri mu ba naꞌmagulu, si itangagenda. Na kundu iri mu ba neꞌbikorokoro, si itangahulusa izu.

Zaburi 135:16

Kundu iri mu ba noꞌtunwa, si itangadeta! Na kundu iri mu ba naꞌmasu, si itangabona.

Hisaaya 46:7

Bali mu kizi gibetula ha bitugo, banagendi gishinga ahandu halebe. Haaho, ho iri mu beera, itanashobwiri ukugira kwo ihashaage. Na kundu abandu bangagitakira, itangahasha ukubashuvya. Na kundu bangaba bagoozirwi, itashobwiri ukubatabaala.

Yeremiya 10:5

Iyo migisi, ndaalyo igambo yangagira, liba liija, kandi iri libi. Ku yukwo, mutalekage kwo ikizi mùhemura. Iyo migisi, iri nga bikangiiso mu ndalo yeꞌngukuma, kwo biri mu kanga utunyuni. Iyo migisi itashobwiri ukudeta. Na bwo itali mu genda yonyene, abandu bali mu genda bagibetwiri.»

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

1 Bakorindo 6:11

Mwene yibyo, baguma biinyu nabo bâli kizi bigira. Halikago buno, keera bakabishukwa. Munakola bataluule ba Rurema. Munakoli kwaniini imbere lyage mu kati ka Nahamwitu Yesu Kirisito, na mu kati koꞌMutima gwa Rurema witu.

Bagalatiya 4:8

Yaho keera, ku kyanya mutâli zaazi menya Rurema, mwâli ki riiri baja ba íbiri mu detwa kwo bamungu, bitanali ye Rurema nirizina.

1 Batesaloniki 1:9

Yabo bandu boonyene, bali mu menyeesania ngiisi kwo mukatuyakiira bwija. Bali mu deta, na ngiisi kwo mukatwikira ku migisi, mwanayiji ba bandu ba Rurema. Ye Rurema nirizina, anali ye mugumaana.

Tiito 3:3

Mukuba, kiri na nyiitu, yaho keera, twâli riiri bahwija, twanakizi haasa-haasa. Na bwo twâli tebesiri, twâli shwekiirwi mu mifwije mabi ga kwingi-kwingi, twanakizi lungumirirana. Na kwakundi, twâli yamiri mwoꞌmujina noꞌluugi. Twanakizi shombwa, iri tunashombana.

1 Peturu 1:18

Mwehe, bashokuluza biinyu ba keera bakamùsigira ingesho za busha-busha. Kundu kwokwo, mukoli yiji kwo keera mukaguluulwa mu kati kaazo. Neꞌkyanya mukaguluulwa, kutanaba ku njira ya íbiri mu shereera, ngeꞌnooro, kandi iri harija.

1 Peturu 4:3

Mukuba, keera mukateera ikihe kingi mu byaꞌbapagaani bali mu yisimiisa mwo. Mwâli kizi yifunda mu busambani, mu kati koꞌkulungumirwa. Mwanâli kizi na yifunda mu bulalwe, na mu bindi íbitali nga byo, binateeziri ishoni. Mwanâli kizi yikumba imigisi, kundu biri bya kuneenwa.