1 Baami 5:1 - Kifuliiru

¹ Mwami Sulumaani âli twaziri agandi maami gooshi, ukulyokera ku lwiji luhamu Hefuraati, noꞌkuhikiza mu kihugo kyeꞌBufirisiti, halinde na ku lubibi lweꞌMiisiri. Ikyanya Sulumaani âli ki riiri ho, yabo baami booshi bâli kizi múkolera, banakizi ramburira imwage.

1 Baami 5:1 ပူးပေါင်းရင်းမြစ်များ

Ndondeko 15:18

Ku lwolwo lusiku, Nahano ananywana ikihango bo na Hiburamu, anamúbwira: «Kino kihugo, ngakiheereza abandu ba mwiꞌkondo lyawe. Kigatondeerera ku lwiji úluli uluhande lweꞌsheere lweꞌkihugo kyeꞌMiisiri, halinde ukuhisa ku lwiji luhamu Hefuraati.

2 Samweri 5:11

Ha nyuma, mwami Hiraamu weꞌTiiro anatuma abandu, kwo bagendi yubakira Dahudi akajumiro. Anamútumira naꞌbabaaji baꞌmabuye, naꞌbeꞌmbahwa, kiri neꞌbiti byeꞌmyerezi.

2 Samweri 8:10

anatuma mugala wage wa Yoramu imwa Dahudi, gira agendi múlamusa, anamútwalire ulutengu mu kumúhuuza ku buhimi bwage. Mukuba, uyo Tohi, umugoma Hadadezeeri âli kizi múlwisa-lwisa. Mu yulwo lutengu Yoramu akatwalira Dahudi, mwâli riiri ibirugu bya kwingi-kwingi íbikatulwa mu harija, na mu nooro, na mu miringa.

1 Baami 10:25

Yabo bandu, ikyanya bâli kizi yija, bâli kizi múleetera indengu za íbikatulwa mu harija, na mu nooro, kiri naꞌmakanju, neꞌbilwaniiso, naꞌmalaasi, neꞌfwarasi, neꞌbiiza bya bapunda. Yizo ndengu, zâli kizi yija ngiisi mwaka.

1 Baami 5:10

Ubwitegeereze bwage, bukataluka bwaꞌbandu beꞌsheere, noꞌbwaꞌBamiisiri booshi.

1 Baami 5:13

Âli kizi yigiriza hiꞌgulu lyeꞌbiti, ukutondeerera ku mwerezi úguli i Lebanooni, halinde ku hisopo, íhiri mu landa hiꞌgulu lyeꞌkigo. Anashubi yigiriza hiꞌgulu lyeꞌbinyamiishwa, noꞌtunyuni, na íbiri mu yibulula, kiri neꞌfwi.

1 Kutondobola 14:1

Ha nyuma, mwami Hiraamu weꞌTiiro anatuma abandu, kwo bagendi yubakira Dahudi akajumiro. Anamútumira naꞌbuubasi baꞌmabuye, naꞌbeꞌmbahwa, kiri neꞌbiti byeꞌmyerezi.

2 Kutondobola 17:11

Abafirisiti baguma, banakizi yiji tengula mwami Yehoshafaati iharija ku bwingi, kiri neꞌzindi ndengu. Abaharaabu nabo, banamúleetera ibipanga bihumbi birinda na magana galinda, neꞌbihebe byebyo bihumbi birinda na magana galinda.

2 Kutondobola 2:3

«Ndoziizi ukuyubaka inyumba yoꞌkuyikumbira mwo Nahano, Rurema wani. Ngagitaluula imwage, halinde tukizi múyokera mwoꞌmubadu gwoꞌmuhongolo mwija. Munabe mweꞌmikate mitaluule igakizi biikwa imbere lyage ngiisi lusiku. Munabe mwo tugakizi músiriigiza ibitugwa ngiisi shesheezi naꞌkabigingwe, kiri na ku lusiku lweꞌSabaato, na ku siku zoꞌkubaluka kwoꞌmwezi, na ku zindi siku ngulu za Nahano Rurema witu. Kwokwo, kwo akatubwira, twe Bahisiraheeri, kwo tukizi bigira, halinde imyaka neꞌmyakuula.

