1 Baami 8:23 - Kifuliiru

²³ anahuuna Rurema, kwokuno: «E Nahano, Rurema waꞌBahisiraheeri, ndaaye gundi Rurema úli ho, aba wa mwiꞌgulu, kandi iri wa hano haashi. Abakozi baawe, ikyanya bagweti bagakukulikira ku mitima yabo yoshi, muli mu nywana ikihango, unali mu kikwiza.

1 Baami 8:23 ပူးပေါင်းရင်းမြစ်များ

Ndondeko 17:1

Hiburamu, ikyanya akahisagya imyaka makumi galimwenda na mwenda, Nahano anashubi múhulukira kwo, anamúbwira: «E Hiburamu, nie Rurema woꞌbushobozi bwoshi. Aaho! Ukizi nzimbaha, iri unakizi yama utungiini imbere lyani.

Ndondeko 33:20

Anahayubaka akatanda koꞌkusiriigiza kwaꞌmatuulo, anahayinika iziina «El, Rurema wa Hisiraheeri».

2 Samweri 7:22

«E Nahano Rurema, ulyagagi wa kahebuuza. Ndaaye úwangakuyigera. Ndaanaye gundi Rurema úli ho, útali wenyene. Yaga gooshi, keera tukagayiyuvwirwa.

1 Baami 2:4

Nahano anakizi gira ngiisi kwo akandagaania, ti: “Abandu ba mwiꞌkondo lyawe, iri bangatuula nga kwo bikwaniini, banabe bali mu ngulikira ku bwemeera, kunabe ku mitima yabo yoshi, na ku menge gaabo gooshi, lyo hatâye bule úgakizi bwatala ku kitumbi kyoꞌbwami bwaꞌBahisiraheeri.”

1 Baami 3:6

Uyo Sulumaani anamúshuvya kwokuno: «E Nahano Rurema wani, daata Dahudi, umukozi wawe, âli kizi kukolera mu kati koꞌkuli. Kwanâli riiri ku njira íkwaniini, na ku mutima úgushenguusiri. Kyo kitumiri ukamúyereka urukundo lwawe. Kiri na zeene, uki múkuuziri bweneene. Mukuba, keera wanyimika, nie mugala wage, gira nimúgomboole, na mbwatale ku kitumbi kyage kyeꞌkyami. «Naani buno, ndi mukozi wawe. Kundu kwokwo, ngiri mwana mwanuke, ndayiji ngiisi kwo ngakizi kola.

1 Baami 6:12

«Ugweti uganyubakira inyumba. Iri wangakulikira amahano gaani, unakizi simbaha ngiisi byo nakubwira, neꞌmaaja zaani zooshi, kwokwo lyo ngakukwigiza amagambo gooshi go nꞌgalagaania yisho Dahudi.

1 Baami 8:24

Aaho! Ukatanga umuhango imwa daata Dahudi, umukozi wawe, keera wanagukwiza. Na buno zeene, ngiisi byo ukamúbwira ku kanwa kaawe, lyo wabikwiza, mu kukoleesa ubushobozi bwawe.

2 Baami 20:3

«E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.

Hizira 1:3

«Kwokwo, mwe bandu baage, buno namùhanguula kwo mugalukire i Yerusaleemu, gira mugendi múyubakululira inyumba. Ee! Rurema atuuziri i Yerusaleemu. Kwokwo Rurema, mukizi yamanwa.

Nehemiya 1:5

«E Nahano Rurema wa mwiꞌgulu! Wehe naaho, we mukulu, unali wa kahebuuza. Iri abandu bangaba bakukuuziri, banabe basimbahiri imaaja zaawe, uli mu kengeera ikihango kyo mukanywana, mu kati koꞌrukundo.

Nehemiya 9:32

«E Rurema witu, ulyagagi mukulu bweneene, unali wa kahebuuza. Ikyanya uli mu nywana ikihango kuguma na nyiitu, uyamiri ugweti ugakisimbaha. Aaho! Ulolage ngiisi kwo twahanyagala, ukulyokera ku kyanya kyaꞌbaami beꞌHasuriya, halinde zeene. Emwe! Twalibuuka ngana-ngana, kuguma naꞌbaami biitu, naꞌbatwali biitu, naꞌbagingi biitu, naꞌbaleevi biitu.

Zaburi 113:5

Rurema Nahamwitu, twangamúshushirania na nyandi? Si abwatiiri ku kitumbi kyoꞌbwami mwiꞌgulu!

Zaburi 35:10

Ngayiberekaania kwiꞌzu kwokuno: «E Nahano, nyandi uli nga we? Si we mu kiza umukeni mu banamisi. Uyo mukeni, kundu angaba atashobwiri, haliko, uli mu múlyosa mu banyazi.»

Zaburi 86:8

E Nahano, mu biri mu yikumbwa byoshi, si ndaaye úkushushiri! Na mu byoshi byo uli mu kizi gira, ndaaye úwangabihasha.

Kulyoka 15:11

«E Nahano, mu biri mu yikumbwa, nyandi úli nga wehe? Nyandi úli mwoꞌbweru bwaꞌkahebuuza? Nyandi úli mu yobohwa mu bulangashane? Nyandi úli mu gira ibitangaaza mwene yibi?

Kulyoka 3:15

anali ye Nahano Rurema wa bashokuluza biinyu, Hiburahimu, na Hisake, na Yakobo.” Mu bibusi biinyu byoshi, lyeryo iziina, lyo ngakizi kengeerwa mwo. Liyamiri liri lyeꞌmwani, halinde imyaka neꞌmyakuula.

Hisaaya 40:18

Aahago! Wangagera Rurema na nyandi? Ashushiini na bikagi?

Hisaaya 40:25

Ulya Mutaluule abuuzagya: «Aaho! Nyandi ye muganjushaania? Ka hali ugundi úli nga nie?»

Yeremiya 10:16

Mukuba iyo migisi, Rurema wa Yakobo yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage. Iziina lyage, ye Nahano woꞌbushobozi bwoshi!

Yeremiya 10:6

E Nahano, ndaaye úkuhisiri kwo. Mukuba, uli mukulu bweneene. Niꞌziina lyawe lyo liri mwoꞌbushobozi.

Danyeri 9:4

«Nanayilega imbere lya Rurema kwokuno: «“E Rurema Nahamwitu! Utuuziri hiꞌgulu bweneene, unali wa kahebuuza! Ngiisi ábakukuuziri, banakusimbahiri, uli mu nywana ikihango mwe nabo mu kati koꞌrukundo, unali mu kizi kikengeera.

Luka 1:72

Akanadeta na kwo agakizi kejeerera bashokuluza biitu, iri anakengeera ikihango kyage kyeru.

Bukengeeze 7:12

«Iri mwangakizi simbaha yizi maaja, munakizi gira umwete gwoꞌkuzikulikiriza, haaho lyo Nahano, Rurema winyu, agasimbaha ikihango kyo mukanywana, nga kwo akalagaania bashokuluza biinyu.

Bukengeeze 7:9

«Ku yukwo, mumenye kwo Nahano naaho, ye Rurema woꞌkuli. Ikyanya abandu bali mu ba bamúsimbahiri, kuguma neꞌmaaja zaage, naye ali mu ba asimbahiri ikihango kyage mu kati koꞌrukundo, halinde ukuhisa ku bibusi kihumbi.

1 Samweri 2:2

Ndaaye gundi úli mweru nga Nahano, ndaanaye gundi Rurema. Ndaaye úli lwala nga Rurema witu.