2 Kutondobola 9:26

Anaba mutwali waꞌbandi baami booshi, ukulyokera ku lwiji Hefuraati, halinde mu kihugo kyeꞌBufirisiti, na ku lubibi lweꞌMiisiri.

Hizira 4:20

Yaho keera mu yako kaaya, mwâli riiri ibikalage byaꞌbatwali. Bo bâli twaziri ikihugo íkiri uluhande lweꞌmuga lwoꞌlwiji Hefuraati. Abandu bâli kizi batangira ikitoolo, noꞌmurambu, neꞌbindu byoꞌkubajabusa imbibi.

Zaburi 45:12

Si ubuyahiri ngana-ngana! Kinatumiri mwami akuhemukiiri. Ku yukwo, ukizi músimbaha. Mukuba, ye yibalo.

Zaburi 72:8

Mwami alonge ukukizi twala, halinde ku nyaaja zooshi, ukulyokera ku lwiji Hefuraati, halinde ukuhisa ku mbeka yeꞌkihugo.

Zaburi 80:12

Twanatavika, halinde twanahikaga ku nyaaja mbamu Mediterane. Ibitombo biitu byanahika ku ngombe yoꞌlwiji Hefuraati.

Kulyoka 34:24

Neꞌri mwangakuumana imbere lyani ubugira kashatu ku mwaka, ngamùyimulira ibinyamahanga, ndaakyo kinyamahanga íkigakizi yifwija ikihugo kiinyu. Kiri neꞌmbibi ziinyu, ngazihamya.

Hisaaya 23:1

Ino ndumwa iri hiꞌgulu lyaꞌkaaya keꞌTiiro. Mwe beene amashuba ágalyosiri i Tarasisi! Mugire mulire ku kimombo. Si ibyambu byeꞌTiiro keera byashereezibwa! Yako kaaya kakola mushaka. Iyo myazi, mukatee giyuvwa mu kihugo kyeꞌKipuro, inali yoꞌkuli.

Hezekyeri 19:11

Gwâli kizi tavika, halinde amatavi ganabaajwe mweꞌngoni yeꞌkyami. Yugwo muzabibu, gukakulaga bweneene, ukuhima ibindi biti. Na bwo gwâli riiri mula bweneene, gwanakizi tavika, halinde abandu booshi banakizi gubona.

Hamoosi 1:9

Nahano adetaga kwokuno: «Abandu beꞌTiiro bagweti bagayifunda mu byaha. Aahago! Ukubahana, ngola ngabahana ngana-ngana! Kundu bakanywana ikihango naꞌBahisiraheeri, si bakakihongola! Banagwata abandu booshi mu twaya tulebe, banabatwala imbohe, gira bagendi ba baja i Hedoomu.

Muharuuro 24:7

Abahisiraheeri bagakizi ba naꞌmiiji mingi. Kiri naꞌbaana baabo, bagakizi longa amiiji nga ngiisi kwo basiimiri. Mwami wabo, agaaba mukulu bweneene ukuhima Hagagi. Ubwami bwage, bugalumbuuka hooshi.

Luka 7:5

Akuuziri umulala gwitu bweneene, anali ye katuyubakira inyumba yitu yeꞌmihumaanano.»

Bukengeeze 20:11

Iri bangayemeera, banamùyigulire inyiivi zaꞌkaaya, lyo yabo booshi bagakizi mùkolera nga baja.

1 Samweri 10:27

Si utunambaaga twohe, twanayiji deta, ti: «Umundu mwene uno, kutagi kwo angashobola ukutukiza?» Yabo bandu, banagenderera ukumúgayiriza, ndaanago matuulo go bakamúleetera. Kundu kwokwo, Sahuli atanabatwaza.